صيانة 20000 للفانتازيا--ارتوك عدل مواعيد الصيانة
السلام عليكم يا رجالة سكودا..
من يومين رحت اعمل صيانة ال 20000 للفانتازيا فى مركز الاقصى ،، فوجئت ان ارتوك اوتو غيروا مواعيد الصيانه ( و اكيد من غير ما يقولوا للعملاء) و خلوها كل 7500 كيلو،، يعنى الصيانات بقيت على 7500 ، 15000 ، 22500 ،...... و عدلوا جدول الصيانات.
انا كنت رايح على اساس ال20000 فعملولى صيانة ال 22500 كيلو و عملولى الاتى:
1-تغيير فلتر هوا (غريبه انا فى الكورى مغيرتهوش غير على ال 50000 تقريبا كانوا بينضفوه)
2-تغيير زيت توتال و فلتر زيت
3-غيرولى تيل فرامل امامى ( مع انى حاسس ان كان ممكن يستنى شوية)
4-تنظيف الانجيكشن
5-تنظيف موتور
حساب اللى فوق ده 1450 جنيه!
انا كنت فاكر ان بتوع الاقصي بيفهموا شوية اتضحلى انهم برضه مش فاهمين علشان:
1-اشتكيت انى حاسس ان الزينون مابيتحركش يمين و شمال قالى هو اصلا مبيتحركش يمين و شمال مع الدركسيون بس بيتحرك فوق و تحت لان السنسور على المقص.
2-حساس المطر حاسه مش شغال ساعات قالى انى لازم ارفع الدراع تكه و اعلى الحساسية من الزرار اللى على دراع المساحات ،، مع انه ساعات بيشتغل من غير ما ارفع الدراع لما عربية قدامى تطرطش عليا ميه.
3-موضوع غلق الشباك مع المطرة مش شغال عندى ،، لما سألتهم قالى ان الموضوع ده بيحصل فى فتحة السقف بس و مش فى الشبابيك.
ياترى الكلام ده كله صح ولا فعلا مش فاهميين؟ يا ريت خبراء سكودا يجاوبونى