الموضوع: نيسان جوك

السلام عليكم ..

ده تقييمي الشخصي البسيط عن الجوك .. طبعا اللي عايز يعرف تفاصيل أكتر .. اخونا Sharky أبدع في الموضوع ده وأفادني جدا قبل شراء العربية الحمدلله ..

http://www.nilemotors.net/Nile/344793-2013.html


انا جبت العربية من أوتو سمير ريان وكانت تجربة ممتازة بصراحة .. جابلي اللون النبيتي في ساعتين من ساعة ما طلبتها .. ومقصروش في حاجة بصراحة .. استلمتها والحمدلله لسه مرخصها من يومين ..

مندوب المعرض كان رائع .. خلصلي موضوع الترخيص تماما في خلال ساعة و10 دقائق !! بهرني بصراحة لأن الطبيعي إني ممكن اقعد في الموضوع ده كام يوم

العربية ممتازة لشاب في بدايته أو لسه متجوز وعنده كام عيل صغيرين .. لكن لو محتاج عربية عائلية وبتركب كتير معاك يبقى فكر في القاشقاي .. الجوك من ورا والشنطة مش مساحة واسعة بس معقولة ..

أحسن حاجات موجودة حبيتها .. المرايات كبيرة وعارضة اللي جمبي بشكل ممتاز .. العربية عالية عن الأرض 18 سم ونص تقريبا .. يعني مفيش مطب الحمدلله خفت منه .. الكاوتش بتاعها مديها ثبات رائع .. بتحس بفرق كبير بين كل Mode والتاني يعني مثلا ال Normal Mode بتمشي تسارع عادي وكله عادي بس لما تكون Sport السحب أحسن كتير وبتلاقيها بتجري معاك .. صوت الموتور ناعم ومش مزعج .. العزل جيد جدا ..


العربية نوع غريب تحس إنه كروس أوفر على كوبيه سبورت على هاتش باك .. المهم إنها فكرة جديدة والحمدلله صفقة ناجحة بمشيئة الله ..


فيه صورة من موضوع اخي العزيز Sharky



تاني زرار اللي تحت ده لو ضغطت عليه بيخلي ال D تبقى Ds يعني Drive sport والموضوع لسه مكتشفه .. ده بيخلي ال gear ratio مختلف وأحسن علشان لما تيجي تطلع في الأول او تشد العربية تديك أحسن استجابة عند التسارع ..


عندي سؤال .. لو حبيت أركب أي حاجة زينون مثلا او شاشة .. هل ده يلغي ضمان العربية ؟ وهل ينفع أركبهم في التوكيل؟

لو حد عنده أي سؤال عن العربية أنا تحت أمره والحمدلله على كل حال .. أترككم مع الصور ..

ربنا يحفظهالك والف مبروك :)

المشاركة الأصلية كتبت بواسطة nab!l

ربنا يحفظهالك والف مبروك :)

ربنا يخليك يا رب .. الله يبارك فيك وشكرا جزيلا

المشاركة الأصلية كتبت بواسطة xname2004

مبروووك عيك العربيه
ربنا يبارك لك فيها و يرزقك خيرها

عندى كذا سؤال معلش

الزجاج الملون مثبوت على الرخصه ؟

المفروض ان فيها 4 ايرباج اتنين ف الدركسيون و التابلوه و الاتنين التانيين فين ؟؟

نعومه العربيه مع المطبات و النقر كويسه ؟؟ و زى إيه مثلا من العربيات كده ؟

تكفى 3 أشخاص بالخلف و لا مستحيل ؟

زاويه الرؤيه الخلفيه ( لما بتكون سايق و تبص ف المرآه الداخليه علشان تشوف اللى جاى وراك ) فيها صعوبه شويه ؟؟ و لو حد قاعد ق الكنبه الخلفيه بتعرف تشوف منه و لا بيكون مغطى على الزجاج الخلفى؟

الله يبارك فيك يا رب ..

من عنيا

أيوة ثبتوه وكتبوا (زجاج ملون فابريقة) .. الراجل لما فحص مسك قلم كده وعداه على الزجاج الخلفي علشان يشوف فيه ورقة هتطلع في ايده ولا هو فعلا فابريقة ..

الإير باجز معرفش بصراحة عمري ما فكرت فيها .. بس حسب الكتالوج يا اما فوق على اليمين والشمال بمحاذاة السقف أو في أطراف الكراسي .. هتأكد وأقولك إن شاء الله

ناعمة الحمدلله خدت بيها مطبات كتير وحفر كانت زي الفل .. لما سالت قبل ما اشتريها اتقالي على حسب ما تظبط ضغط الكاوتش وأنا معرفش بصراحة بس هيا ناعمة وكراسيها مريحة الكاوتش بتاعها عريض بتحس بالمطبات على خفيف بس بتاخد ثبات ممتاز .. الحقيقة مش عارف أقارنهالك بإيه لإني بقالي 2 سنين مبسقش ومش فاكر أي حاجة ههههه :)


تكفي 3 أشخاص بس مش هياخدوا راحتهم قوي ويكونوا متوسطين الحجم ..


