السلام عليكم ورحمة الله و بركاته
كنت عايز اعرف بعد إذن حضراتكم ......... لو حبيت أغير العفشة الحالية بعفشة جديدة أمتن و اقوى و افضل من ناحية الإستحمال و الثبات و الراحة ...... إية افضل نوع موجود فى مصر أقدر اجيبة للبولو ال 2001 ؟؟
و هل دا هيأثر على فابريكة العربية ولا عادى مجرد تغيير قطع غيار عادية ملهاش دعوة بإن بعد كدا يتقال إن العربية معدتش فابريكة ؟؟
و لكم جزيل الشكر
أرجو الإفادة للضرورة
انا مش فاهم بصراحة !
يعني حضرتك عايز تغير عفشة ألماني واللي هي أفضل ما يكون لشوارعنا الجميلة بعفشة أخري !!
ياريت توضح ايه المشكلة اللي عندك ولا ايه اللي بيحصل ؟
أنا قصدى يا عمرو باشا إنى اجيب عفشة أحسن من كدا كمان لو موجود تستحمل الشوارع الحلوة بتاعتنا اكتر و تريحنى كراكب أكتر و تبقى أقوى فى التحميل عليها .........و طبعاً أنا عارف إن العفشة الالمانى تمام و كل حاجة بس انا عايز أفضل من إلى راكب فيها و انا أساساً مليش فى التعديلااات و معنديش فكرة بالانواع عشان كدا بسال اهل الخبرة يفيدونى !!
لو العفشة عندك فيها مشاكل
روح لواحد بتاع عفشة محترم يكشفلك عليها
وتشوف ايه اللي بايظ فيها وغيره بالقطع الآصلية وساعتها حتلاقي أحساسك بالعربية مختلف
يعنى إنت تقصد بكلامك دا إنى مش هلاقى أفضل من العفشة الأصلية ؟
بالظبط كده
شكراً جداً ليك يا عمور :)
بص يا باشا
انا كنت بواجه مشكلتك وعفشة عربيتي مكنتش عجباني ( فابيا 2002 1000 سي سي )
روحت للميكانيكي بتاعي اللي بتعامل معاه وهو شغال عفشة كمان
وأعدنا حلينا العفشة اللي قدام كلها مسمار مسمار والبايظ اتغير والسليم اتنضف واتشحم
والنتيجة كانت زي السحر العفشة رجعت زيرو تاني والاحساس بقي مختلف تماما عن الآول
أقرا الموضوع ده حيفيدك
http://www.nilemotors.net/Nile/390442-a.html
شكراً جداً ليك يا عمرو على تعبك معاية
جزاك الله كل خير :)