الموضوع: مشوره يا عباقره الاوبل فى فيكترا a

الســــلام عليكم ورحمه الله وبركاته

فى البدايه انا بقالى فتره متابع قسم الاوبل وبفضل عباقره الاوبل وعلى راسهم طنانى باشا وتفاعل الجميع ، قررت انى اتشرف وانضم وابقى اوبلاوى ، وبعد بحث طويل وفرجه ع عربيات كتير وللاسف اليومين دول الاسعار خياليه وحالات زباااااااااااااااااااله ، مينفعش تتركب اساساً ، لحد النهارده شوفت عربيه بيتى اوبل فيكترا a 2000 اتوماتيك ، العربيه حالتها جيده ولسه بكرا هكشف عليها عند سمكرى وميكانيكى للتأكد من حالتها ، بس فى حاجه صاحب العربيه وضحهالى للأمانه وهى ان فى مشكله صغيره ف الفتيس فى غيار باركينج بس وجربت الغيارات كلها ، المشكله ان لما تجيب عصايه الفتيس ع الباركينج تلاقى الفتيس ادى غيار مرشدير والعربيه ترجع لورا مع ان العصايه ع الباركينج وصاحب العربيه قالى انه سأل عليها وقاله ان الواير عنده فى حته صغيره مكسوره وهى اللى مسببه المشكله دى وغير كدا باقى الغيارات شغاله تمام ومش مأثره خالص ، وقالى تكلفه اصلاحه تقريبا فى حدود 200 ، 250 جنيه ونصحنى بعدم اصلاحه لانه مش مأثر قوى وهو لما بيركن العربيه بيوقف الفتيس على n مع شد فرامل اليد وخلاص

أسف طولت عليكم بس انا جديد ف العربيات وشرحت لكم كل الموضوع ع ما فهمته من صاحب العربيه وياريت الاخوه الافاضل يعرفونى ان كان صاحب العربيه صادق ف الموضوع دا وان المشكله دى مش مؤثره واقدر امشى بالعربيه من غير ما اعملها ولا كدا يبقى الفتيس كله فى مشكله وهيدخلنى فى متاهه !!!

مع العلم ـ انى للوهله الاولى لم الاحظ هذا الشىء غير لما هو قالى عليه ع سبيل الامانه