للخبراء والمحامين وصناع القرار .... ماهي إجراءات إعلان الوراثة !

**Y a r i s** · 23-01-2014 05:40 PM

ما هيا أجرائات أعلان الوراثة

وعندي كام سؤال واستفسار فقلت اطرحهم بحيث يستفيد منهم الكل :

س١/ هل لازم اعلان الوراثة يقوم به محامي ولا الورثة ؟
س٢/ هل لازم كل الورثة. كل الورثة يعملوا هذه الاجرائات ولا يكفي واحد فقط منهم يطالب بحق الكل دون توكيلات ؟
س٣/ ماهي إجرائات إعلان الوراثة ؟

س٤/ ماعقوبة تبديد الميراث ؟ ( يعني جه واحد قبل اعلان الوراث قعد يبعتر فلوس هنا وهناك ... ويقلك يالله محدش واخد منها حاجة ) وعلى كباب وكفته ولمن يجي الورثة يطالبوا بحقهم يجي اخينا ده يقولهم ميراث ايه اومال العشا والغدا والفطار والسندويتشات الكباب والكفتا الي كلتوها دي كانت منين هههه .

س٥/ ماذا لو رفض احد الورثة ... توزيع الميراث وقال هذا الميراث حقي. كأن. تكون الميته (ام ) وابنها الي في ابوظبي كان بيبعتلها مصروف في ايديها وهيا بتحوش هذا المصروف ... فهل يحق. للواد الي في ابو ظبي ... لمن اموا تموت يجي يقول كل مليم مع اموا ده انا تعبت فيه وملوش حد من اخواتوا. يورث منو !!

س٦/ طيب ماذا لو الميراث هو اموال سايبة في دولاب او تحت سرير ... وشائت الاقدار ان يكون هذا الدولاب او هذا السرير في بيت ابن مستبد يريد ان يأكل ميراث اخوته ... او زوجه جديدة تريد ان تاكل ميراث الزوجة القديمة ... فكيف لبقيت الورثة اثبات محتويات هذا الدولاب او هذا السرير قانوناً ؟

س٧ / (( وده سؤال مهم انا شخصياً شفتوا كتيرر كتيرر في حياتي )) هل في حاجة اسمها وصية شفوية ... او وعد للمتوفى لاني كتير بشوف وبسمع. عند توزيع الميراث بلاقي تيجي البنت تقول لا لا لا بابا الله يرحمو قبل ما يموت او ماما قبل ما تموت قاااااااااااااااالتلي العمارة الي في موسكو لو متت ابقى خوديها ليكي ... ويجي الابن. المحروس يقول لا لا لا. بابا قالي او ماما قالتلي. العربية الهمررر او الفراري الحمرة لو حصلي حاجة ابقى خودها ... وهكذا بقى فهل ده قانوناً يحتسب في خانة ايفاء العهد للمتوفي ... ولا نقولهم عربيت ابوكم الفراري (( صفرا هههه )) . مفيش الكلام ده في القانون نهائي ؟

@@@@@@@@@@

بس كده ... لو تعرف ايجابت اي سؤال جاوب ويبقى كتر. الف خيرك .... ولو عندك اي سؤال برضوا ياريت تطرحوا علشان كلنا نستفيد
وفي انتظار رأي. ذوي الخبرة. ... ورجال القانون والمختصين واصحاب القرار
وشكراً ... وتحياتي

**Khaled Seif** · 23-01-2014 08:36 PM

بسم الله والحمد لله والصلاة والسلام على رسول الله

أخي وحبيبي وصديقي العسل الحاج محمد ياريس , واحشني أخي في الله

ها أجاوب حضرتك على الأسئلة الفقهية بما يفتح الله به عليّ في هذه الليلة المباركة - ليلة الجمعة - التي نكثر فيها الصلاة على خير البرية محمد بن عبد الله صلى الله عليه وسلم

عقوبة تبديد الميراث

هذا من باب أكل اموال الناس بالباطل , قال تعالى يا أيها الذين آمنوا لا تأكلوا أموالكم بينكم بالباطل

إلى أن قال ، ومن يفعل ذلك عدوانًا وظلمًا فسوف نصليه نارًا وكان ذلك على الله يسيرًا

