الموضوع: صيانة الـ 1000 للقشقاى .. أعملها فيين ؟؟؟ وبعض الاسئله عن السيارة

المشاركة الأصلية كتبت بواسطة amr011111

اعملها فى اوتو ايجيبت الكيلو 26 فابو رواش

شكراً يا عمرو بيه للرد السريع .. بس بالنسبه لشغل الكهرباء اللى هيتعمل فى العربية زى حساس الركن و الانزار .. يعتبر ابو رواش افضل مكان يركبلى الحاجات دى ؟؟

المشاركة الأصلية كتبت بواسطة amr011111

انا بصراحه مجربتوش فى موضوع انه يركب انذار وحساس ركن
بس المركز ده يعتبر من افضل مراكز خدمة نيسان عموماً

حاول تتصل بيهم قبل ما تروح علشان تحجز ميعاد

ولو هتروح يوم سبت هيبقى زحمه شويه

شكراً يا باشا على النصيحه .. تسلم يا ريس على الاهتمام و الردود السريعه

المشاركة الأصلية كتبت بواسطة m.sameeh

بسم الله الرحمن الرحيم

انا الحمدلله أستلمت سيارتى القشقاى من حوالى 3 أسابيع تقريباً و داخل على الـ 1000 كيلو
حبيت استفسر عن احسن مكان اعمل فيه صيانة الـ 1000 .. مع العلم انى هبقى عايز أركب بعض الاضافات للسيارة, يعنى عايز اركب حساسات الركن و جهاز انزار .. وعايز اعرف ايه بالظبط اللى هيتعمل فى صيانة الـ 1000 مع العلم انى من سكان مدينة نصر

و عايز استفسر من ملاك السياره هل التوكيل فيه امكانية تجهيز المرايات لتكون مرايات ضم كهربائيأ ؟؟؟ :u_thin1[1]:

و حابب اسأل عن بعض الحاجه كده لاحظتها فى السياره ؟؟
1- حاجه كده مش عارف دى مشكله ولا ده الطبيعى فى كل سيارات القشقاى .. انا لما بدوس على زورار "اللوك" للزجاج اللى موجود فى باب السائق و اللى هو دوره يمنع ان اى حد يفتح الزجاج من الزورار اللى فى الباب عنده كل الابواب بتقفل فعلاً ماعدا الباب اللى بجانب السائق عادى اللى جامبى بيفتح الزجاج و يقفله و انا دايس على زورار "اللوك" !!!!
مش عارف بقا ده عادى ولا دى حاجه اقولهم عليها فى الصيانه يظبطوها ؟؟؟

2- انا لاحظت كمان ان السياره مش بتعمل لوك لأبواب السياره بشكل اوتوماتيكى بمجرد التحرك بالسياره و لازم انا بنفسى اللى ادوس على زورار السينترلوك علشان الابواب تقفل .. هل ليه طريقه تجعل السياره بمجرد التحرك ان تغلق الابواب بشكل اوتوماتيكى ؟؟

معلش بقا اخوكم لسه جايب العربيه جديد وكل شويه اكتشف فيها حاجات جديده فبتقل عليكم شويه

اخر سؤال علشان دى حاجه مهمه جداً :copy of m-s5:

3- بالنسبه للبصمه اللى موجوده فى ابواب السياره انا لاحظت انى بمجرد ان المفتاح فى محيط السيارة اى حد يدوس على بصمه الابواب من الخارج السينترلوك يفتح حتى و ان لم تكن بصمة صاحب السياره و ده مش امان ابداً .. لأن انا مدام سايق السياره اكيد المفتاح جوه و لو انا قافل السينترلوك مثلاً وواقف فى اشاره اى حد من بره يدوس على البصمه و يفتح الباب محدش هيقوله انت رايح فين !!!!
ايه الحكايه دى بقا علشان انا مستغربها أوى المفروض بصمتى انا بس اللى تفتح السينترلوك مش اى حد يدوس تفتح معاه بمجرد ان المفاتح داخل السيارة !!!!

