السلام عليكم و رحمه الله و براكاته فى واحد صاحبى معاه فيرنا 2007 ماشيه 24000 و فيه حاجه غريبه لما بيكون بيجرى بيها بتطلع دخان ازرق جامد و ساعات مبيطلعش يعنى فجأه يطلع و ممكن لأ و بيطلع فى السحب بس
عرض للطباعة
السلام عليكم و رحمه الله و براكاته فى واحد صاحبى معاه فيرنا 2007 ماشيه 24000 و فيه حاجه غريبه لما بيكون بيجرى بيها بتطلع دخان ازرق جامد و ساعات مبيطلعش يعنى فجأه يطلع و ممكن لأ و بيطلع فى السحب بس
دخان ازرق ؟ :(
انا مش عاوز احبطك بس دة كدا الموتور مفوت !
انت بتقرص عليها دائما ؟
هيا بتاكل زيت و لو خفيف ؟
هى مش عربيتى هى بتاعة واحد صاحبى انا دايمآ بشوفو بيشد بيها كتير و من ناحيه انها بتاكل اه فيه نقص بس انا مش مستوعب الموضوع اوى علشان 24 الف قليل اوى و بعدين ليه ساعات بتطلع و ساعات لأ
حتى لو بيقرص عليها المفروض الموتور ميفوتش على 24000 لسة بدرى على التفوييت
المفروض يروح التوكيل هو لسة فى الضمان ويزعق عشان يعرف ياخد حقة واكيد هيظبطولة الموتور
واستنى بردو نصائح الاخوة فى المنتدى هما اكيد فهميين اكتر منى
خليه يشوف جلب الصباب قبل اى شيى
انا هشوف معاه الموضوع ده ممكن فعلآ يكون سوء استخدام منه
خليه يجيب اخرهم فى التوكيل
24 الف كم يبقى روح للتوكيل علشان الضمان ومحدش
يمد ايدة فيها خالص غيرهم علشان الضمان ميسقطش، وربنا معاك...
تفتكر ممكن يقولوا سوء استخدام؟ اكيد لازم يطلعوا نفسهم كسبانين بأى طريقه ولا ايه رأيكم