تغيير مقاس الجنوط مع ميعاد تغير الكاوتش
بسم الله الرحمن الرحيم
تحياتى وتقديرى لكم جميعاً...
إن شاء الله قررت إنى اغير الكاوتش بتاعى لإنه خلاص قرب للآخر، قولت بالمرة أغير المقاس وأغير الجنوط القديمة بجنوط مقاس 15 إن شاء الله، مقاس الجنط القديم 13 سبور
كنت عاوز مشورتكم فى نوع كاوتش كويس بالإضافة إنى إن شاء الله هجيب جنوط تايوانى مش صينى...
قريت موضوعات كتير فى المنتدى بس ليا كام سؤال...
أولاً إيه موضوع الرينجات دى؟؟
ثانياً الأوفست أعرف رقمه منين علشان اجيبه مش اقل من 35؟؟
ثالثاً: الإستبن مقاس 13 جنط عادى هل يفضل زى مهو إستبن ولا مش هينفع ؟؟
الميزانية إن شاء الله مش هتزيد عن 3000، بالإضافة لإنه هياخد طبعاً الاربعة القدام بالجنوط الإسبور بتاعتها... سعر بيع جنوطى القديمة بالكاوتش بتاعها تقريباً يتباع بكام هو عرض علياً 500ج الجنوط حالتها معقولة...
شكراً للمساعدة..