وعن أم المؤمنين عائشة رضي الله عنها أن رسول الله صلى الله عليه وسلم قال: من ظلم قيد شبر من الأرض طوقه من سبع أرضين

وخاصة إن كانوا يتامى قال تعالى إن الذين ياكلون أموال اليتامى ظلما إنما يأكلون في بطونهم نارا وسيصلون سعيرا

والله أعلى وأعلم وصلِّ اللهم وسلم على الحبيب محمد

**Y a r i s** · 24-01-2014 08:34 AM

حبيبي حبيبي اخي وعزيزي وصديقي الشيخ خالد بارك الله فيك ياغالي ... دائماً مشاركتك تثري اي موضوع وتضيف عليه علماً ونوراً ربنا مايحرمنا منك ابداً يا غالي. :)

طيب بس يا مولانا سؤال الاخ علي برضو متككر. كتر في حياتنا. فما حكم الشرع فيه. ... الي هو اب مات وعيالوا ورثوا منو خلاص وكل واحد روح بيتوا ... بعد فترة وسنين وسنين جه الجد ماااات ... فهل العيال دي الي ورثوا خلاص وكل واحد منهم سافر على بلد واتفرقوا الاحباب. يرجعو يورثوا تاني ولا خلاص كده بحححح !

سؤال اخر : هو الرسول ( صلى الله عليه وسلم ) قال أمك ثم أمك ثم أمك ) ماذا لو ... مات الاب و جائت الام وقالت. امشي يواد انتا وهو مافيش ميرث ولا توزيع فلوس. دي فلوس جوزي وانا شقيت معاه العمر كلو ، ( الفلوس دي فلوسي ) ... ( وهذا في حالة المرأة العاملة بتحصل كتير ) الي بتحط القرش على القرش مع زوجها وتحوش معاه ) ... طيب في هذه الحالة لا يستطيع الابناء فعل اي شي ء بعد ان لهفت الام ميراث ابيهم. ؟

وبارك الله لنا فيك. يا ابو معاذ وكنت دائماً ذخراً لنااااا ... وجعلك الله لنا شعلت نور تضيء لنا المنتدى قادر ياكريم نوراً وسروراااا .... وتحياتي :)

**Abdm** · 26-01-2014 03:48 PM

باقى الآجابات فين على الآسئلة يا أخوة

**Y a r i s** · 26-01-2014 09:17 PM

المشاركة الأصلية كتبت بواسطة wael_kamel

1- مش لازم يكون محامى
2- يكفى واحد من الورثه وبيكتب باقى اسماء الورثه فى الاعلان
3- تروح محكمه الاسره اللى تابع ليها المتوفى وبعدين الاجراءات تبدا بتقديم احد الورثه لطلب الى رئيس قلم محكمة الاسره وبتدفع 5 جنيه
مبين به اسم المتوفى وتاريخ الوفاه وشهاده الوفاه واسماء ورثته طالبااعلان وراثه
وصورة البطاقه الشخصيه لمقدم الطلب
اقرب جلسه تقريبا بتبقى فى حدود شهرين او ثلاثه
وبعد كده تقوم باعلان باقى الورثه بطلب اعلان بتاريخ الجلسه يؤشر عليه رئيس القلم و تسلمه للمحضرين مع طلب اعلام الوراثة ويتم الاعلان على يد محضر لو تم اعلانهم مش لازم يحضرو الجلسه الاهم انك تكون انت موجود ولو محصلش اعلانهم لازم يكونوا موجودين كلهم

بعد كده فى الجلسه بيسمع القاضى لشهادين ( جيران او اصحاب اهل المتوفي ) يقررا بان من ذكرت اسمائهم فى الطلب هم الورثه فقط ولا يوجد غيرهم والحكم بيصدر بعد اسبوع تقريبا وبعديها بتعمل بقى كذا نسخه من اعلان الوراثه
نصيحه وانت رايح اى مصالح حكوميه لازم يكون معاك قلم وكمان صور من الورق اللى معاك على قد ما تقدر انت هنا محتاج اصل شهادة الوفاة وصوره منها وصورة بطاقة المتوفى وصورة بطاقتك
الموضوع بسيط جدا على فكره مش محتاج اكتر من مجرد شويه صبر

بارك الله فيك. فعلاً جوابك كافي ووافي