قررت اشيد العربيه فبرجاء المساعد

**فادى محمد** · 21-01-2014 03:18 PM

المشاركة الأصلية كتبت بواسطة andrew uwj

انا معايا فكترا بى2 موديل 2000 1600cc قررت اظبت الميكانيكا الاول فرحت لواحد اعرفو فى امبابه بتاع اوبل بس و بصراحه بيفهم فيها كويس فجيه بص على العربيه فقال هنغير الاتى
1- اويل سيل الكرنك
بيتغير من غير رفع الموتور . اللي عاوز يرفع الموتور بيبقي عاوز يعمل شغل .
2- اويل سيلات الفتيس
هو اويل سايل واحد بتاع العقربه و2 بتوع الكبالن وكله سهل
3- اويل سيل الكارتيره
منه جوان ومنه صاجه بجوانها
4- هنشوف علبه زيت البور جايبه زيت من تحت ليه
اكيد الخرطوم بتاعها ملوي او القفيز بايظ
5-هنغير ال abs و بيقول انه ب 1200 جنيه

و طبعا هيشغل لمته لانها مفصوله
كتير جدا .600ج تمن الوحده استيراد

و اعد يقول اننا هنتطلع المكنه و هقلبها علشان اغير اويل سيل الكرنك و هنرمم الدفيره بتاعه الكهربا و هنعمل صيانه للدسك و الاسطوانه قلتلو يا عم دول ليسا جداد مكملوش سنه قالى لما يتعملهم صيانه هتحس بالفرق برضو و اى حاجه تانى هتقابلنا هنعملها
مع العلم ان المكنه سليمه و سحبتها مظبوطه يعنى مش هعمل فيها حاجه من جوه
محدش يلعب في الدفيره - صيانه الديسك والاسطوانه ؟؟؟ ازاي يعني هيصنفرها شويه علي قديمه يبقي كده صيانه ؟

بس هو طالب مصناعيه كتيير اوى عايز 700 جنيه

كفايه 350ج ويبقي تمام بس شوف حد تاني غيره . مش امين ..

فنصيحه كده من الناس الخبره لان كده المصناعيه كتيير اوى هى المفروض المعقول تبقى مصناعيه فى حدود كام و هل سعر ال abs فعلا كده دلوقتى ؟

**andrew uwj** · 21-01-2014 03:40 PM

شكرا جدا استاذ فادى انك عرفتنى كل الكلام ده

**Abdo Taha** · 21-01-2014 05:51 PM

المشاركة الأصلية كتبت بواسطة opelcars

لا لا لا محمد هاشم لا مفيش فرق بينه وبين اي فتايين جدد زي بتاع الطالبيه واحمد اوبل وعبد الله اوبل واي شخص لزق فاسمه ماركه محترمه زي دي عشان يعمل منها مصلحه

محمد هاشم مش وحش كشخصه هو فاهم و كل حاجة بس مش بيتابع الصنايعية و الصنايعية عنده مش قد كده و مصنعيته الى حد ما غالية اما صابر فده كويس جدا الصنايعية بتوعه متربيين تحت ايده و فاهمين الاوبل صح و بيعمل الواجب في الصيانة و يشيك على كل حاجة تصدق ان التوكيل ساعة لما والدي غير طقم الدبرياج مبصوش على زيت الفتيس و طلع الزيت وحش لأنه من ساعة ما العربية جت فالدنيا بقت انعم بعد ما غيره و مرة والدي كان بيسأله على تقوية نور العربية فقاله ينفع فيها كتاوت ؟ الكهربائي بما انه فاهم العربية قاله غلط تماما لأن الفيكترا سي شغالة كمبيوتر يعني مش شغالين بالفهلوة هو انت لما ترحله على حسب ما والدي وصف هتحس انه مكان غريب زي ارض فاضية و عشة فكره الموضوع لأول وهلة لكن اما دخل لقاهم ناس فاهمة و محترمة و ده ملخص صغير عن الوضع عند صابر .