فتيس الباسات 2000

**احمد ابو العز** · 19-01-2014 02:19 PM

الفتيس عندى بيقرء على على الغيار التالت بس وكشفت عليه الراجل قالى دا مفيهوش حاجه كل ما ازود ينقل لكن على الطبيعه فى مشكله اعمل ايه ومين يعرف حد بتاع فتيس للباسات

**Ahmed Saad** · 19-01-2014 04:32 PM

بص الفتيس لو بيطلع على التالت ودي تعرفها أن طلعت العربيه تكون تقيله يبقى في مشكله بالترتيب كده فيوز أو تراجع على الضفيره أو كنترول فتيس باظ بس المفروض لما تحط العربيه على الجهاز يطلع عطل روح عند حد يكشفلك على الفتيس والموتورواكتب اأي كود يطلع واكتبه هنا وانا اقولك فيها ايهاإن شاء الله

**احمد ابو العز** · 19-01-2014 11:54 PM

هروح لهانى سمير بتاع جسر السويس ولا فيه حد تانى كويس ولا ممكن اروح لاى حد كويس

**Ahmed Saad** · 20-01-2014 06:45 AM

بص هو لو تشخيص كهربا ممكن هاني بس لو مشكله في الفتيس نفسه الله اأعلم هو بيعرف يصلحه ولا لا انا اسمع عن واحد اسمه زاهر بتاع فتيس في صقر قريش المعادي في اعضاء في المنتدى اتعاملو معاه بس روح لهاني أضمن الأول يحطلك العربيه على جهاز االأعطال وان شاء الله خير

**احمد ابو العز** · 20-01-2014 07:05 PM

شكرا لاهتمامك يا باشا .انا روحت لهانى عصمت النهارده قالى روح لاحمد زاهر بتاع صقر قريش اللى حضرتك قولت عليه .كشف على الفتيس وقالى هو على الجهاز بيقرء نقلات اما فى الواقع لما جربنا العربيه مش بينقل .قالى دى مشكله فى البلوف .فيه بلف فيه مشكله .وهروح له تانى يوم الاربع يشتغل فيه .ايه رايك فى الكلام دا

**Ahmed Saad** · 20-01-2014 11:53 PM

ممكن فعلا يكون الفالف بدي لان ده جزء ميكانيكي مش بيقراه السكانر وفعلا لو مسدود ماينقلش واللي بيسده الرايش بتاع الفتيس وبيكون بسبب التاخير في تغيير زيت الفتيس والفلتر عن معادهم بس لما تروحله اعرف التكلفه وماتخليهوش يغير غير الفالف بدي ولو في فتح شغل في الفتيس غيره وريح دماغك بواحد استيراد وهيعمل في حدود من 3500 الي 4000 ج لان التصليح في الاتوماتيك مالوش لزمه ورمي فلوس علي الارض لكن الفالف بدي ده لو غيره مايعتبرش تصليح ده تغيير جزء ميكانيكي بحت وان شاء الله خير

**احمد ابو العز** · 22-01-2014 10:23 PM

رحت النهارده لاحمد زاهر عشان الفتيس وبجد هو فاهم كويس اوى الفتيتس اتصلح بقى تمام
شكرا لاهتمامك يا باشا

**Ahmed Saad** · 23-01-2014 12:07 AM

لا شكر على واجب والف مبروك على التصليح بس عايزين نعرف عمل ايه والتكلفة كانت كام والف مبروك مره تانيه

**احمد ابو العز** · 23-01-2014 09:46 AM

هو طلع الفالف بدى ونظفه كان فيه فالفات فيها رايشوفيه فالف متبدله
وزود الزيت بتاع الفتيس (موبيل ب 125 )
خد 450 جنيه
تمن الزيت والمصنعيه
ا

**Ahmed Saad** · 23-01-2014 10:32 AM

معلش هوا حطلك زيت موبيل الأحمر لو عمل كده يبقى هيجيب أجل الفتيس تاني قريب ياباشا الفتيس بتاع العربيه دي بياخد زيت فتيس كهربا لونه ابيض مصفر لأنه زيت تخليقي وده اللي الشركه بتوصي بيه اما الموبيل الأحمر اللي هوا مكتوب عليه Atf 220 أو atf320 ده زيت معدني وبيتحط في العربيات الكوري والياباني لو حطلك زيت موبيل الأحمر معلش هتروح تغيره بزيت ماركة فيبي ألماني كهربا اللتر ب 110ج علشان ما يأثرش على الفتيس وأبقى طمني وقوللي عملت ايه

الموضوع: فتيس الباسات 2000

LinkBack

أدوات الموضوع

عرض

-

-

-

-

-

المواضيع المتشابهه

سؤال عن فتيس الباسات

فتيس الباسات

فيه حد غير زيت فتيس الباسات يا جماعة...........

زيت فتيس الباسات 2008

زيت فتيس الباسات 2007

الكلمات الدلالية لهذا الموضوع

المفضلات

المفضلات

ضوابط المشاركة