الموضوع: الحمد لله السيرفو سليم

المشاركة الأصلية كتبت بواسطة hesham.h

الزملاء الأفاضل

من بعد ما ركبت الدشم الخلفيه وحولت الفرامل من قباقيب الى سكاكين ... كانت الفرامل وهميه ... فى الأحلام فقط ولله الحمد

لكن لاحظت انها بدأت تبقى سيئه .. وكمان برجله فى الموتور لما ادوس فرامل .... قلت الحمد لله كده السيرفو باظ ... وظبطت نفسى انى فى اقرب سفريه هاجيب واحد

امبارح قلت افتح كده وابص ..... وسبحان الله ايدى جت على البلف اللى بين السيرفو والموتور لقيته مكسور من مكان دخوله فى الخرطوم بتاع الموتور
زى الصوره كده



واول ما هزيت البلف لقيته خرج من الماسوره بالشكل ده




طبعا عشان الخرطوم الاسود ده ناشف جدااا من الحراره لما اتكسر طرف البلف جواه ماخرجش منه ... بس طبعا كان بيسرب

المهم ... خرجت القطعه المكسوره فى الخرطوم .. ولحمتها فى البلف ... وجيت اسخن الخرطوم عشان اركب تانى ما نفعش ... الخرطوم باظ وجبت خرطوم انبوبه وركبته مكانه ... هو واسع شويه عنه بس ربطت عليه جامد بقفيز حديد كحل مؤقت لغايه اما اجيب خرطوم نفس المقاس

النتيجه الحمد لله ان البرجله راحت بنسبه تتعدى ٩٠ ٪ الحمد لله ... والفرامل بقت افضل والدواسه عليت شويه ... بس لسه الفرامل ما وصلتش لمرحله ما قبل العطل

الحمد لله اللى وفقنى ودلنى على العطل ده وحبيت انقل التجربه يمكن تقابل حد مننا فى يوم من الايام

تحياتى

كفاءة يا استاذ هشام 100 100 :)