برجاء المساعدة العاجلة من مالكى فيكترا سى

السلام عليكم ورحمه الله معلشى يا جماعة هطول عليكم شوية انا بعت عربيتى رينو كليو مانوال ومعايا دلوقتى حوالى 90 الف جنيه وممكن ازود حاجة بسيطة كمان وبصراحة مغرم جدا بالفيكترا سى فعايز اعرف اجيب مانوال ولا ايزى ترونيك وهل ايزى ترونيك عملى ولا فيه مشاكل واعطال كتير على حسب ما سمعت علشان كده قولت اسال حضرتكم افضل وهل العربية قطع غيارها متوفرة وغالية ولا رخيصة وان كنت بقارن بينها وبين الفلوانس فنصيحة لوجه الله من الافضل فيهم معلشى يا جماعة طولت على حضرتكم بس ده فلوس هتدفع وانا كمان مش من هواة تغيير العربيات على طول وجزاكم الله كل خير

للتذكير جزاكم الله كل خير

عربية جميله
و الحاله اساسى
عيب او عيوب الايزى ترونيك اتعرفت خﻻص
و مبقاش فيها الغاز زى زمان
الصيانه تحافظ عليها
اهمالها يزعل اى حد منها
و تزعله قوى كمان

طبعا اللى حافظ العربيه عمنا عاشور و عم احمد فهمى
و لو فيه استفسارات
ممكن تكلمنى 01003222021

العربية في المجمل جميلة و محترمة و الايزي ترونك خلاص اتعرفت عيوبه و بقى فيه ميكانيكية فاهمين فيه كويس جدا هو مشكلته انك لازم تتعود عليه بس مش اكثر لكن هو حلو و بيخلي سحب العربية حلو و قطع غيارها اخف كثير عن العربيات الجديدة لأن خلاص حاجتها بقت موجودة استيراد و غالية شوية في التوكيل لأن منصور معروف انه مفتري و ميزة العربية دي ان شكلها مقدمش و شكلها رياضي على كلاسيكي كده و عرضها بيديها هيبة و مش مرمية في الشوارع فهتحس انك مميز و كده كده انا هعمل تقرير عليها بعد 6 سنوات من استخدامها على اول فبراير اكون فضيت . بس خلي بالك هات حالة نضيفة و جربها عشان لما بتتهان و تفضل قاعد راميها من غير صيانة بلاش ، مع ان قطع غيارها معمرة لكن متسبهاش كده لأن كل حاجة ليها عمر افتراضي فلو زعلت زعلتها مش ظريفة معلش هى مش فيرنا

رأي مستخدم مش محترف للعربيه: العربيه ركوبتها ممتازة وفخمة، عاليه علي المطبات وده حاجه انا شخصيا بقدرها جداً؛ استهلاك البنزين بتاعها ممتاز وبقت متعارف عليها خلاص وناس كتير بقت بتشتغل فيها لو اتزنقت لصنايعيه بره مواعيد الصيانات
عموما لازم تسوقها عشان تعرف انا قصدي ايه وتقيم بنفسك

راي مستخدم :عربيه رائعه خاصة ماتور 2200 كل شيء مميز فيها بس مثل ما قال الاساتذه دير بالك عالصيانه لها

الف شكر لكل الاخوة وجزاكم الله كل خير توكلنا على الله ربنا يكرمنا بحالة حلوة