اي معلومات عن طرق علاج فيرس سي في الكبد

**K.Ossama** · 16-05-2014 11:21 AM

المشاركة الأصلية كتبت بواسطة adam33

ملاحظات :
1- يجب أن يحافظ مريض الكبد علي النظام الغذائي الصحي وأن يمتنع عن أكل الدهون وعن التدخين وقطعاً عن الكحوليات.

2- يجب أن يواظب المريض علي تعاطي الأدوية والعقارات الموصوفة له من قبل الطبيب ولا تعارض بينها وبين الحجامة .

3- يجب علي مريض الكبد تكرار التحاليل اللازمة له من فترة لأخرى للاطمئنان علي وظائف الكبد .

4- ينصح المريض باللجوء إلي وسائل الشفاء الأخرى التي أرشدنا إليها رسولنا الكريم مثل : الصدقة والدعاء.

التجارب والنتائج العملية :

تحسنت وظائف الكبد كثيرا بعد عمل الحجامة لكثير من المرضي ووجد أن أعداد الفيروس بدأت في النقصان في كثير من المرضي وتعمل الحجامة للمريض بشكل دوري كل شهر الي ان تعتدل وظائف الكبد ثم تجري كل شهرين بشكل دوري ، وإذا كان التليف قد حدث بالفعل في بعض الخلايا فيكون دور الحجامة هو حماية الجزء المتبقي فقط من التليف وتنشيطه.

وبعدين حضرتك كاتب ان المريض لازم يواظب على الأدوية بتاعته، يبقى نقص اعداد الفيروس فى الpcr بسبب الدواء.

**K.Ossama** · 16-05-2014 11:32 AM

المشاركة الأصلية كتبت بواسطة foxhonda2008

السلام عليكم
الذين اذا اصابتهم مصيبه قالوا ان لله و انا اليه راجعون
الحمد لله طالب من الاخوة الاعضاء اي معلومات عن طرق علاج الفيرس
تم اكتشاف الاصابه بفيرس سي بالصدفه البحته وقمت على الفور بعمل مجموعه من التحاليل
Pcr-وظائف كبد-وظائف كلى-صورة دم كامله
و التحاليل كلها نتائجها ممتازة
مع العلم ان الانزيمات عندي بعد تحليل pcr طالعه في المعدل الطبيعي جدا
و عدد الفيرس 147 بس
وكنت اعرف واحد كان عدد الفيرس 10مليون و 800الف
و الحمد لله راح معهد الكبد و خد 48 حقنه و الحمد لله الفيرس اختفي
و ان شاء الله انا رايح يوم الاثنين عند الدكتورمحمد القصاص نائب مدير معهد الكبد
لذلك ارجو من حضراتكم لو في تجارب تقلولي عليها و جزاكم الله خير

ألف سلامة على حضرتك
أول خطوة هى التأكد من ضرورة العلاج مع عدد الفيروس القليل ده.
وده عن طريق زيارة أحد أطباء أمراض الكبد المشهود لهم بالعلم والضمير. علشان القرار يؤخذ على نور مش بيزنس

ولو تأكد ضرورة التدخل الدوائى يبقى زى ما زميلنا أيمن قال

المشاركة الأصلية كتبت بواسطة ayam7

حاليا ً المتوفر فى مصر العلاج عن طريق حقن الانترفيرون واقراص الريبافييرن لما يتم تحويلك لمركز الكبد هيبدأ كورس الحقن الاسبوعية حسب ما المركز يحدد وكل اربع حقن تقريبا ً بيعملوا تحليل pcr لمعرفة مدى الاستجابة والاقراص بيتبقى يوميا ً هتتعب فى او أسبوع بمعنى ارتفاع فى درجة الحرارة وتكسير فى العضم كأنها أعراض برد وبعد كدة هتتعود وهتبقى تمام اهم حاجة تكون نفسيتك كويسة وتتغذى كويس ومتخافش عشان المناعة عندك تبقى كويسة وكرات الدم البيضاء تبقى عالية وكمان لازم الالتزام بمواعيد الحقن ومواعيد الاقراص وإرشادات الطبيب المتابع وبأذن الله ربنا يشفيك ويشفى كل مريض

بالإضافة إلى وجود علاج اخر جديد المفروض وصل مصر يؤخذ بالفم إسمه Solvadi.بدل الإنترفيرون لكن ما عنديش معلومات كافية عنه. ممكن حضرتك تسأل الدكتور اللى حتروح له

وربنا يطمنك إن شاء الله

**foxhonda2008** · 18-05-2014 01:49 AM

شكرا لاهتكامكم
انا بتابع مع الدكتور محمد القصاص في معهد الكبد
و تم اخذ عينه من الكبد و طلع التحليل
انه لا يوجد تليف و الكبد يعمل بصوره طبيعيه
و كتبلي برشام اسمه ليفرين
و امشي عليه لمده 6 شهور و بعد كده بعمل تحليل

**K.Ossama** · 18-05-2014 09:42 AM

المشاركة الأصلية كتبت بواسطة foxhonda2008

شكرا لاهتكامكم
انا بتابع مع الدكتور محمد القصاص في معهد الكبد
و تم اخذ عينه من الكبد و طلع التحليل
انه لا يوجد تليف و الكبد يعمل بصوره طبيعيه
و كتبلي برشام اسمه ليفرين
و امشي عليه لمده 6 شهور و بعد كده بعمل تحليل

تمام...
وإن شاء الله الأمور تمشى كويس وما تحتاجش حاجة زيادة عن كدة
ألف سلامة لحضرتك

**foxhonda2008** · 18-05-2014 12:10 PM

المشاركة الأصلية كتبت بواسطة k.ossama

تمام...
وإن شاء الله الأمور تمشى كويس وما تحتاجش حاجة زيادة عن كدة
ألف سلامة لحضرتك

شكرا لاهتمام حضرتك و الله المستعان

**the lawyer** · 07-06-2014 08:50 AM

انا مش طبيب ولكن تجربتي مع والدي ووالدتي اقدر اقولك على شوية حاجات :*
1- والدي كان عنده الفيروس واخد حقن الإنتر فيرون والحمد لله بعد ما خلص الجرعة الفيروس راح ، ولكن فيه اثار مدمرة للإنتر فيرون للأسف جاله القلب ، اونت لسة شاب في بداية حياتك فنصيحة بلاش الإنتر فيرون استني العلاج الجديد .
2- والدتي عندها الفيروس واللي فهمته انه خامل بتعمل تحاليل كل فترة والحمد لله كلها كويسة والكبد حالته كويسة والإنزيمات ، والدكتور بيديها مكملات غذائية فقط من اكتر من 4 سنين .

لو انت من الدلتا نصيحة روح معهد الكبد بالمنوفية ناس فاهمة شغلها ومن اكبر المعاهد في مصر والعالم