عايز أركب مساعدين أماميين لشاهين

**MohabSaeed** · 15-10-2008 12:59 AM

المساعدين الغاز عموما معروفين انهم بيعيشو اكتر من الزيت بس برده على حسب استخدامك و ديه نقطه مهمه جدا
بس انا و اخويا و واحد صاحبى ( 131 , 131 . دوجان ) عندنا المساعدين الخلفيه مونرو غاز و بقالهم فتره و الحمد لله كويسين .
و فيهم نسبه و تناسب ما بين الراحه و الثبات , يعنى مش بيعومو العربيه و مش بيحجرو ويخلو العربيه ناشفه .

بالنسبالك فى الريتمو انا مش عارف اذا كان بيركبلها مساعدين مونرو خلفى غاز ولازيت ... بس الاكيد انهم اغلى بكتير من مساعدين ال131 بس مش عارف سعرهم بالظبط .

بالنسبه للمساعدين الاستيراد طبعا منصحكش بيهم فكره ان حد يجيب حاجه فى العفشه مستعمله غلط جدا و غير مجديه لانهم ممكن يقعدو معاك شهرين و يبوظو يبقى عملت ايه ؟

انا رأيى خليك فى المونرو على الاقل مضمون لمده سنه كامله و بيعيش انا مشوفتش حد قال كلمه وحشه فى المساعدين ديه .
و كتير بيفضلو المساعدين الغاز " اذا وجد لموديل السياره مساعدين غاز " لانهم بيعيشو اكتر .

**dream_man1110** · 18-10-2008 08:35 PM

كنت امبارح فى التوفيقيه و سالت عند هشام لهيطه عايز يحسبلى المساعدين الخلفى مفس سعر الامامى 440 جنيه و لقيت مساعد اليكو اسبانى غاز على زيت طبعا قلت للولد ايللى عند هشام انتوا حراميه ايى ورا ارخص D: قالى مين ايى قالك كده قلتله سبعاوى ههههههههههههههههههههههه بس لسه مش استقريت مابين المونرو الزيت او الاليكو الغاز !! و على فكره الاليكو عامل 380 و مش معاه ضمان .

**شريف** · 20-10-2008 01:32 AM

المشاركة الأصلية كتبت بواسطة dream_man1110

كنت امبارح فى التوفيقيه و سالت عند هشام لهيطه عايز يحسبلى المساعدين الخلفى مفس سعر الامامى 440 جنيه و لقيت مساعد اليكو اسبانى غاز على زيت طبعا قلت للولد ايللى عند هشام انتوا حراميه ايى ورا ارخص D: قالى مين ايى قالك كده قلتله سبعاوى ههههههههههههههههههههههه بس لسه مش استقريت مابين المونرو الزيت او الاليكو الغاز !! و على فكره الاليكو عامل 380 و مش معاه ضمان .

حرامية طبعا
روح مونرو اللى فى الحرفيين
الشاهين المساعدين الامامى ب 460 و الخلفى ب 260 على مااعتقد

**dream_man1110** · 23-10-2008 08:43 PM

ابو الحسن بتاع بين السرايات اكد بردو ان سعرهم 440 طيب ممكن رقم تليفون الناس بتوع الحرفيين

**sab3aawy** · 25-10-2008 12:58 PM

المشاركة الأصلية كتبت بواسطة dream_man1110

كنت امبارح فى التوفيقيه و سالت عند هشام لهيطه عايز يحسبلى المساعدين الخلفى مفس سعر الامامى 440 جنيه و لقيت مساعد اليكو اسبانى غاز على زيت طبعا قلت للولد ايللى عند هشام انتوا حراميه ايى ورا ارخص D: قالى مين ايى قالك كده قلتله سبعاوى ههههههههههههههههههههههه بس لسه مش استقريت مابين المونرو الزيت او الاليكو الغاز !! و على فكره الاليكو عامل 380 و مش معاه ضمان .

