اسعار الصيانة الدورية في غبور

**teefa1985** · 23-01-2014 06:23 PM

السلام عليكم
لو سمحتم يا مالكي الايمجراند 7 كان عندي سؤال
انا معجب بالعربية دي جدا وإمكانياتها وشكلها عاجبني اوي وناوي اشتريها ان شاء الله بس كنت عاوز اعرف شوية حاجات كده
اوﻻ اسعار الصيانة الدورية في التوكيل كام وكل صيانة بيكون فيها ايه بالظبط وبتكون كل كام كيلو
ثانيا العربية شوفت ليها سعرين بفرق تقريبا 2000 جنيه بعاوز اعرف الفرق ده ليه
ثالثا لما اشتريها واستلمها ابص علي ايه واتأكد من ايه وكده
رابعا لو حد اشتراها بالتقسيط من المباشر هل الاستﻻم بيكون بعد اد ايه والاجراءات بتاخد وقت اد ايه وكمان التأمين بيكون اد ايه
اخر حاجة عاوز اعرف منكم العيوب المشتركة بين كل الموديلات والعيوب اللي ناس قابلتها وناس تانية ﻷ

معلش طولت عليكم بس عشمي فيكم كبير

**moe gawad** · 23-01-2014 06:35 PM

بص ياسيدى اولاً فرق السعر بيكون على حسب المعرض اللى بتشترى منه . ياعنى فيه معارض بتحرق بسعر اققل ب 200 جنيه عشان تبيع اكبر عدد وتاخد بونص عالى من الشركه .
وتانى حاجه اشترى العربيه وماتقلقش . اسعار الصيانات مش عاليه انشاء الله . والكلام ده مؤكد من داخل التوكيل نفسه .
ثالثاً . اهم حاجه لما تشترى انك تجيب من معرض موثوق فيه . عشان انا والله فى الشغلانه ديه صادفنى معارض غير معتمده بتفصل سلك عداد الكيلومتر وبيسافرو بالعربيات و يبهدلوها . وبعدين يغسلوها كويس ويبعوها زيرو . ومثال ده معرض موجود فى القاهره فى ميدان هليوبوليس .

**teefa1985** · 23-01-2014 06:42 PM

اوﻻ شكرا لسرعة ردك
ثانيا انا كان قصدي بحتة فرق السعر ان شوفت علي النت سعرين واحدة عادية والتانية ls والفرق بينهم تقريبا 2000 عشان كده باسأل ايه الفرق وهل يستحق وﻻ ﻷ
لو تعرف اسعار الصيانات تقريبا كام والتفاصيل التانية اكون شاكر ليك جدا
وفي انتظار رد باقي الملاك

**H_Daim** · 23-01-2014 06:55 PM

اولا الفرق بين الزجاج العادي و الفاميه 1000ج غير كده المعارض بتفرق عن معرض غبور في حدود 1000ج كمان علشان بيغيروا البطارية الجافة كلورايد وكاوتش يوكوهاما الياباني بآخر صيني وبطارية اي كلام، علشان كده انصحك لو هاتجيب يبقى من معرض جيلي غبور اللي في المهندسين

**M I D O** · 23-01-2014 07:44 PM

المشاركة الأصلية كتبت بواسطة h_daim

اولا الفرق بين الزجاج العادي و الفاميه 1000ج غير كده المعارض بتفرق عن معرض غبور في حدود 1000ج كمان علشان بيغيروا البطارية الجافة كلورايد وكاوتش يوكوهاما الياباني بآخر صيني وبطارية اي كلام، علشان كده انصحك لو هاتجيب يبقى من معرض جيلي غبور اللي في المهندسين

الكلام دة خطأ تمام وان كان بيحدث في بعض المعارض لاكن اساسا البطارية مش كلورايد البطارية الي بتنزل مش مكتوب عليها اسامي بس بطارية جافة و الكاوتش صيني ويست ليك او تركي لاسا غير كدة لا مفيش يوكوهاما ياباني خالص

**M I D O** · 23-01-2014 09:24 PM

بالنسبة للصيانات ال الالف معا تغيير زيت 10000 ب 320 جنية لو زيت 5 الاف ب 165 جنية و مجانية بدون مصنعيات و صيانة ال 5000 ب 85 جنية دول الي وصلتلهم حاليا

**M I D O** · 23-01-2014 09:28 PM

المشاركة الأصلية كتبت بواسطة h_daim

اولا انا كلامي مش غلط، علشان انا معايا 2 اصحابي نفس اللي بقولك عليه بطارية كلورايد جافة وكاوتش يوكوهاما ياباني اصلي وهما جايبين من معرض جيلي غبور المهندسين.

ماشي يا باشا كلامك مش خطأ بس متزعقش وانت بتتكلم

ممكن كلامك يكون صحيح و ممكن يكون خطأ وممكن كلامي يكون صحيح وممكن يكون خطأ بس الي اعرفة و الناس كلها تعرفة ان الكاوتش ويست ليك او لاسا فقط و البطارية جافة بس مش متذكر اسمها بس مش كلورايد

**M I D O** · 23-01-2014 09:45 PM

المشاركة الأصلية كتبت بواسطة h_daim

انا مابزعقش يا ميدو بيه، عموما انا مش هاحلف بس اقسم بالله البطارية كلورايد واقسم بالله كمان مرة الكاوتش يوكوهاما صنع في اليابان و الاستبن هانكوك.

يا باشا من غير ما تحلف صادق ويمكن اكون انا الغلطان ..
والاختلاف في الراي لا يفسد للود قضية يا باشا

-

-

الموضوع: اسعار الصيانة الدورية في غبور

LinkBack

أدوات الموضوع

عرض

-

-

-

-

-

المواضيع المتشابهه

اسعار الصيانة الدورية لنيسان صنى وتيدا بالتوكيل الجزء التانى

اسعار الصيانة الدورية للساجا

الصيانة الدورية

اسعار الصيانة الدورية فى التوكيل

حد يعرف اسعار الصيانة الدورية وقطع الغيار للافيو

الكلمات الدلالية لهذا الموضوع

المفضلات

المفضلات

ضوابط المشاركة