الموضوع: رايح أحجز النهارده

شفتوا اهو انتوا برضه في نفس الحيرة اللي انا فيها

المشاركة الأصلية كتبت بواسطة abubakr1234

شفتوا اهو انتوا برضه في نفس الحيرة اللي انا فيها

السلام عليكم ورحمة الله وبركاته
اهلا بيك صديقنا العزيز........
مش حنسيبك ولا حنتخلي عنك ابدا
الموضوع مفيهوش حيره ولا حاجه .... الموضوع بسيط .... وتقريبا محسوم

مبدأيا حضرتك بتقارن بين اجمل عربيتين

- عايز اقول لحضرتك انك بتقارن بين توب لاين والفئة التانيه ........ يعني فى فرق واضح فى الكماليات لصالح السيراتو
- لو ممكن ننحي الكماليات علي جنب لمده بسيطه وبعدين نرجعلها تاني!!

الاكثر ثباتا .......................... الفلوانس
اقل استهلاك بنزين ............ الفلوانس
اكثر قوة صاج (امان) .......... الفلوانس (قاعدة العجلات اكبر ... يعطي ثبات ديناميكي فى المنحنيات)
افضل ارتفاع (مطبات) ........ الفلوانس
اقل اعطال ........................ الفلوانس (من 2010 ولا يوجد لها عطل مباشر....صيانات دوريه فقط)
الاكثر تطورا ....................... الفلوانس (فتيس جديد CVT, موتور اخف وزنا, كاتينه جنزير, لايوجد فلتر بنزين, بوجيهات معدله يتم تغييرها كل 80-100 الف كم)
افضل تقفيل ..................... الفلوانس
ارخص قطع غيار ............... الفلوانس
افضل توكيل ..................... الفلوانس (نوكيل رينو من افضل التوكيلات مع البافاريه ومرسيدس)
الراحه الداخليه ................. الفلوانس (لعدم الاحساس التام بالنقلات)
المحاكاه ........................... الفلوانس (لوجود العدادات الرقميه بالشكل الجديد وبيان السرعه الدقيق)
السعه ............................. الفلوانس (اكبر مساحة شنطة ووسع عرض الكنبه)
الشكل الخارجي ................... قرارك الشخصي

طبعا لا ننسي ان السيراتو عربيه كويسه جدا وثباتها كويس وامانها برضو كويس , وانا ركبتها شخصيا وكانت من جوه جميله جدا وشكل التابلوه عصري
- وحاجه مهمه جدا جدا .......... حضرتك بتقارن السيراتو التوب لاين , ودي مليانه كماليات ممتعه جدا

انا كنت بوضح من غير الكماليات ............ الاساسيات بتكون فى ايه ولصلاح مين

بالمناسبة ....... الفلوانس بتجري بسرعات عاليه جدا ......... مش عارف ازاي الساده الافاضل بيقولو مصطلح "سحبها معقول مش وحش وتسوق بهداوه" .....ممكن الكلام ده فى الموديل السابق لكن الفيس لفت 2014 , كلام تاني خالص .......... واللي ركب الاوروبي يعرف ان سحبه فى الاول دائما بيكون بطئ نسبيا
يعني فى الطلعات الاولي اكيد حتلاقي السيراتو اسرع
من الحاجات الجميله والمميزه للفلوانس انك بتكون ساحب علي 130-140 وعداد RPM بيكون علي 2

لسه محتار

بالتوفيق ان شاء الله

استنا يا عم انت وهو انتو بتغيرو كلام كل شوية ليه متتكلمو بضمير شوية .....

انتو بتقولو دايماً ان الفلوينس افضل اختيار بسبب كمية التجهيزات فلما المقارنة تيجي فلوينس فئة تانية وسيراتو توب لاين يبقى لو قلتو الفلوينس يبقى دا تحيذ ومش حقول غير كدا

اوروبي ايه وكوري ايه احنا بنقارن رينو بكيا مش مرسيدس بكيا ... طبعاً سيراتو افضل كتجهيزات رفاهية وشكل والعفشة متأكد انها احسن وعندي تجربة من اعضاء هنا

كيا وصلت لفئات زي الكادينزا والكوريس واللي رينو مقدرتش تعمل حاجة تضاهيها من جودة واداء يعني انسو حكاية كوري وفرنساوي اللي معلقة في دماغكو دي

والوسع بالنسبة للعربيتين الاتنين زي بعض مفيش اي ضيق من تجارب بردو والتسارع والاداء الرياضي حتلاقيه مع النيو سيراتو وتغيير موضع القيادة دي متعة لوحدها

