الموضوع: نيسان جوك

المشاركة الأصلية كتبت بواسطة drmostafashaer

شكراً يا باشا على الاهتمام بس أنا سمعت كلام مش كويس عن قطع الغيار وصعوبة البيع فهل الكلام دا صحيح؟
جوك vs كورولا 2013بغض النظر عن سيدان أو suv
وبعتذر عن كثرة الاسئلة أخوك محتااااااار

عنيا يا كبير .. معلش اتاخرت شوية المره دي بس الشغل بقى وانت عارف .. موضوع قطع الغيار معتقدش إنه بيمثل مشكلة دلوقتي .. كان الأول أول ما العربية نزلت بس دلوقتي انتشرت وبقالها كام سنة موجودة فالموضوع معتقدش إنه صعب .. لأني لما سألت قالوا لو قطع الغيار في أول سنة ظهرت فيه كانت موجودة بنسبة 25% فالنهاردة مش اقل من 80% أو 85% مع انتشارها طبعا ..

صعوبة البيع في رأيي أنت هتشتري عربية زيرو مش علشان تبيعها على طول ..أقل واجب تحافظ عليها وتقعد معاك سنين .. بس هي تعتبر منافس قوي خصوصا إنها تجميع انجلترا واسمها نيسان! فلو هتخسر مش هتخسر كتير في رأيي والعربية ليها ناسها مهما كان .. وتفضل كروس اوفر وعالية ومميزات كتير تعيش في بلد زي مصر في رأيي .. انا لسه مرحتش صيانة الألف كيلو بس لو حصل أي حاجة هشارككم بيها على طول .. بس لغاية النهاردة الحمدلله أنا شايف منها كل خير ..

ولا يهمك .. أنا حابب الجوك وكان في إيدي اجيب كرولا بس جبت الجوك فأكيد هكون منحاز للجوك .. لعدة أسباب

أعلى عن الارض .. شكل مميز وجديد .. ياباني تجميع انجلترا .. كان ليا كام واحد صاحبي واجهوا بعض المشاكل في كرولا زي دواسة البنزين والجير بس قلقت بصراحة .. بس هرجع وأقولك هي اذواق وظروف عائلية .. يعني يعيب الجوك ضيق الكرسي الخلفي شوية والشنطة بس حابب شكلها وكمالياتها .. الكرولا تغلبها في المساحة الخلفية والشنطة وشكلها بردو حلو .. فأنت واللي انت شايفه مناسب ..

أنت لوحدك أو متجوز جديد او مبتركبش ناس كتير معاك على طول يبقى الجوك صفقة ناجحة 100% .. ولو قريت أول الموضوع هتلاقني قلت رأيي وكتبت موضوع الاخ Sharky بردو بص عليه وقارن باللي يناسبك .. وتحت أمرك في أسئلة وده كله رأي شخصي