الموضوع: صيانة 20000 للفانتازيا--ارتوك عدل مواعيد الصيانة

المشاركة الأصلية كتبت بواسطة blazer

معلش دا توكيل حرامى !
فلتر هوا و ينزين ايه الى يتغير كل 20 الف
والتيل ليه يتغير قبل معاده ؟ يعنى لو وحد طرقه كلها سفر تيل الفرامل ممكن يقعد 40 الف كيلو عادى لانه تقريبا مبيستخدمش الفرامل
و الاستاذ m_bander ألمفروض كنت اشتكتهم فى حميه المستهلك لان العربيه لسه فى الضمان طنابير اله الى تبوظ على 20 ولا 25 الف !؟؟
و صح الى انت عملته المفروض تعمل الصيانات التقيله زى الكاتينة فقط فى التوكيل عشان تضمن جوده البلى و السيور والجوانات الى راكبه الباقى زى الفلاتر و التيل غيره بره عادى

لا يا باشا انا معنديش مشكلة فى الطنابير ،، انا بس غيرولى التيل على 20000 و حاسس انه لسه شغال ،، انا شايله و مش هرميه

الاستاذ شاهين هو اللى كان عنده مشكله فى الطنابير ،، و بعدين بينى و بينك الشكوى فى حماية المستهلك على الحاجات الاستهلاكية مش هتجيب هما هتلف و تروح هنا و هنا بتقريبا نفس تمن الطنابير

المشاركة الأصلية كتبت بواسطة MohamedGobran

بالنسبه لموضوع الزينون مبيتحركش غير لو العربيه ماشيه على سرعه فوق ال 50 تقريبا و عشان تتاكد من الموضوع ده امشى على 70 أو 80 مثلا و حرك الدريكسيون فجأه يمين أو شمال هتلاقى العدسه بتسبق العربيه و على الملفات برضو خد الملف على سرعه و على الواسع هتلاقى العدسه بتروح قبل العربيه :) و موضوع المطر الازاز و فتحه السقف بيقفلو لما الدنيا تمطر مش الفتحه بس و دى عن تجربه

الف شكر لرد حضرتك ،، طيب ما تعرفش اذا كان فيه حاجه فى Menu بتاعت العربية بتوقفها ولا ايه؟

فيه حاجه اسمها Bend Lightning نفسى حد يقولى دى بتاعت ايه لا حد غارف فى التوكيل ولا موجودة فى الكتالوج.

وبالنسبة لحساس المطر اختبره ازاى بال\ات فى موضوع قفل السباك؟ اصل ايام المطرة الشباك مقفلش لوحده .

وبعدين هل حساس المطر بيشتغل لما ارفع الدراع اول رفعه؟ انا اللى اعرفه ان اول رفعة دى بتاعت التشغيل البطئ و عن طريق الزرار اللى فى الدراع بزود السرعه دى.

كمان ساعات لما عربية قدامى تطرطش عليا ميه المساحات بتشتغل وحدها من غير ما اعمل حاجه فى الدراع ،، انما ساعت المطرة مشتغلتش!!!