مشتريات ل 301 عند الاستلام

**د/سامح** · 20-01-2014 02:38 PM

[QUOTE=Mohamed 555;3875385843]فيه شويه تظبيطات للعربية تخلي شكلها حلو اوي برضو زي الحاجات دي

النيكل اللي على البدالات

و ده شكلها و هي متركبة

و دول بيتركبو على العتب اللي عن الباب

و ده شكلها و هي متركبة

و فيه اللي بتتحط على الشنطة من ورا

و على المقابض

[/QUOTE
الحاجات دي زوقها عالي بصراحة يسلم زوقك بس الاقيهم فين ؟

**د/سامح** · 20-01-2014 03:04 PM

بسم الله الرحمن الرحيم

بصراحة الموضوع دة فعلاً مفيد جداً و يا ريت اي حد يلاقي حاجة شيك و يشتريها يصورها و يحطها للافادة .... بس من واقع تجربة شخصية الهايلاين من العربية شياكته و أناقته في بساطته يعني لو حضرتك ركبت حاجة خليك في الحاجات الرقيقة البسيطة و بعد ما تركبها هاتحس ان الحاجة الي ركبت نازلة مع العربية مش متركبة .... بالنسة لموضوع كفر الدريكسيون في حاجات في الكوربة جلد و بسيطة خالص لان فعلاً لو الجلد الي فيها قشر هانزعل خالص .... لو حضرتك حطيت النيكل الي على الشنطة الي في مشاركة أ / محمد الي موجود على شنطة ال 407 في الصورة بس ركبته فوق علامة البيجو ( اكنه تحت ال سبويلر كدة) اعتقد هاتدي شياكة اكتر و هاتخليها تشبه شنطة ال 508 لحد كبير ما عدا الليدات طبعاً....بالنسبة للفوط الصفرا الراجل بتاع المغسلة نصحني اني اغليها في مية سخنة بإريال عشر دقايق و بعدين تتغسل بمية و لما تنشف ما بتبقاش موبرة و ما تجرحش القزاز .... و الف مبروك للي استلم و يارب الي ما استلمش يستلم على خير ... و ربنا يحفظ العربية دي لانها فعلا ان شاء الله هاتعمل طفرة زي الكورولا ال 2001 و السيراتو ال 2009

**Mohamed GEMY** · 20-01-2014 03:17 PM

طب كنا عاوزين نعرف من فين ممكن نجيب الحاجات دي ..زل هتتجاب من بره مصر فياريت نجمع كلنا مع بعض وتيجي شحنه واحده

**Mohamed 555** · 20-01-2014 04:04 PM

للاسف الحاجات دي انا لقيتها على موقع ebay و ممكن نشتريها عادي بس مش عارف هي موجوده عند حد بيبيع الحاجات دي في مصر ولا لا... لاني لسه مستلمتش العربية بس ببص على الحاجات اللي عاوز اجيبها ليها..

**د/سامح** · 20-01-2014 04:14 PM

المشاركة الأصلية كتبت بواسطة mohamed gemy

طب كنا عاوزين نعرف من فين ممكن نجيب الحاجات دي ..زل هتتجاب من بره مصر فياريت نجمع كلنا مع بعض وتيجي شحنه واحده

فكرة ممتازة يا استاذ محمد

**ABOMO3AZ HASBO** · 20-01-2014 08:45 PM

موضوع رائع
واحب اضيف طقم عده لزوم الطوارئ
وكوريك رفع هيدروليكي

**ABOMO3AZ HASBO** · 20-01-2014 10:25 PM

المشاركة الأصلية كتبت بواسطة mahmed0100

الموضوع رائع علشان الكل مشارك فيه :)
منور يا باشا
هي العربيه مش جاي معاها كوريك ؟؟

فيها كوريك زي بتاع اي عربيه اوروبي
بس للاسف متعب جدا مع طرقنا لانه بيحتاج ارض مستويه علشان ما يوقعش بالعربيه
وده عن تجربه معاه مؤلمه

**mahmed0100** · 21-01-2014 08:21 AM

المشاركة الأصلية كتبت بواسطة mina carlo

الف مبروك وربنا يباركلك فيها ... العربية جميلة جدا و فعلا بدأت تنتشر بشكل ملحوظ .. امبارح كنت ف معرض و شفتها من جوة و انشاء اللة فى خلال اسبوعين هحجزها ... عندى بس سؤال و يارب يكون اللى سمعته مش صح .. هل فعلا الخامات المستخدمة زى المقصات و الكبالن و الخ صينى؟؟ و ده سبب ان العربية نازلة بالسعر الرخبص ده (ك بيجو يعنى و ما ادراك بالبيجو )

الله يبارك فيك يا مينا
و عقبالك بيها او بأحسن منها :)
انا اول مره اسمع الكلام ده و معانا عمرو علي المنتدي كان حصل معاه حادثه ربنا يكفينا شر الحوادث جميعا .. و كان وصل للمساعد لكن مقالش حاجه عن صناعته ايه
لكن مثلا الفانوس بتاعها صناعه مغربي و دي حاجه مش فارقه طبعا في العربيه علما بان سعره 1100 ج من سؤالي في التوكيل و عمرو اشتراه ب 1600 ج .. مش عارف فرق ضريبه و لا ايه .. و عربيه ريو كوري فانوسها ب 1700 ج الي 2300 ج من سؤالي عنه في التوكيل حسب led و لا عادي
اللي عايز اقوله ان ممكن العربيه يكون فيها مكونات مش اوربيه لتخفيض السعر .. لكن مش في اساسيات العربيه و إلا كانت بانت من اولها زي عيوب كتير من العربيات اللي اضطرت توكيلاتها تسحبها من اول شهرين لوجود عيوب صناعه
بإختصار .. بيجو بتحاول تستعيد اسمها و بمساعدات حكوميه في فرنسا فمش معقول يعملوا حاجه زي كده ممكن تدمر اسمهم للابد

و احنا كمصريين لو شفنا مكونات صيني في العربيه كان زمان الكوكب كله عرف .. ما انت عارف الحساسيه بتاعتنا من الصيني :))