سمعات 301 active

**ِA.Elsobky** · 19-01-2014 01:54 AM

السلام عليكم ...
انا الحمد لله استلمت عربيتى 301 active يوم 14-1 ... و بصراحه معجبنيش ال sound system خالص .. المهم كلمت التوكيل علشان اسأل هل ينفع اركب سمعات ورا ولا لا ؟! ... قالى ينفع بس السمعات لسه مجتش ... فا سألت هل ينفع اجيب سمعات من بره و اركبها عندك ! قالى ينفع بس هتمضى على ورقه بان السمعات دى من طرفك ... قولتله ليه ؟ قالى علشان ممكن السمعات اللى انت هجبها تعمل over load على الضفيره ..
السؤال بقه !!! هل كلامه دا صح ؟ .. ولا بس بيخوفنى علشان اركب من عندهم السمعات ؟!
علماً بأن السمعات اللى هجبها KenWood او Sony Xplode او Pioneer
يأريت اعرف ايه رأيكم ؟ و اركب السمعات اللى انا عايزها و انا مطمن ولا لا ؟!

أسف على الاطاله
شكراً

**exact** · 19-01-2014 02:15 AM

كله في الهجص... اشتري طقم نضيف وروح ركبه

**ِA.Elsobky** · 19-01-2014 02:20 AM

المشاركة الأصلية كتبت بواسطة exact

كله في الهجص... اشتري طقم نضيف وروح ركبه

انا حاسس بكده والله ... ان شاء الله هعمل كده
شكرا ليك يا باشا

**maio_do** · 19-01-2014 06:37 AM

نفس الكاام اللى قااه الدكتور

**wella3330** · 19-01-2014 07:43 AM

المهم يكون خرج cd player يكفي يشغل السمعات

بمعني ادق out put power لازم تكون كفاية انها تشغل السماعات

طبعا حوار الضفيرة ده فيلم هندي مفيش قلق علي السلك المشكلة هو ان cd player يتحمل wattage بتاع السمعات

**mahmed0100** · 19-01-2014 08:11 AM

المشاركة الأصلية كتبت بواسطة wella3330

المهم يكون خرج cd player يكفي يشغل السمعات

بمعني ادق out put power لازم تكون كفاية انها تشغل السماعات

طبعا حوار الضفيرة ده فيلم هندي مفيش قلق علي السلك المشكلة هو ان cd player يتحمل wattage بتاع السمعات

انا مع الرأي ده
كل الحكايه ان التوكيل عايز يبرأ زمته من اي مشكله تحصل في الكهربا مدام القطع مش من عنده و ده مش غلط .. حقه ..
الحل الوسط زي ما تكرم الاخ العزيز wella3330و قالك
انت عايز تركب سماعات .. امضي الورقه بتاعتهم
بس المهم اتاكد من out V علشان تشتري سماعه مناسبه للعربيه و انت كده كده حتشتري نوع نضيف فلا تقلق يا صديقي :)
و لو في فرق نص فولت مش مؤثر بس حاول تشتري نفس الفولت علشان ميبقاش ليهم اي حجه
و مبروك استلام العربيه :)

**A.Adel** · 19-01-2014 08:30 AM

زي ما هو حقه إنك تمضي تعهد إنك جايبها من طرفك
برده إنت من حقك إنه يكتب إنه وجد إنها متوافقة مع السيارة
والا إيه الفرق بقى , ما أنا اركبها بره و خلاص بدل ما ادفع مبلغ في التوكيل

ولو عاوز رأيي المتواضع
متخليش فيه record عنده إنك مركب حاجة من بره
ركبها بره , في شارع دمشق مثلا هتلاقي ناس فاهمة 100 مرة أحسن من التوكيل
ولو لا قدر الله حصل حاجة , هتفك السماعات وتروحلهم التوكيل
بدل لما أي حاجة تحصل يتلككولك ويقولولك أصل دي من السماعات

الموضوع بسيط جدا , كل ما في الموضوع إن لازم تتأكد إن الكاسيت هيقدر يقوم السماعات

لا اما استنى سماعات التوكيل لو عاوز تشتري دماغك وهيديك ضمان عليها كمان أكيد
بس أكيد برده هتبقى أغلى

**mahmed0100** · 19-01-2014 09:01 AM

وجهة نظر يا a adel
بس لامفر في التوكيل من ان يكون عنده اثبات ان في قطعه من بره التوكيل اتركبت عنده بطلب من العميل
مع انك كلامك منطقي بس علي ارض الواقع مش حينفع يتنفذ

**mahmed0100** · 19-01-2014 10:01 AM

بس للامانه كان في حد ركب سماعات بره التوكيل قبل كده و معانا في المنتدي
و حصلت معاه مشكله في العربيه و كانت بتظهر errors غريبه علي الشاشه .. فرأي ركب في التوكيل علشان يبقي ليهم مشاركه في اي مشكله تحصل لاقدر الله .. اسمهم وافقوا علي التركيب جوه الورشه بتاعتهم و لو السماعات ممكن تسبب مشكله في العربيه ايه اللي خلاهم يركبوها ! ؟
من المنطق ده ممكن يبقي ليك الحق لو حصل لاقدر الله مشكله فعلا ... لان البيجو معقد شويتين في كهربته و الكمبيوتر بتاعه .
مش اي حد يشتغل فيه كويس

**ِA.Elsobky** · 19-01-2014 01:29 PM

المشاركة الأصلية كتبت بواسطة wella3330

المهم يكون خرج cd player يكفي يشغل السمعات

بمعني ادق out put power لازم تكون كفاية انها تشغل السماعات

طبعا حوار الضفيرة ده فيلم هندي مفيش قلق علي السلك المشكلة هو ان cd player يتحمل wattage بتاع السمعات

المشاركة الأصلية كتبت بواسطة mahmed0100

انا مع الرأي ده
كل الحكايه ان التوكيل عايز يبرأ زمته من اي مشكله تحصل في الكهربا مدام القطع مش من عنده و ده مش غلط .. حقه ..
الحل الوسط زي ما تكرم الاخ العزيز wella3330و قالك
انت عايز تركب سماعات .. امضي الورقه بتاعتهم
بس المهم اتاكد من out v علشان تشتري سماعه مناسبه للعربيه و انت كده كده حتشتري نوع نضيف فلا تقلق يا صديقي :)
و لو في فرق نص فولت مش مؤثر بس حاول تشتري نفس الفولت علشان ميبقاش ليهم اي حجه
و مبروك استلام العربيه :)

انا اسف بس اعرف ازاى ال out v دا
و الله يبارك فيكم ... و تسلموا على الردود