كونت عايز اشتري عربية ياباني وكنت محتار بين الاتنين دول , ايه رأيكو ؟؟
عرض للطباعة
كونت عايز اشتري عربية ياباني وكنت محتار بين الاتنين دول , ايه رأيكو ؟؟
السوبارو مخدتش حقها فى مصر يعتبر مفيش توكيل ولا قطع غيار ولا اعاده بيع .. الشارك افضل
الامبريزا افضل بسبب الدفع الرباعي... وانا شخصيا لو مكنتش هشتري شارك كنت هفكر في الامبريزا اولا... بس الشارك هتكون افضل كانتشار وبالتالي صيانات وخلافه... العربية دي ميزتها انها مش منتشرة قوي بشكل مستفز زي ماركات تانية وفي نفس الوقت منتشرة الى حد كاف ومتجربة من فترة كويسة بحيث ان كل لوازمها ومشاكلها بقت معروفة... واذا كان الدفع الرباعي بيخلي الامبريزا خارج المنافسة تقريبا فبرضه الشارك ثباتها اهم ما يميزها وتعليقها الملتي لينك رائع وانا شخصيا بشوف انها العربية الوحيدة في مصر بالسعر ده ممكن تاخد منها الثبات ده لأن حتى المازدا3 اللي مقاربة جدا لها سعرها بقى استهبال...
وعموما الشارك الهايلاين ملهاش حل وشكلها تحفة وصالونها شيك جدا...
شكرا علي الافادة
اولا : لجاجوار : حضرتك حكمت منين على كلامك ؟؟ من تجربة و لا ايه بالظبط!! كلامك عن انها مخدتش حقها ممكن يكون صح بس ده مش لسبب بالعربية انما سبب ثقافة السوق بتاعنا .. انما حكاية لا فيه توكيل و لا قطع غيار ؟؟ حضرتك يا ريت تتأكد من كلامك ده .. لأن من تجربتى و تجربة الناس اللى اعرفها فى نادى سوبارو مصر و همة كثير مش قليل الناس مبتشتكيش من التوكيل بالعكس التوكيل محترم جدا و شغله ممتاز عكس توكيلات تانية كتير و قطع الغيار متوفره عنده انما اللى ممكن انك تقصده ان محدش كتير بيشتغل بره التوكيل فالسوبارو و ده فى رأى مش عيب فالعربية بالعكس معتقدش حد هيجيب عربية فوق ال 150000 و هيخلى صنايعى يلعبله فيها مهما كانت ماركتها .. و اسعار قطع الغيار حضرتك ممكن تدخل تشوف المواضيع المعمولة عنها هنا و تقارنها باسعار الماركات الثانية بتوكيلاتها مش عند محلات الاستيراد اللى بيجيبلك الحاجة ولا ليها ضمان و لا انت متأكد 100% انها اصلية , قارن و هتلاقى ان السوبارو فى اسعار التوكيلات ارخص من باقى اليابانى خصوصا الهوندا و الميتسوبيشى و المازدا و النيسان ..
نصيحة لصاحب الموضوع :
حضرتك ادخل و شوف التقارير المكتوبة فى كل قسم للسيارتين : و شوف الناس بتقول ايه و بتقول ايه عن التوكيل و لازم تشوف العربيتين بنفسك و تجربهم و استخير ربنا و انشاء الله ربنا يوفقك للأفضل ليك .
لو عن رأى بقى :
السوبارو افضل من الشارك فى المجمل كعربية انما لا يعيبها غير سعر اعادة البيع : يعنى العربية ال 2014 لو جبتها ب 170000 لما تيجى تبعها بعد سنة من الأن هتكون فى حدود 145000 بس مش هتنزل عن كده تانى لأن ده سعرها النهائى بعد الخسارة .. بس العربية لما هتركبها صدقنى عمرك ما هتفكر تبيعها .. و سياسة انى اشترى عربية علشان ابيعها ده اللى مخلى السوق بتاعنا ضايع ..
و السوبارو عربية موفرة فى صياناتها يعنى مش هتكلفك و لا تفتح بقها معاك قبل 9 الى 10 سنين من الأن علشان تبدأ تغير فيها حاجات ( بلى او حاجات بالعفشة يعنى بتتكلم من 150000 الى 200000 كم . ده لو حصل. عموما شوف انت و احسبها
شكرا eslamsubaru علي الرد....... انا فعلا قرأت كتير عن العربيتين بس لسه ماشفتش السوبارو علي الحقيقة مش لاقيها لسه .........انا فعلا ميال للسوبارو وخصوصا لاني مش من هواه التغيير بعد سنة ولا سنتين.... انا عايز عربية تقعد معايا......حستناها تبقة موجودة في التوكيل علي شهر 2 و اروح اشوفها
السوبارو كرأي فقط
انا برضه ميال للسوبارو
لو لاقيت واحده امبريزا كسر زيرو انت الكسبان
طبعا السوبارو احسن علشان ميزه الدفع الرباعي اللي مش بتنزل في الشارك إلا في الايفو فكره انت معاك عربيه اعتماديه اكتر من الهوندا والميتسوبيشي والنيسان والتويوتا وكفاية أنها اكتر عربيه ماشيه في اليابان نفسها مع الانسر الايفو والعربيه دي رقم 1 مبيعات في إسرائيل يعني دول اليهود اللي مش بيشتروا الحاجه إلا لو مفيهاش الهوا (الله يحرقهم)