أعمل ايه ساعدونى علبة دهان حوائط وقعت على العربيه...

**semsem191079** · 17-01-2014 01:12 AM

عربيتى كانت واقفه اسفل منزل وسقط منه علبة دهان حوائط اعتقد لاكيه (تقريبا غطت شنطة العربيه والاكصدام كله ) المشكله انه مختلط برمل وممفيش حد مسحه لحد لما جيت اركب العربيه تانى يوم لقيته ناشف جربت اطلعه بميه مش بيطلع وتاااااايه العربيه فبريكا وفضى ميتالك واللاكيه اللى وقع عليها ابيض ومش عارف اعمل ايه المساحه كبيره وماينفعش امسح لان الدهان فيه رمل وناشف معاه .. ارجوكم ساعدونى اعمل ايه واشيله ازاى من غير ما يدمر دهان العربيه الاصلى

**hugan** · 17-01-2014 01:34 AM

لاكيه ولا بلاستيك
معلش اتاكد من الدهان
بانك تحفر بضافر صباعك في الدهان
البلاستيك سهل الحفر فيه
لو لاكيه سيبه هايطقطق مع الوقت والشمس وهايطلع مع الغسيل
لكن هاياخد وقت
لو بلاستيك هايطلع بسرعه اكبر من الاكيه
بردو مع الوقت والغسيل والشمس

**saddam** · 17-01-2014 01:57 AM

صديقي المواطن
حتجيب من عند الموان جاز أبيض وتجيب سفنجة وترمي عالعربية وإستنه كام دقيقه يحل شويه ثم إبتدي إدعك وحط الجاز اﻷبيض وأحيانا بيسموه نفط أبيض والقزازة ب 2 ونص جنيه هاتلك قزازتين ولو السفنجة منفعتش إستعمل فوطة وإدعك وحيطلع معاك وحيريح البوهية ويديها لمعة لكن لو بعد كل ده مطلعش فقولا واحدا تروح لبوهيجي تديه 40 جنيه ينضفهالك بالتنر من غير ميعلم في بوهية العربية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال