حبايبى الابيزاوية..
انا حاطط فى عربيتى زيت شيل الاصفر 40 15w ده بيقى تخليقى ولا نصف تخليقى
انا عايز اغير لزيت تخليقى ممكن لعربيتى وايه افضل نوع
عرض للطباعة
حبايبى الابيزاوية..
انا حاطط فى عربيتى زيت شيل الاصفر 40 15w ده بيقى تخليقى ولا نصف تخليقى
انا عايز اغير لزيت تخليقى ممكن لعربيتى وايه افضل نوع
حبيبنا الابيزاوى
شيل الاصفر زيت معدنى
شيل الازرق 10w40 نصف تخليقى
شيل الرصاصى 5w30 تخليقى
تغير الزيت من معدنى الى تخليقى او العكس بيعتمد على حالة موتورك
يعنى ممكن جدا تحط زيت تخليقى وتلاقيه نقص معاك جامد ويبقى كده انت رميت فلوسك على الاسفلت
وده بيكون بسبب ان حالة موتورك مش زيرو وان الزيت التخليقى ده خفيف جدا فبالتالى بيتاكل
طيب هتعرف ازاى؟؟؟
شوف موتورك ماشى كام كيلو وبرده مش ده المقياس الوحيد بس عموما لو معدى الـ 100 ألف (وده أكيد) يبقى مش هينفع معاه التخليقى
جرب النصف تخليقى و تابع مقاس مستوى الزيت
لو نقص معاك بنسبة كبيرة يبقى ارجع للمعدنى
حبيبى يا كيمو ,,, انت طبعا فاكر ان انا عملت طقم سبايك وشنبر جداد
متابعتى للزيت الى عندى مستواه ثابت
ايه رايك اجرب النصف تخليقى
جرب ياحوده هيعجبك قوى بس اذا نقص يبقى ترجع للمعدنى تانى
http://www.nilemotors.net/Nile/347974-1-6-code-aft.html
شيل الأصفر 15w/50
تحياتي
تمام شيل الأصفر الى موجود فى مصر 15w/50
صح فعلا شيل الاصفر 15w50
طيب اجيب كاسترول ايدج60 10w ؟؟ ده اذا لقيته
ولا شيل الازرق اللى هوا 10w40 ؟؟
انا قرات الموضوع يا كيمو (تجربة تغيير زيت المحرك - ابيزا 1.6 Code AFT)
بس عايز اسئل سؤال ؟
هوا استخدام اى زيت تخليقى بيفرق مع نوع البنزين المستخدم ؟
يعنى هل الزيت النصف او التخليقى يمشى مع كل انواع البنزين ؟
شيل الازرق اللى هوا 10w40 كويس بس مشعارف اذا كنت هتلقيه ولا لأ
وممكن كاسترول ماجنتك 10w40
بلاش 10w60 لأنه هيبقى تقيل جدا على الموتور وهيسببلك مشاكل جامدة لأنه معمول مخصوص للمواتير الرياضية والتربو
الزيت ملهوش علاقة بالبنزين
جرب النصف تخليقى ومش شرط تجيبه شيل, ممكن تجيبه اى نوع تانى بس يكون 10w40
https://www.facebook.com/photo.php?f...8070361&type=1
ايه رايكو بنوع الزيت ده و تكنولوجيا النانو ولا ده كلام فاضى ؟؟؟؟؟؟؟
هقولك على حاجة بس مش عايزك تستغرب
دى معلومة قالهالى واحد بتاع زيت وفاهم
طبعا معروف ان اى زيت بيتعمل عليه تجارب وابحاث واضافات عشان تحسن من خواصه وتخليه يستحمل ظروف التشغيل
الزيوت اللى بتيجى من برة دى مش معمولة لبلدنا لكنها معمولة للبلد اللى جاية منها
وحتى لو معمولة لبلدنا, برده مش هتكون مناسبة لينا لأن التجارب اتعملت عليها وهى برة البلد, يعنى المهندس اللى بيعمل الابحاث قاعد فى بلده وعنده معلومات بتقول ان درجة الحرارة فى مصر من كذا لكذا وان نسبة الغبار كذا لكن هو منزلش بنفسه وشاف الطرق عاملة ازاى ولا متوسط الكيلومترات اللى اى عربية بتعملها ولا زحمة الطرق والاشارات ولا درجة سوء البنزين اللى بنستعمله, فبالتالى النتيجة مش هتطلع مظبوطة
لكن الزيوت اللى بيتم تعبئتها فى مصر دى بيتم عمل التجارب عليها فى مصر
و المهندس قاعد وشايف كل حاجة قدام عنيه وعلى اساسه بيظبط خواص الزيت على البلد اللى قاعد فيها
الزيوت العالمية اللى بيتم تعبئتها فى مصر هى موبيل وشيل فيما عدا شيل الازرق النصف تخليقى ده بيجى اتحاد اوروبى
وطبعا الزيوت المصرية زى التعاون ومصر للبترول فى منها تخليقى
فيه نوع تانى بيتباع فى بنزينات امارات مصر اسمه فسكو انا بصراحة مش عارف هو بيتعبى فى مصر ولا بيجى من الامارات بس المهندس ايهاب منصور بيحطوا فى عربيته الكوردوبا موديل 2000 وبيشكر فيه جدا وسواقته معظمها سرعات عالية وسفر
انا عارف انك كده احترت اكتر بس فى النهاية مفيش مقياس للكلام ده كله
المقياس هو انك تجرب بنفسك وتشوف عربيتك هترتاح على اى نوع زيت لأن كل عربية بتختلف حالتها عن اى عربية تانية
المهندس محمد سيد تقريبا من ساعة ما اشترى العربية وهو كل غيار زيت بنوع غير اللى قبله
انا هجرب شيل الازرق او ليكى مولى 10w-40
ان شاء الله