الردود ديه كلها هتخليني أبدأ أفكر أنا كمان في التغيير ده ..... و خصوصا موضوع العفشه.
الردود ديه كلها هتخليني أبدأ أفكر أنا كمان في التغيير ده ..... و خصوصا موضوع العفشه.
بصراحه الشباب هنا بتبالغ شويه و محسسني انهم بيتكلموا علي الفئه السابعه :) و طبعا انت حتصدم لما متلاقيش الفرق بينهم كده
عموما انا جربت الاتنين و في فرق بينهم طبعا و الجديده افضل بس حاول تجربها بنفسك الاول و تشوف الفرق بينهم بنفسك
عفشه السيراتو الجديده متوسطه النعومه يعني مش ناشفه ولا ناعما و من تجربتي السيراتو الجديده جنط ١٧ انعم من السيراتو القديمه جنط ١٦ و في نفس نعومه الفوكس ٢٠١٣ جنط ١٦ و السيفك ٢٠٠٩ جنط ١٦ و الباسات ٢٠١٣ جنط ١٧ و انشف من الفيرنا و اللانوس و الكرولا ٢٠٠٦
العفشه بصراحه كويسه و تميل للنعومه و لو بقت انعم من كده حيبقي في مشكله في الثبات
طيب انا بفكر فى فئتين اتوماتيك
ex
ex/fo
بس انا اميل اكتر الى ex/fo
ودول طبعا وكيل فهل ممكن حد يفدنى بسعرهم حاليا
وكنت سمعت ان فى خصم 10 الاف جنية فهل الخصم مازال سارى
كان معايا سيراتو 2011 قعدت معايا لمدة سنه كان معايا الجنط 16 بما انى مبسافرش كتير حوار التنطيط من ورا مكنتش بحس بيه العفشه بالنسبه ليا كانت متوسطه الناس هنا كانت بتقول ابشع عفشه بس انا كنت عادى شايفها معقوله دلوقتى اخويا معاه الشكل الجديد الجنط ال 17 وهى بالفعل مختلفة كليا فى كل حاجه انعم بكتير من القديمه مع انها 17 الا انى راى متغيرش لان عربيتك لسه جديدة مفيش فيها مشاكل وكل أسعار العربيات بقى مش منطقى مش السيراتو بس اليابانى الأوروبي كله كمان مش الفرق الرهيب مش هتحس انك راكب bmw مثلا كلها كام اسبوع هتفرح بيها و هتبقى زى اللي قبليها اتقل شويه لغاية اما ربنا بكرمك وتنقل نقله حلوة شويه bmw Mercedes ده راى و بالتوفيق
Sent from my GT-S5282 using Forum Runner
الجديدة طبعا احلى ولكن يعيبها ارتفاع سعرها فقط
طب موديل 2013 الشكل القديم تعمل كام دلوقتى وسوال تانى هو العدادت الرياضيه اللى الاضاءه بتاعتها احمر فى الهاى لاين بس ؟ ولو حد يعرف معرض بيتاجر فى كسر الزيرو يقولى فين او يدينى رقم تليفون
انا معايا السيراتو القديمه 2010 وركبت الجديده فى معرض ولكن مسقتهاش ولكنى شايف ان الشكل القديم افخم من الشكل الجديد دا وجهه نظرى الخاصه ناس كتير هتقول كلامى صح وناس اكتر هتقول غلط بس لما ركبت الشكل الجديد محسدش بالفخامه دا احساسى
موضوع العفشه اكيد فى تغيير واكيد كل ملاك الشكل القديم بيشتكوا من العفشه والنشوفيه
بس انا شايف ان العربيه ال معاك زيرو حرام تدفع فرق كبير وهتحس بتغيير فى العفشه بس والشكل دا حريه شخصيه مش هتكلم فيها بالنسبالك
بس تقريبا عربيتك هتجيب 100 الف مثلا وهتشترى نفس الكماليات ال انت راكبها حاليا هتشترى ب 180 مثلا يعنى انت محتاج 80 الف هلى 80 الف يستاهلوا فرق العفشه وانت بتقول انك مش بتركبها كتير
طبعا الاسعار دى مثال وليس بالظبط علشان محدش يقولى جبت الاسعار دى منين
بالنسبة للشكل هي تميل للشبابي مش للفخامة ودا حسب سنك انت يعني انا بالنسبالي كشاب حختار حاجة روشة واداء كويس (يمكن افض اداء في الفئة السعرية)
وبالنسبة للعربية واضح ان حضرتك متعرفش حاجة عن اوبشنز النيو سيراتو بالنسبة للتوب لاين دا مش موضوع فرق شكل لأ دا الاوبشنز اتغير
من الحاجات الحلوة فيها كراسي كهربائية 10 اتجاهات مع ذاكرة للحفظ وشاشة تاتش وكاميرا خلفية وزر تشغيل واطفاء المحرك ...
واوبشن لتغيير وضع القيادة رياضي او عادي او مريح ودا بيغير من تقل حركة الطارة وبيدي متعة على السرعات
وطبعاً اوسع من السيراتو القديمة وعفشة احسن ومحرك 130 حصان وعندك مصابيح عدسات وليدات امامية وخلفية
وفي حاجات تانية كتير في العربية دي وموضوع كوري وفرنساوي في رينج الـ200 الف مش حتلاقي اختلاف جودة ولا حاجة دا ضحك على الدقون
في ناس بتفضل النيو سيراتو على الاوبل استرا الالماني عشان الاسترا اتقل من النيو سيراتو ومافيهاش حتى نص التجهيزات بتاعت بتاعهتا
وموضوع الجودا دا تحس بيه لو مثلاً بتقارن سوناتا بـbmw 520 او مثلاً ازيرا بـاودي a6
إنما رينج الـ200 الف الجوة فيه متتخيرش عن التانية ولو اختلفو مش حيختلفو كتير إلا لو عايز تقنع نفسك وخلاص
تحياتي ليك يا برنس ... في امان الله