عرض gps tracker من وفرها

**d345mate** · 19-01-2014 03:58 PM

السلام عليكم

في عرض من وفرها.كوم ب 980 بدل من 1600 مش عارف مسموح اللينك ولا لأ بس الي هايدخل على الموقع هيلاقية هو محل في مدينة نصر والجهاز في الخواص دية

بتتلخص فى أن لو عربيتك اتفتحت واتعرضت لمحاولة سرقة الجهاز ده هيبعتلك رسالة على موبايلك أن عربيتك فى حد بيحاول يسرقها ولو دور العربية ومشى بيها بيبعتلك رسالة أن العربية بتمشى وبيدخل على الانترنت و يعمل حساب على الموقع الخاص بيه ويتابع خط سير العربية. مش بس كده أنت لو حددتله مكان العربية متخرجش منه زي مدينة نصر مثلا أول ما الحرامى هيخرج من مدينة نصر العربية هتبطل لوحدها ومش هتتحرك من مكانها. أما لو حد حاول يسرق عربيتك وأنت جواها ففى زرار أنت بتدوس عليه هيتصل فورا بـ 3 أرقام ورا بعض لأشخاص أنت مختارهم ومسجلهم ويفتح الصوت علشان الـ3 اشخاص دول يعرفوا ايه اللى بيحصل فى العربية بالتفصيل وكمان هيبعت رسايل بمكان العربية للأرقام دى

انا بصراحة بقلق من الحاجات الصيني لانها مش بتعمر دة غير ان العرض مش مبين نوع الجهاز ولا موقع السيرفر ودة مشككني اكتر ,يارات اعرف رأي حضراتكم في الجهاز و السعر و سمعة المحل

**akmm** · 21-01-2014 10:58 AM

متابع .....................

**d345mate** · 23-01-2014 04:19 PM

العرض كان فاضلة وقت الموضوع دة 53 ساعة و دلوقتي زودوة بقى 127 ساعة ! و بردة ماحدش اشترى طب يا جماعة بلاش دة بالذات , الي عتدة تجربة خاصة مع الجهاز عموما يقولنا