للاسف احتمال وارد جداً مع غبور، بس هددهم بالشكوى لحماية المستهلك.
عرض للطباعة
للاسف احتمال وارد جداً مع غبور، بس هددهم بالشكوى لحماية المستهلك.
حضرتك ممكن تجبلي بيانات العربية و انا اوعدك هنا إنه إذا كانت عاملة 24 ألف كيلو فقط فالتوكيل هيشيل الليلة وعلى ضمانتي :)
وديها بس التوكيل وهات بياناته وانا قد كلامي!
شكرآ يا استاذ roxer على اهتمامك احنا إن شاء الله هنروح التوكيل بكره او اقرب وقت و نشوف حل للمشكله بس انا مستبعد حكايه حرق الزيت ديه علشان المكنه صوتها هادى و سحبها حلو و الزيت بينقص مش كتير قوى لو هنقول انها مفوته بينقص ربع كيلو كل 4000 و تانى حاجه الدخان مش بيطلع دايمآ و لما دققنا فيه من شويه لاقيناه قريب من الرمادى و تقيل ياريت تكون بعيده عن الزيت
ياريت تتابعنا بالتطورات لإن الموضوع مهم لكل الهيونداوية (لإن المووتور دا راكب في عربيات كتيرة جدا حديثة لهيونداي)
و إن شاء الله خير ياباشا وتكون حاجة بسيطة.
يجري علي التوكيل ما فيهاش الكلام
لان الدخان الازرق دا يبقي موتور بيفوت
خليه يروح باقصي سرعه و يحاول ياخد حقه باي شكل
دا العربيه لسه ما كملتش 30 الف كيلو:(
روحت عند ميكانيكى اعرفو كنت بوديلو الشيروكى اول حاجه فك البوجيهات لقيناها بيضه الأختبار الأول طلع تمام يعنى مفيهاش زيت قيسنا كبس الموتور طلع مظبوط جربنا نفصل بيها و المفاجأه ان طلع دخان ريحته غريبه و رمادى هو كان باين انو ازرق علشان هو كان ماشى قدامى و ممكن ماكنش خدت بالى من اللون بالظبط اللعيب بأه طلع ايه تفتكرو؟؟؟؟؟؟؟؟ العيب من البنزين اللى كان فول بيه العربيه الراجل قال انو مخلوط بجاز و علشان كده انا استغربت لما قولتولى مفوته علشان من قريب مكنش فى اى دخان فمش معقول يوم لما المكنه تبقى خفيفه تطلع دخان كتير فجأه مفروض تبتدى بالتدريج و فعلآ لما فولنا من بنزينه شل اللى فى الطيران مفيش اثر للدخان طلع و البنزينه اللى كان فول منها الأول كانت فى وسط البلد خلو بالكو بأه من حكايه البنزين ديه انا شكلى مش هحط بنزين غير من بنزينات اتعاملت معاها قبل كده
جاز؟!!
لا حول ولا قوة الا بالله، دي المية ارحم وارخص يغشوا بيها!
ياخبر ابيض
جاااااااااااز
منهم لله
الحمد لله انها جت فى حاجة تافهة ظلمنا غبور مهو مش معقول بردو تبقى عربية عاملة 24000كيلو وتفوت دا احنا كنا رحنا معاك وقتلنا غبور الحمد لله وبعد كدة خلية ياخد بالة من موضوع البنزين دة .....
الميكانيكى بتاعك شكلة راجل فاهم لو واحد تانى كان دوخك
اصل الراجل قالى ريحه الدخان نفسها باينه لو زيت هتلاقيه بيحرق العين و ريحته بلاستيك محروق لو مبتحرقش بنزين كويس يبقى دخان اسود و ريحته بنزين نى