مساعدة بسرعه لو سمحتو في ميجان 2005

**tarek_asem** · 21-01-2014 10:56 PM

دلوقتي انا كنت سالتكم على عربيه ميجان ٢٠٠٥وناس قالت سعرها كويس وناس قالت سعرها قليل .... بالله عليكم تساعدوني انا قلقان من المستعمل لان عمري ما اشتريت مستعمل ... كان معايا كذا عربيه بس كلهم كانو زيرو
هقولكم العربيه تاني واقولكم ايه اللي عايز مساعدتكم فيه
العربيه عامله ١٣٠ الف كيلو صيانات في في التوكيل لحد ٨٠ الف وبعد كده برة
فابريكا ماعدا الدورانات اللي فوق الكاوتش ورا
اعلى فئه بفتحه سقف
تم تغيير الاتي فيها ودة اللي عايز مشورتكم فيه :
طرمبه ميه - ترس الديفرز - علبه فيوزات - تلاجه تكييف - كراسي المتور والفتيس - كوبلين ومساعد يمين - مقصات واتياش وشدادات
انا مبفهمش فيهم اوي فهل الحجات اللي اتغيرت دي تدل على مشاكل في العربيه تخليني ابطل اشتريها او اقلق منها ؟ مع العلم ان الراجل طالب ٦٥ ووصلتهم ل ٦٣ الف مع شويه فصال بسيط والراجل معندوش مانع يفحص ف التوكيل

**moh158** · 21-01-2014 11:02 PM

بص تغيير علبة فيوزات يقلق شوية لأنه غالبا بيدل علي مشكل في الكهرباء بتاعة العربية

ثانيا كوبلن و مساعد يمين ده غالبا مطب او خبطة محترمة

فنصيحتي بلاش تتغر انها فابريكا بره و خاصة هي ماشية ١٣٠ الف يعني هتبدأ تفتح بقها ده لو ما كانتش فتحته اصلا و صاحبها بيخلص منها،

كمان سعرها غالي شوية هي اخرها ٦٠

سكرا

**tarek_asem** · 21-01-2014 11:06 PM

السعر اقدر افاصل فيه لكن موضوع علبه الفيوزات ده بتتغير ليه ؟ وهل لو وديتها التوكيل مش هيبان ان فيها مشاكل كهربا ؟ شكرا لاستجابتك السريعه

**Ahmed Koller** · 22-01-2014 07:29 AM

حضرتك مدام هتكشف في التوكيل ..... يبقي مفيش حاجه تخوف ....
وبعدين الحجات ال اتغيرت دي كلها مفيهاش مشاكل تعيب العربيه في حاجه ( والتوكيل هو ال هيوضحلك كل حاجه .)

**tarek_asem** · 22-01-2014 08:53 AM

انا والدي مهندس ميكانيكا وقاللي ان الكوبلن والمقصات و و و و معناها ان العربيه مستهلكه وخوفني منها .... ايه رأيكم انا عايز المشوره

**تامر.محمد** · 22-01-2014 08:57 AM

عادي ان كل الحاجات دي تتغير قبل ما العربية تعمل 130 , انا لسه مغير مقصات قريب و عربيتي عاملة 70 الف حاليا
المهم يكون المقصود انها متغيرة , مش بايظة لأنها لو بايظة هاتكلف حبة حلوين الحاجات دي

المساعدين هاتقعد لحد كام الف فوق ال130 ؟
طرمبة المياه بتتغير مع صيانة 60 الف

اللي مش هاعرف افيدك فيه هو علبة الفيوزات و تلاجة التكييف

انا باقول تكشف في التوكيل و الكشف هو الفيصل

**تامر.محمد** · 22-01-2014 09:35 AM

مش هاعرف افيدك في السعر
بس بالنسبة للعفشة لو اخدنا اسعار التوكيل
المقصين بألفين جنيه و البطاحتين بألفين جنيه
و المساعد الواحد اظن بألف جنيه برده تقريبا

**تامر.محمد** · 22-01-2014 09:48 AM

العفو , و الله الناس هنا علموا الواحد كده :)
حاول تيجي المقابلة بكرة لو تقدر , هاتبقى حاجة ظريفة ان شاء الله

-

-

الموضوع: مساعدة بسرعه لو سمحتو في ميجان 2005

LinkBack

أدوات الموضوع

عرض

مساعدة بسرعه لو سمحتو في ميجان 2005 - انشر الموضوع فى :

-

-

-

-

-

المواضيع المتشابهه

طلب تسعير وتقيم ابيزا 2006 بسرعه لو سمحتو

مساعدة فى ميجان 2005

الحقونى لو سمحتو بسرعه

لو سمحتو ساعدونى بسرعه فى فيات سينا او شاهين

الكلمات الدلالية لهذا الموضوع

المفضلات

المفضلات

ضوابط المشاركة