للأسف المراّة اللي في الوسط صغيرة شوية والخلفية واخدة شكل انسيابي والزجاج كده كده ضيق ..

هي هتساعدك إنك تاخد بالك إن فيه حد في النص بظبط وراك لكن لما يجي يمين أو شمال المرايات الجانبية كبيرة بدرجة تسمح إنها تغطيلك المناطق اللي مش باينة في النص .. خصوصا إن العربية ملمومة يعني مجرد ما اللي وراك يبعد بجزء بسيط عن مرايتك اللي في النص بيظهرلك بشكل ممتاز في المرايات الجانبية

للأسف لو حد قاعد في النص مش هتشوف منها كويس بس أنا شايف بصراحة إن مش دائما الواحد بيركب معاه 3 ورا في العربية .. بس لو أنت بتعمل كده كتير الجوك هتتعب اللي قاعدين ورا وكمان إن وانت بتبص في المراية اللي في النص ..

يعني كفاية عليها قوي 2 ورا علشان ياخدوا راحتهم .. يارب اكون قدرت أفيدك على قد ما أقدر ..

المشاركة الأصلية كتبت بواسطة gundal

الله يبارك فيك يا رب ..

من عنيا

أيوة ثبتوه وكتبوا (زجاج ملون فابريقة) .. الراجل لما فحص مسك قلم كده وعداه على الزجاج الخلفي علشان يشوف فيه ورقة هتطلع في ايده ولا هو فعلا فابريقة ..

الإير باجز معرفش بصراحة عمري ما فكرت فيها .. بس حسب الكتالوج يا اما فوق على اليمين والشمال بمحاذاة السقف أو في أطراف الكراسي .. هتأكد وأقولك إن شاء الله

ناعمة الحمدلله خدت بيها مطبات كتير وحفر كانت زي الفل .. لما سالت قبل ما اشتريها اتقالي على حسب ما تظبط ضغط الكاوتش وأنا معرفش بصراحة بس هيا ناعمة وكراسيها مريحة الكاوتش بتاعها عريض بتحس بالمطبات على خفيف بس بتاخد ثبات ممتاز .. الحقيقة مش عارف أقارنهالك بإيه لإني بقالي 2 سنين مبسقش ومش فاكر أي حاجة ههههه :)


تكفي 3 أشخاص بس مش هياخدوا راحتهم قوي ويكونوا متوسطين الحجم ..


للأسف المراّة اللي في الوسط صغيرة شوية والخلفية واخدة شكل انسيابي والزجاج كده كده ضيق ..

هي هتساعدك إنك تاخد بالك إن فيه حد في النص بظبط وراك لكن لما يجي يمين أو شمال المرايات الجانبية كبيرة بدرجة تسمح إنها تغطيلك المناطق اللي مش باينة في النص .. خصوصا إن العربية ملمومة يعني مجرد ما اللي وراك يبعد بجزء بسيط عن مرايتك اللي في النص بيظهرلك بشكل ممتاز في المرايات الجانبية

للأسف لو حد قاعد في النص مش هتشوف منها كويس بس أنا شايف بصراحة إن مش دائما الواحد بيركب معاه 3 ورا في العربية .. بس لو أنت بتعمل كده كتير الجوك هتتعب اللي قاعدين ورا وكمان إن وانت بتبص في المراية اللي في النص ..

يعني كفاية عليها قوي 2 ورا علشان ياخدوا راحتهم .. يارب اكون قدرت أفيدك على قد ما أقدر ..

بالنسبة للاير باجز .. موجودة في الكرسيين .. على الجنب ده ..




ياريتها كانت نزلت بكله كان أحسن

المشاركة الأصلية كتبت بواسطة j a g u a r

ربنا يباركلك فيها .. تقريبا الزينون والشاشه مبيلغوش الضمان

ربنا يبارك فيك .. شكرا جزيلا :) .. بجد لو ينفع ميلغوش الضمان ده هيبقى يوم عيد ههههههه .. انا هسأل وأنا بعملها صيانة الألف وأشوف إيه النظام إن شاء الله ..

المشاركة الأصلية كتبت بواسطة k50_

انا سئلت السبع علي موضوع الضمان ده وقالي اي حاجة تتركب برة التوكيل هيا الي هتخرج برة الضمان , يعني مش الضمان كله , لو هتركب زنون يبقا الكهربا الي هتخرج برة الضمان , بس ممكن تركبها عندهم افتكر بس لو اشتريت الزينون من هناك.

تمام اشكرك على مشاركتك وإن شاء الله هحاول أسألهم عن الموضوع ده لما أزورهم