الموضوع: سكودا فيفوريت نويت وتوكلت على الله اشد فيفورتى

السلام عليكم ورحمة الله وبركاته
الحمد الله رب العالمين تمت المغامرة التى اقوم بها اول مرة بنجاح ولله والحمد والمنه***
وبدئت تسقيط الموتور يوم الجمعه من الساعة السادسة صباحا حتى تم تشغل المحرك مساء**
طبعا يوم شاق جدا واصيبت بتقلصات فى الرقبة منمتش طول اليل منه ولاكن حب المغامرة ونجاح الموضوع لا يقدر بمال وهذه بعض ما تعرضت له من مضايقاتساسردها ليتعلم من يريد ان يغامر مثلى:

اولا تم تسقيط الموتور بواسطة البلانك فى نصف ساعة تقريبا ولم يتمم عملية التسقيط حيث انزلك جنزير الشداد من على الطنبورة واطريت اتمم العملية بالرفع بالكوريك حيث كان الموتور داخل حوض السيارة**
ثانيا ا:عصاية الفتيس لوحدها اخدت منى ساعة تقريبة وفى النهاية عرفت ان ليها عدلة بتركب بيها وكنت باحاول اركبها مقلوبة وكانت مشكلة**
ثالثا :تم تركيب الدينمو والمارش والموبينة ومشط الكهرباء ودورة البريد الكاربرتير واخيرا الاسبرتير!!!!!!

الاسبرتير دا مشكلة عويصة جدا ودا اللى انا فهمته من الزملاء هنا ومن حيث يتم الشرح بتحيير البستم رقم واحد وبهاذا يكون شاكوش الاسبراتير مقابل للنقطة رقم واحد طيب حد فهم حاجة ؟؟؟؟؟؟
عملت البدع والمستحيل نظرى وعملى والمحرك لا يدور واستعنت بجار لى معه سيارة نصف نقل واخدت وصلة من البطارية وعربيتة شغالة وحاولنا مرار وتكرار وركن دون جدوى وفى النهاية بدلت الوصلات بدون اى مسؤلية وقلت حدور زى ما تيجى وبالفعل المحرك اشتغل ومافيش اى مدافع ولادخان اسود ولاكن اشعر بان الكهرباء غير منضبطة بالمرة**
وذهبت اليوم صباحا لورشة الدوكو لاتمام اعمال الدوكو والسيارة بتعطل وبالبلدى كدا بطة طبعا عرفت ان الكهرباء عديت وانا راجع على الميكانيكى اشرحلو الموضوع قال تحير البستم رقم (1) يعنى يكون البستم فى النقطة الميتة العليا**
قلت عملت قال البستم رقم (1) دا اللى من ناحية الفتيس !!!!!!!!!!!!!!!!!!!!!!!!!!!!!!!!!!!! شفتم بقى ياسادة علشان اللىى بيشرح معلومة مبيشرحاش كاملة وانا طبعا واخد البستم رقم واحد اللى جنب الاسبرتير على اساس اللى مكتوب على وش السلندر ترتيب البوجيهات**

المهم قلت الجو دلوقتى صعب بكرة حجيبهالك ونظبطها سوى قال ماشى اى خدمة قلت يعنى مش زعلان علشان انا سقط الموتور بنفسى قال لا والله عادى **طيب الحمد الله**

عاوز اقول فى النهاية ملاحظات على التجربية **
تم تظبيط التاكيهات كلها على 0.25 ومع ذالك صوت الموتور هادى عن الأول كتير**
الشكمان بيعرق مية وما فيش اى ريحة ولا دخنة من الشكمان مع ان الكهربة ملخبطة**

بس ملاحظ انها بتسخن بسرعة المروحة يدوبك مبتلحقش تاخد نفسها تلاقى الحرارة عليت تشتغل تهبط على طول المهم مبتعديش النص باى حال من الاحوال***

انشاء اللع بعد 500 كيلو حظبط التاكيهات على 0.15 او 0.20**

المشاركة الأصلية كتبت بواسطة adhmmaamon

اولا الف مبروك التجديد ..وربنا يباركلك ويبعد العين عن فيفيوريتتك ويحرسهالك .
ثانيا انا بعتذر وبشده عن انقطاعى اليومين اللى فاتو لاسباب صحيه (الحمد لله).
ثالثا ازاى البستم رقم واحد يبقى من ناحيه الفتيس؟؟؟
انا من يومين تلاته كان عندى مشكله تحجير الاسبراتير(فاكر؟؟) واضطريت اروح لميكانيكى فكه وللاسف خلف كهربا .. وبعد غرض المشكله وتلقى الردود ..تم حل المشكله كما اشار عليا الاستاذ وليد ..
ترتيب البساتم من الشمال لليمين 1342.. وغطا الاسبراتير تكون عدلته ازاى؟؟ رقم واحد لتحت من ناحيه اكصدام العربيه ..اتنين شمال .. تلاته يمين ..اربعه لفوق من ناحيه بربيز العربيه .. بعد كده تحرر البستم رقم واحد (اول بستم من الشمال ) ترفع العجله اليمين وتعش الرابع وتلف للامام لحد ماتحس باندفاع الهوا وبعدين المفك الرفيع فى البستم مكان البوجيه لحد مايبقى اخر حاجه للصعود ويبدا النزول ..ونلف الاسبراتير لغايه ماشاكوش الاسبراتير يبقى على رقم واحد فى غطا الاسبراتير .. قفل ودور ..

ده اللى انا عملته والحمد لله شغال كويس ..
بالنسبه بقى للتاكيهات 0.25 هاتاكل بنزين بالهبل (اسأل مجرب) 20 تمام قوى و15 باشا .. انا ظابط على 0.15 والعربيه الحمد لله مش بتسخن كمان صوتها بقى هادى جدا كمان استهلاك البنزين قل جدا ..

ربنا يقويك ..

الف حمدالله على السلامة ربنا يشفيك ويعافيك اخى ادهم:-

فعلا زى ماحضرتك قلت رقم 1 فى الاسبرتير بيبقى الشاكوش تجاه الاكصدام فعلا انا عملت كدا وكان عندى غطاء مطبوع عليه الارقام 1-4-2-3 ولاكن وش السلندر عندى بقى ترتيبة يختلف عن اللى حضرتك بتقوله عندى الترتيب من ناحية الاسبراتير (1-4-2-3) وحضرتك فى الصورة والشرح عليها (1-3-4-2)هنا فى اختلاف برجلى مخى فلما سالت الميكانيكة قال تحير البستم رقم واحد قلت يعنى اللى جنب الاسبراتير قال لااللى ناحية الفتيس قلت امال المكتوب على وش السلندر قال ملناش دعوه بيه !!!!!!!!!!!!!!!! اتبرجلت اكتر فمش فاهم اى الصح انا عارف ان البستم رقم الول من ناحية الفتيس دا المسؤل عن ادارة المحرك يعنى لو فصلت البوجية بتاعة استحالة الموتور يدور مع انك ممكن تشغل العربية ب2 بوجية فقك او 3 وبنقول العربية متلتة لاكن الببوجي الاول من ناحية الفتيس استحالة العربية تدور***