الموضوع: ندمان على حجز بيجو 301

المشاركة الأصلية كتبت بواسطة amrelsaqqa

مفيش حاجة تستحق الندم ، تقدر تسحب فلوسك في اي وقت من بيجو وتجيب الاليزيه ، اعتبر نفسك ما حجزتش وفكر تانى عادى جدا ، بس بردو ارجع اقول البيجو اللى هتنتشر اكتر ، واه هم هم في القطع الداخلية والعفشة بس القطع الخارجية مهمة بردو ، واكيد بعد سنتين مثلا ، لما تحتاج حاجة لعربيتك وتنزل الحرفيين مهما كان انتشار الاليزيه مش هيبقى زي البيجو ، ده واقع في السوق عندنا ، وفعلا من دلوقتى واضح جدا حجز البيجو وعدد عربيات البيجو اللى ماشية في الشارع اضعاف الستروين
بس اولا واخيرا ، القرار ليك ، وانا لو مكانك هجيب اللى انا حاببها اكتر لو فعلا مش هبقى متقبل التانية ، مش هبقى نفسى في الاليزيه واجيب البيجو وكل ما ابصلها بعد كدة اندم ، لا انت فيها ، بس فكر كويس اوى

انا اتفق مع الراي ده تماما وانا كمان هاحجز بيجو لان المصريين حافظين الماركة دي من زمان ومن وجه نظري اخر 2014 البيجو في مصر هاتحقق اعلى مبيعات وده علشان استهبال الاسعار بتاع الكوري والياباني وخصوصا ان قطع غيار البيجو اسعارها اقل من عربيات كتير في السوق المصري...يعني لما تيجي تبيع بعد عمر ان شاء الله هتتعامل معاملة الكوري في اعادة البيع بس توكيلها يهتم بيها شوية