مشكله فى فتيس البوينتر .. الرجاء الرد من الخبراء

**bebo_bebo61** · 24-01-2014 01:26 AM

السلام عليكم
انا معايا بوينتر 2005 1000cc ماشيه 103000 كم
المشكله ظهرت معايا مره واحده من كام شهر بعد مارحت الجامعه الصبح وانا بركن لقيت العربيه مش راضيه تاخد اى غيار خالص وهى دايره كانى مش دايس دبرياج خاااالص .. المهم سبتها وبعد كده فى اخر اليوم وانا مروح دورت العربيه واديتها غيارات وانا واقف تمام جربت امشى تمام برضوا قلت خلاص مش مشكله والعربيه من ساعتها شغاله معايا عادى جدا ولا عملت اى حاجه
وبعد كده من يومين سافرت بيها من القاهره للمنيا تقريبا مشيت بيها مسافه 350 كم وكانت ماشى على سرعه 140 معظم الطريق ومشغل التكييف وقبل ما اوصل بحوالى مثلا 50 كم شميت ريحه زى الريحه اللى بتطلع من عود الكبريت وهو بيولع بالظبط فركنت على طول ونزلت فتحت الكبوت وفضلت اشم لقيت الريحه خفت خالص وبعد كده راحت وبس كملت لحد البيت والحمد لله وصلت بالسلامه ... النهارده الصبح دورت العربيه لقيت فيها صوت خشوله تقريبا بليه الدبرياج على الرغم من انه ما كنش الصوت ده موجود من قبل السفر وبعد كده مشيت بيها جوه البلد ما كملتش 2 كم ولقيت العربيه مش عايزه تاخد اى غيار خااااالص ركنها واستنيتها تبرد وبرضوا مفيش فايده جيت بالليل دورتها على غيار ومشيت بيها وبدوس دبرياج لقيته اشتغل ثوانى كده وفصل تانى وهكذا يشتغل ثوانى وبعدده يفصل .

المهم دلوقتى حاليا الميكانيكى اللى عندنا قاللى ادورها على غيار وارميلها غيارات وانا ماشى لحد ما اوصل الحرفيين .. وانا للاسف ما اعرفش حد يكون شغله كويس وبيشتغل فيها لانها لسه جديده معايا وكمان كنت عاوز اعرف هو كده ايه المشكله بالظبط هل طقم دبرياج مثلا ولا الفتيس بيودع؟؟

وآسف جدا على الاطاله

**Dr.Rayyan** · 24-01-2014 03:54 AM

متابع لوجود مشكله شبيه لزميل

**bebo_bebo61** · 24-01-2014 07:12 PM

ايه يا رجاله المنتدى محدش عارف حل ليا ولا ايه؟؟

**eraser** · 25-01-2014 04:13 AM

ان شاء الله الفتيس سليم ولو هتغير طقم دبرياج بلاش تجيب valeo
الميكانيكية بتوعها هما بتوع vw فيه احمد عزت فى جسر السويس ورا حديقة بدر
وعصام فى الهرم ورا جاد شوف الاقربلك

**bebo_bebo61** · 25-01-2014 09:18 PM

المشاركة الأصلية كتبت بواسطة eraser

ان شاء الله الفتيس سليم ولو هتغير طقم دبرياج بلاش تجيب valeo
الميكانيكية بتوعها هما بتوع vw فيه احمد عزت فى جسر السويس ورا حديقة بدر
وعصام فى الهرم ورا جاد شوف الاقربلك

ليه بلاش valeo ؟؟ .. انا اتصلت بمحل الكوثر وقالى فى طقم كورى ب750جنيه وفيه ساكس المانى ب1050جنيه .. ايه رايك فى الالمانى ؟؟ وهل سعره كده كويس ولا ايه لانى ما اعرفش حد تانى بتاع قطع غيار ؟؟

**eraser** · 26-01-2014 12:30 AM

مبدءيا سيبك من موضوع كورى والكلام ده
تجيب المانى يا برازيلى زى Sachs , luk
انا معرفش محل الكوثر ده ومقدرش احكم عليه بس لازم تجيب طقم اصلى بدل ما هتتعب
محلات قطع الغيار كتير وفى موضوعين مثبتين فى قسم فولكس وسيات بص عليهم
انت ساكن فين ؟

**eraser** · 26-01-2014 12:31 AM

وليه بلاش valeo عشان بينشف وبيتقل البدال

**bebo_bebo61** · 26-01-2014 08:54 PM

المشاركة الأصلية كتبت بواسطة eraser

انت ساكن فين ؟

حاليا انا فى اجازه فنزلت المنيا وهى معايا هنا دلوقتى

**Honda_lover** · 27-01-2014 02:37 AM

المشاركة الأصلية كتبت بواسطة eraser

وليه بلاش valeo عشان بينشف وبيتقل البدال

التقليد فقط اما الاصلي 100%

**eraser** · 27-01-2014 05:56 AM

عموما توكيل valeo هوا شركة smg وكيل سيات القديم ودى بياناته لو حابب يجرب
الشركة الهندسية للسيارات smgت 25760425- 25764018 – 01220000684
العنوان 5 ش معروف – وسط البلد