واسف على الاطاله فى الموضوع بس حبيت ألم كل استفساراتى مره واحده علشان مفضلش كل شويه انزل بموضوع مخصوص علشان سبب واحد .. و عارف ان وحوش القشقاى هيفيدونى فى الاستفسارات دى

السيد العضو المحترم ،،،،،،،،
الف مبروك على الاستﻻم وادعو الله عز وجل ان يؤتيك خيرها ويبعد عنك شرها .
سعداء بإنضمامك ﻷسرة نيسان العريقه وتحديدا للسياره المتميزه (( Qashqai)) .
بخصوص الصيانه يوجد اكثر من مركز صيانه كمودرن موتورز واوتو ايجيبت .
تجربتى واراء الاعضاء ارشح لك اوتو ايجبت ابو رواش ،،،،، وبالنسبه لتركيب السينسور والانذار هم خير من يقومون بذلك وانا شخصيا قمت بتركيب السينسور عندهم وكان ب 250 غير مصروفات التركيب وكذلك قمت بتركيب دفندرات معدن امامى وخلفى .
بخصوص لوك الزجاج القفل الخاص بالزجاج والموجود فى باب السائق خاص بأمان الاطفال ويغلق فقط زجاج الابواب الخلفيه على اعتبار جلوس الاطفال فقط بالكنبه الخلفيه .
بخصوص المفتاح الذكى لن تستطيع فتح الابواب من الخارج طالما الريموت بداخل السياره إﻻ بقيامك بفتح السنتر من الداخل .
وندعو الله عز وجل ان يحفظ لنا سياراتنا من كل سوء .

المشاركة الأصلية كتبت بواسطة shady_sh.t

السيد العضو المحترم ،،،،،،،،
الف مبروك على الاستﻻم وادعو الله عز وجل ان يؤتيك خيرها ويبعد عنك شرها .
سعداء بإنضمامك ﻷسرة نيسان العريقه وتحديدا للسياره المتميزه (( qashqai)) .
بخصوص الصيانه يوجد اكثر من مركز صيانه كمودرن موتورز واوتو ايجيبت .
تجربتى واراء الاعضاء ارشح لك اوتو ايجبت ابو رواش ،،،،، وبالنسبه لتركيب السينسور والانذار هم خير من يقومون بذلك وانا شخصيا قمت بتركيب السينسور عندهم وكان ب 250 غير مصروفات التركيب وكذلك قمت بتركيب دفندرات معدن امامى وخلفى .
بخصوص لوك الزجاج القفل الخاص بالزجاج والموجود فى باب السائق خاص بأمان الاطفال ويغلق فقط زجاج الابواب الخلفيه على اعتبار جلوس الاطفال فقط بالكنبه الخلفيه .
بخصوص المفتاح الذكى لن تستطيع فتح الابواب من الخارج طالما الريموت بداخل السياره إﻻ بقيامك بفتح السنتر من الداخل .
وندعو الله عز وجل ان يحفظ لنا سياراتنا من كل سوء .

شاااااااااااااااااااااااا اااكر ليك جداً يا استاذ شادى على ردودك الوافيه و المهمه .. انا هجرب حكايه ان لو المفتاح جوه العربيه مش هيفتح من خلاص البصمه من الخارج و هرد عليك علشان انا جربتها انا و واحد صاحبى بس كنت انا و هو خارج السياره و كان اى حد معاه المفتاح يحط بصمته على الباب يقوم السينترلوك يفتح .. فظنيت انى لو جوه السياره و قافل السينترلوك اى حد هيدوس على البصمه من بره هيفتح معاه.....
محتاج بس استفسر منك عن كام حاجه بسيطه كده يا شادى باشا .. بالنسبه للمرايات ممكن اعملها فى التوكيل انها تبقى مرايات ضم كهربائياً ولا ده مش متوفر للقشقاى ؟؟
و بالنسبه للسينترلوك ازاى اخليه يقفل بمجدرد انى اتحرك بالعربيه بشكل اتوماتيكى من غير ما ادوس انا على الزورار بتاع السينترلوك .. زاى العربيات الصنى القديمه كده ؟؟

وشكرأ تانى لزوقك و احترامك العالى

المشاركة الأصلية كتبت بواسطة frozenfire

حكاية إن أي حد يفتح العربية وإنت جواها دي قلق فعلا................... ياترى ليها حل؟؟

اهلاً بك زميلى عضو المنتدى العزيز .. انا هجرب الموضوع اللى قالى عليه الاستاذ شادى و هرد عليك ان شاء الله علشان انا مجربتش و المفتاح داخل السياره و ان شاء الله يطلع فعلاً مبيفتحش و المفتاح داخل السياره .. علشان ده هيبقا قلق فعلاً ان اى حد يفتح عليك السياره و انت جواها كده !!!