الموضوع: وحش صيني بكل ما تحمل الكلمة من معني

المشاركة الأصلية كتبت بواسطة magd_c_c

والله يا جماعة أنا كل ما اشوف التعليقات على الايدو باحزن انها مع وكيل زى ده ، الحقيقة يا جماعة ان الشانا الايدو مش هتنزل قبل ستة شهور على الأقل ده من التوكيل نفسه لما ضغطت عليهم فى الكلام و قلت لهم انتم بتورطونى بكلامكم ان الشانا الايدو وصلت و فى الجمرك و هنفرج عنها قريب و بعدين تقولوا لنا ان كل العربيات اللى جات محجوزة من برة برة تبع الادارة و هيجى عشر عربيات تانيين خلال شهر أو اتنين و بعدين الاخ مؤمن اللى حجز فى فرع المهندسين و دفع ألفين جنيه و قالوا له الاستلام خلال شهرين أنا لما كلمت مدير الفرع و مدير البيع و قلت لهم انتم بتهرجوا ازاى تحجزوا عربية مش موجودة و مش عارفين هتيجى امتى ؟؟؟؟
و للأسف تانى يوم على طول اتصلوا بالأخ مؤمن و قالوا له تعالى استلم المقدم علشان مش عارفين العربيات هتيجى امتى !!!!
و كل ده بيأكد انهم مش عارفين حاجة فى أى حاجة !!!! أو عارفين و بيستعبطوا !!!!
و كل اللى بيتصل سواء يسأل أو يعرف معلومات أو يحجز بيحاولوا يبيعوا له الـ cs35 مش عارف ليه ؟
و آخر مرة قلت لمدير البيع انتم عندكم استوك من العربيات الـ cs35 و عاوزين تخلصوا منها قال لى لا يا افندم احنا مش ملاحقين عليها بياعة و بالحججججججز !!!!
بدليل انك لو عاوز العشر عربيات اللى عندهم ممكن تدفع و تشيل و انت وااقف هههههههههه
و لما قلت له هات لى من الآخر ما تحكيش عن مواصفات العربية علشان انا عارفها أكتر منك أنا مش عاوز الجيب اللى عندكم مش علشان وحشة علشان بس مالهاش شنطة خااااااااالص و انا عندى عيلة ، يعنى و انا مسافر بالأولاد مثلا ً و معايا شنط أعمل ايه ؟؟؟؟ دى حتى ما تشيلش شنطة هاندباك !
قال لى يا باشا ما تركب رووف راك و تحط الشنط على السقف ،،،،،،،،،،،،،، يا سلاااااااااااااااااام
أشترى أنا عربية suv علشان احط الشنط على السقف لييييييييه هى تاكسى و لا بيجو 504 استيشن ؟
يا باشا العربية حلوة بس مشكلتها مافيهاش أى مساحة خلف الكنبة اللى ورا !
هتجيبوا السيدان قريب استنى و لا أدور على حاجة تانية ؟
و كانت المفاجأة السيدان و ال ـ xt بتخسرنا فلوس كتير انما الـ cs35 شغااااااااالة قلت له يعنى ايه شغالة قال لى يعنى موجودة قلت له موجودة ازاى و مش ملاحقين عليها بياعة و لا حجز ؟؟!!
طيب لو انا عاوز عشر عربيات الاقيهم ؟ فلوسهم موجودين قال لى تعالى ادفع و شيل !!!!!!!!!!!!!!!!!!!!!!!!!!!!!!!!
بس يا ريت بسرعة أصل العربية هتزيد بعد الانتخابات هتبقى ب 145000 جنيه يعنى هتزيد 10 ألاف جنيه فى أسبوع !
ههههههههههههههههههه
ههههههههههههههههههههههه
ههههههههههههههههههههههههه
يللا يا جماعة الكل يلحق يحجز الـ cs35 قصدى يدفع و يشيل قبل ما تغلى !!!
لو فى حد بيبيع عجل أو موتوسيكلات هيبقى عنده ذكاء أكتر من كده و ده مدير البيع فما بالكم بالـ sales العاديين ؟
و فى الأخر
عربية ممتازة + توكيل فاشل = 0 ( أم العربية )
عربية معقولة + توكيل ناجح = عربية منتشرة
عربية محترمة + توكيل محترم = عربية ممتازة ( بس مش منتشرة لأنها عادة ً بتبقى غالية أوى )
و ربنا يرحمنا جميعا ً من كل التوكيلات اللى فى مصر

تأييد تام لكل كلمة حضرتك قولتها -- و اجزم بالقول -- من اسوأ التوكيلات في مصر بعد خبرة اكثر من عام في التعامل معهم - و للعلم -- مبيعرفوش اتفه المشاكل - و للعلم -- كل الفروع سيئة و لكن تختلف درجة السوء من فرع لأخر

انا كنت حاجز في اول شهر 5 كده
واستلمت في اول 6 علشان اللون