مطلوب حل عبقرى منكم لمشكلة اختى(مالك عمارة بيشيل طبق دش من سطح كل ما تحطة)

**الفجر** · 19-01-2014 06:35 PM

اختى قاعدة فى بيت الوالد ايجار قديم وبعد ما الوالد مات اختى ملهاش الا شقة دى ومالك العمارة راجل اعمال واصل جدا جدا فى البلد المهم هددها بطرد وحاجات كتير دولوقت اخر حاجة بيعملها انة كل ما اختى تجيب الراجل يصلح الدش ويركب السلوك مالك العمارة اما يقطع سلوك من سطح العمارة او يشيل الطبق الدش فهل من حل لديكم ؟؟

علما ان البلكونة فى الدور الاول وللاسف مش اتجاة القمر الدش لانى فكرت اركب الدش فى البلكونة وخلاص لكن الراجل قالى للاسف حظك حش الشقة اتجاهها عكس اتجاة القمر

ارجوكم حل عملى منكم لمشكلة الدش

**foxhonda2008** · 19-01-2014 06:43 PM

تاخد وصله من اي جار

**Y a r i s** · 19-01-2014 06:58 PM

لا حول ولا قوة الا بالله
بص يا اخي. العزيز الغالي ... انزل باب اللوق. واسئل عن طبق دش صغير اسمو lnb مخترق الخرسانة تمن الإل. إن بي لوحدها ٢٥٠ جنية ... وده مش شرط تركبوا في البلكونة لو حبيت تركبو في ؤوضة النوم هيركب ... انا شفتوا بعنيا في المحلات الي في باب اللوق عند الجراش الي جمب البستان سنتر مش في هناك جراش اسموا الفلكي ... فيه محلات كده بتوع ديش قدام رياض عمران بتاع العربيات بالزبط. ... وبالتوفيق .

**abdel samie** · 19-01-2014 07:22 PM

كهرب الطبق والاحسن تديله ٣ فاز ٣٨٠ فولت
تحياتي

**hobiko** · 19-01-2014 07:28 PM

المشاركة الأصلية كتبت بواسطة abdel samie

كهرب الطبق والاحسن تديله ٣ فاز ٣٨٠ فولت
تحياتي

كنت حقترح نفس الأقتراح ده :)

**speed_magnum** · 19-01-2014 07:57 PM

تستاذن اي جار وتجيب عدسه بمخرجين وتوصل السلك بتاع الدش فيها

**samyyousef** · 19-01-2014 08:30 PM

ابحث عن الحلول الودية و لا تيأس منها

**mgheam** · 19-01-2014 09:13 PM

هي حصلت معانا قبل كده في شقة لاحد اخوتي
لكن كنا (ملاك للشقة)
والعقد فية ان لنا حصة شائعة من العمارة للاستخدام المشترك
وبالتالي اخدنا تمكين من تركيب الدش من المحامي العام وموقع علية بالتنفيذ حتى بالقوة الجبرية
وبالفعل جبنا عسكري وصاحب العمارة مضى على الورق ومقدرش يتكلم او يعمل حاجة تاني
الوضع ده لشقة تمليك .. مش عارف ينفع في الايجار او لا
وكان قبل الثورة .. كان فيه عساكر من القسم بتطلع لما يكون معاك تنفيذ بالقوة الجبرية
معرفش ايه الوضع دلوقتي