ياريت كفاية ظلم بقى دا انتو لو لقيتو مقارنة بين نوبيرا وسيراتو حتقولو نوبيرا بردو اللي في دماغكو مبيتغيرش

السلام عليكو

المشاركة الأصلية كتبت بواسطة esam_ayad

بص ياباشا
الرينو عربيه حلوه جدا والسيراتو عربيه جامده جدا(كلامي طبعا بعد ماجربت السيراتو الجديده)
الإختيار ده يرجعلك .
بمعني لو عايز عربيه هاديه ومش بتاعة جري وشد يبقي علي طووول الفلوينس, لكن لو عايز عربيه هاديه ماشي جري ماشي شد ماشي يبقي السيراتو ياباشا.
وفي رأيي وعن تجربه خليك في السيراتو
وممكن تدخل تقرا الموضوع اللي انا عامله عن تجربة قيادة السيراتو الجديده
http://www.nilemotors.net/Nile/399642-2014.html

فعلاً هو اختيار العربية بيكون حسب احتياجاته او مثلاً نقدر نقول طريقته في السواقه عاملة إزاي

يعني مثلاً الاخ لو كان راكب النترا قبل كدا مثلاً موديل 2012 مش حينبسط من الفلوينس عشان مش بتدي زي الالنترا والسيراتو الجداد خالص

المشاركة الأصلية كتبت بواسطة hitmangate

الرينو انضف طبعا كفايه أنها أوروبي وعوامل الأمان في الأوروبي احسن من الكوري ده غير أن الكوري بيهتموا بالشكل والكماليات لكن الأوروبي بهتم في الأساس بعوامل الأمان والكماليات برضه بس الأمان هو الاساس

الكلام دا من وحي خيال حضراتكم ... انا آسف بس انا عايز اقول ان حكاية الاهتمام بالامان والشكل دا عندنا إحنا بس .. الكيا ريو اللي اسمها اقل من السيراتو والفلوينس بتنزل برا بـ6 ايرباج وesp (الإتزان الالكتروني) تصدق حضرتك؟

كل العربيات برا بتنزل بتجهيزات امان لا توصف واكبر دليل على كدا ادخل المواقع الرسمية بتاعت بلاد برا وشوف كل فئة بتجهيزاتها عاملة إزاي او ادخل carbuyer حيقولك فعلاً الريو فيها 6 ايرباج وesp

والنيو سيراتو برا بردو فيها وسائل امان ممتازة بس هي العربيات الكوري والياباني دايماً ينزلو مصر ناقصين

وبالنسبة للسيراتو هي فيها 2 ايرباج و abs هو مش محتاج اكتر من كدا وزيادة عدد الايرباج بيكون للركاب اللي معاك في الكنبة الخلفية واعتقد يعني انك لو مركب حد معاك مش حتطلع على سرعة 180 وتمثل فيلم ترانسبورتر وتعرض نفسك للخطر معاهم

المشاركة الأصلية كتبت بواسطة esam_ayad

ياباشا حيرة ايه بس اللي انت فيها.
العربيتين كويسين جدا جدا وسواء اشتريت دي أو دي مش هاتندم علي اختيارك.
الموضوع سهل لو انت ناوي تشتري أعلي فئة في العربيتين:
== عايز تسارع وعربيه بتجري وتسحب وثبات كويس يبقي السيرات(الناس اللي جربتها قالو لحد سرعة 120 انت مش حاسس بحاجه وقريت علي المواقع الاجنبيه لحد الـ180)
== عايز عربيه تسوقها بالهداوه وسحبها معقول مش وحش وثبات أعلي شوية من سيراتو يبقي الفيوانس
(الاتنين فيهم كماليات كويسه جدا ورائعه بالنسبه للفئه بتاعتهم وعوامل الامان اكتر شويه أعتقد في الفليونس لكن السيراتو برضو فيها اتنين ايرباج وفرامل مانعه للإنغلاق وكاميرا خلفيه وحساسات أماميه وخلفيه بالإضافه للإيموبليزر.)

لكن لو ناوي تشتري الفئات الاولي ومحتار هاقولك طبعا طبعا طبعا الفليونس تكسب.

بالظبط كدا وبالنسبة للفئات هو بيقارن الفئة التانية للفلوينس مع اعلى فئة للسيراتو ودا في صالح السيراتو بس هما من كتر ما بيجيبو سيرة الفلوينس الشك دخل دماغه شوية