المشاركة الأصلية كتبت بواسطة sameh_fouad
amr هههههههههههه , من اول لما شوفت تعليقك , رجع بيا الزمان ل 5 سنين فاتوا اياام ماكنا بنقول ياجماعة السيراتو انتوا بتبالغوا فيها اوى , وفيها عيوب فظيعة , وكنا بنتهاجم , ودلوقتى العيوب ظهرت وطلعت
عموما انا مش شايف التغير الرهيب فى السيراتو اللى انتوا بتتكلموا عنها دية كل الموضوع ان العربية حصل فيها الاتى :
ماتتميز بة عن الشكل القديم :
1- شكل افضل من الخلف
2- اوبشن اكتر
3- عفشة انعم قليلا ومحدش هيقول ناعمة جداا الا لو كان طالع من سيارة عفشتها زى السيراتو القديمة
4- من الداخل شكل العدادات افضل والخامات افضل لكن شكل التابلوة اصبح اقل جاذبية
5- العزل بقى افضل شوية لان الصراحة العزل فى السيراتو القديمة كان عادى جدااااااااا
اية بقى اللى ماتغيرش :
1- العفشة زى ماهية بردة العربية بتحدف من ورا مع الفواصل
2- اداء الماتور ماختلفش كتير هو فى التسارع اصبح افضل سنة بسيطة دية تجربة فعلية , لكن من على المواقع ان التوب سبيد هو هو ماختلفش
3- صوت المحرك اصبح اقل صوتا بس بعد ال 3000 لفة بيبقى صوتة عالى زية زى القديم
4 - شكل السيارة من الامام بقى وحش ( وجهة نظر ) انا مسمية الارنب خصوصا لما الليدات الامامية بتكون شغالة , لكن فى الشكل القديم كان من الامام افضل
5- السيارة اتضخمت بدون فرق ملحوظ فى صالون السيارة , بالعكس سقف السيارة اصبح منخفض ويسبب مشكلة لطوال القامة بعكس السيراتو القديمة ماكنش واضح قوى العيب دة
6- السيارة بقت منخفضة , ومحدش يقولى مش بتحك فى المطبات , الا بقى لو كان بيقيس السيارة على مطب معمول وفقا للمعايير الهندسية , مش شوية اسمنت واقلب
7- سعر مبالغ فية جدااااااااااااااااااااااا ااااااااااااااااااااااااا ااااااااا يعنى اية عربية تزيد اكتر من 50 الف ومايكونش فية مبرر واضح لهذة الزيادة
8- مش عاجبنى تماما الفوانيس الخلفية لما بتنور على شكل دائرة , يعنى الصراحة شكلها غريب ومش محبب
9- انا مش عارف الناس اللى بتقول على الثبات ان بقى كويس , بناء على اية , انا مش شايف فرق فى الثبات بينها وبين القديمة غير ان العربية دية ماينعفش يتاخد بيها غرز على سرعة اكتر من 140 كم
دة تقييمى ليها