برجاء المساعدة العاجلة من مالكى فيكترا سى

**gym1974** · 18-01-2014 10:10 PM

السلام عليكم ورحمه الله معلشى يا جماعة هطول عليكم شوية انا بعت عربيتى رينو كليو مانوال ومعايا دلوقتى حوالى 90 الف جنيه وممكن ازود حاجة بسيطة كمان وبصراحة مغرم جدا بالفيكترا سى فعايز اعرف اجيب مانوال ولا ايزى ترونيك وهل ايزى ترونيك عملى ولا فيه مشاكل واعطال كتير على حسب ما سمعت علشان كده قولت اسال حضرتكم افضل وهل العربية قطع غيارها متوفرة وغالية ولا رخيصة وان كنت بقارن بينها وبين الفلوانس فنصيحة لوجه الله من الافضل فيهم معلشى يا جماعة طولت على حضرتكم بس ده فلوس هتدفع وانا كمان مش من هواة تغيير العربيات على طول وجزاكم الله كل خير

**gym1974** · 19-01-2014 01:22 PM

للتذكير جزاكم الله كل خير

**tananybasha** · 19-01-2014 01:56 PM

عربية جميله
و الحاله اساسى
عيب او عيوب الايزى ترونيك اتعرفت خﻻص
و مبقاش فيها الغاز زى زمان
الصيانه تحافظ عليها
اهمالها يزعل اى حد منها
و تزعله قوى كمان

**tananybasha** · 19-01-2014 01:58 PM

طبعا اللى حافظ العربيه عمنا عاشور و عم احمد فهمى
و لو فيه استفسارات
ممكن تكلمنى 01003222021

**Abdo Taha** · 19-01-2014 03:04 PM

العربية في المجمل جميلة و محترمة و الايزي ترونك خلاص اتعرفت عيوبه و بقى فيه ميكانيكية فاهمين فيه كويس جدا هو مشكلته انك لازم تتعود عليه بس مش اكثر لكن هو حلو و بيخلي سحب العربية حلو و قطع غيارها اخف كثير عن العربيات الجديدة لأن خلاص حاجتها بقت موجودة استيراد و غالية شوية في التوكيل لأن منصور معروف انه مفتري و ميزة العربية دي ان شكلها مقدمش و شكلها رياضي على كلاسيكي كده و عرضها بيديها هيبة و مش مرمية في الشوارع فهتحس انك مميز و كده كده انا هعمل تقرير عليها بعد 6 سنوات من استخدامها على اول فبراير اكون فضيت . بس خلي بالك هات حالة نضيفة و جربها عشان لما بتتهان و تفضل قاعد راميها من غير صيانة بلاش ، مع ان قطع غيارها معمرة لكن متسبهاش كده لأن كل حاجة ليها عمر افتراضي فلو زعلت زعلتها مش ظريفة معلش هى مش فيرنا