هى عربيتك نوعها ايه؟

المساعدين الخلفى ارخص لل131 والشاهين فقط لأنهم اصغر بكتير من الاماميين

لكن ال 128 والريتمو والريجاتا وال127 الخلفى بنفس سعر الأمامى

ال132 الأمامى والخلفى رخاص بسعر الخلفى بتاع الشاهين لأنهم صغيرين

**dream_man1110** · 26-10-2008 09:52 PM

المشاركة الأصلية كتبت بواسطة sab3aawy

هى عربيتك نوعها ايه؟

المساعدين الخلفى ارخص لل131 والشاهين فقط لأنهم اصغر بكتير من الاماميين

لكن ال 128 والريتمو والريجاتا وال127 الخلفى بنفس سعر الأمامى

ال132 الأمامى والخلفى رخاص بسعر الخلفى بتاع الشاهين لأنهم صغيرين

انا معايا ريتمو

**ahmed_122** · 27-10-2008 08:22 PM

يا جماعة ريحو دماغكو وركبو طقم بتاع دايو لانوس المساعدين الخلفية بتركب استاندر والامامية بتحتاج تعديل بسيط عند الخراط ودى اول مرة بس لكن من غير مبالغة بعد ما هتعدلو هتحسو بفرق رهيب ودى عن تجربة وخصوصا فواصل الكبارى والبلاعات وهتتمسكوا بالعربية اكتر واكتر والموضوع مش هيتكلف كلة يعتبر اقل من ثمن 2 مساعد امامى من عند لهيطة ولا للاحتكار

**dream_man1110** · 29-10-2008 12:19 AM

برجاء الافاده من سبعاوى بوجهة النظر المقترحه و يا ترى نجيب مساعدين الدايو منين و يا ترى سعرهم كام و نوعهم ايه و هل هما استيراد ام جديد برجاء الافاده بشكل كامل و ميرسى للاهتمام

**zizophone** · 30-10-2008 03:16 AM

عايزين نفهم اكتر حوار المساعدين ناس تقلك الدايو وناس تقلك البيجو أنهي احسن ؟
ولا نخلينا في المنرو

**modygemy86** · 04-11-2008 01:07 PM

يا جماعه انا عندي شاهين 1996 ، ونويت برضه اغير الاربع مساعدين امامي وخلفي وسألت في موزع المونرو اللي في المعادي قالي ........ الامامي 480 والخلفي 470 ...
انا طبعاً استغربت من الموضوع دة لان معروف في الشاهين الورا ارخص بس قولت بقي مونرو بقي والواحد يعامل العربيه كويس مرة في حياتها

بعديها بكام يوم كنت بغير وش الفانوس عندي فشتريت وش من شارع احمد زكي في المعادي برضه (حيث منافذ بيع قطع الغيار الفيات الاصليه) فبسأله بالمرة علي المساعدين .... قالي في التركي الاصلي بتاع العربيه 370ج والايطالي بنفس السعر اصلي برضه وعليهم ضمان 6 شهور واللي ورا اقل في السعر بفرق 200ج
وفي النوع الالماني ب 450ج واللي ورا اقل بفرق 250 ج وعليهم ضمان سنه وقالي ده احسنهم طبعا.
فانا بساله هوا الايطالي دا مونرو ولا ايه ...... قالي:
المونرو دا اصلا مالوش هويه ومتلاقيش عليه بلد صنع ولو لقيت بيبقي مش حقيقي، المونرو دي مساعدين بتتصنع في مصنع في العاشر من رمضان والضمان بتاعها دا وهم ولو حصل فيها اي حاجه بيقولك دانتا خدت بيها مطب جامد او الصنايعي اللي ركبلك عوج الاكس او حاجه وبيتهربوا من الضمان، رجعت عديت علي الميكانيكي بتاعي قالي الكلام ده صحيح خليك في الاماني اضمن بكتييييير
بصراحه انا جبت من عندهم من حوالي سنه كدة طقم دبرياج كامل اسطوانه ودسك وكدة كان الماني برضه ...... فوق الممتاز فعلشان كدة بثق فيهم، فبصراحه صرفت نظر عن المونرو مدام في الماني انضف كدة ....
انا حبيت احكي التجربه دي علشان الناس تستفيد..... ولو عايزين تعرفوا اكتر انا ان شاء الله كمان اسبوعين كدة حاجيبهم وحاقول ايه النظام
وسلامي لكل الشاهيناويه