عربيتى كانت واقفه اسفل منزل وسقط منه علبة دهان حوائط اعتقد لاكيه (تقريبا غطت شنطة العربيه والاكصدام كله ) المشكله انه مختلط برمل وممفيش حد مسحه لحد لما جيت اركب العربيه تانى يوم لقيته ناشف جربت اطلعه بميه مش بيطلع وتاااااايه العربيه فبريكا وفضى ميتالك واللاكيه اللى وقع عليها ابيض ومش عارف اعمل ايه المساحه كبيره وماينفعش امسح لان الدهان فيه رمل وناشف معاه .. ارجوكم ساعدونى اعمل ايه واشيله ازاى من غير ما يدمر دهان العربيه الاصلى
لاكيه ولا بلاستيك
معلش اتاكد من الدهان
بانك تحفر بضافر صباعك في الدهان
البلاستيك سهل الحفر فيه
لو لاكيه سيبه هايطقطق مع الوقت والشمس وهايطلع مع الغسيل
لكن هاياخد وقت
لو بلاستيك هايطلع بسرعه اكبر من الاكيه
بردو مع الوقت والغسيل والشمس
صديقي المواطن
حتجيب من عند الموان جاز أبيض وتجيب سفنجة وترمي عالعربية وإستنه كام دقيقه يحل شويه ثم إبتدي إدعك وحط الجاز اﻷبيض وأحيانا بيسموه نفط أبيض والقزازة ب 2 ونص جنيه هاتلك قزازتين ولو السفنجة منفعتش إستعمل فوطة وإدعك وحيطلع معاك وحيريح البوهية ويديها لمعة لكن لو بعد كل ده مطلعش فقولا واحدا تروح لبوهيجي تديه 40 جنيه ينضفهالك بالتنر من غير ميعلم في بوهية العربية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
انا قبل كده واحد رش لي بوية على العربية وروحت بنزينة الولد اللي بيشتغل طلعها بفوطة فيها بنزين
بس بصراحة المساجة ما كانتش كبيرة اوي كده
ياريت تفيدك
او تشرفنا في الورشه نشوف نعملك فيها ايه عشان الرمل ميصنفرش العربية
https://www.facebook.com/groups/295578580457513/
ممكن بقطنه وشويه تنر ممكن يطلع
حبيبات الرمل هاتخربش الدهاناقتباس:
المشاركة الأصلية كتبت بواسطة j a g u a r
بص , شوف مين اللى وقع البويه عليها
وهاته من قفاه قدام العربية
قوله انا عاوز العربية ترجع زى ماكانت .. :d
وسيبه هو يعيش حياته
اهمال فظيع من الناس وتهيالى شوف تجربه الاستاذ صدام ولو ماجابتش نتيجه .... شوف ورشه الاستاذ كريم ...تحياتى وربنا معاك .