قولى كماليتها بالتفصيل
كل كماليه بتفرق فى السعر واللون والحاله كمان
عرض للطباعة
قولى كماليتها بالتفصيل
كل كماليه بتفرق فى السعر واللون والحاله كمان
يبقى زى ما قولتلك الحاله بتفرق وكمان كمية الكماليات
بس هضربلك مثل
انا مثلا معايا 2010 هاى لاين كل الكماليات ماعدا البصمه ماشيه 55 الف كيلو حالة الزيرو وببيعها ب 115
قيس على كده
ممكن استفسر من حضرتك يعنى ايه معاملة خاصة للبصمة وايه عيوبهااقتباس:
السيراتو لو هاتيجبها هاتها هاى لاين ما عدا بصمه ( البصمه محتاجه معامله خاصه شويه )
انا كنت فاكر ان ممكن ب 100 الف اجيب سيراتو 2011 Sx عامله اقل من 60 الف
مشكلة البصمه تتلخص فى زرار push button واللى بيتحكم فى فتح وقفل الكونتاك والدوارهاقتباس:
ممكن استفسر من حضرتك يعنى ايه معاملة خاصة للبصمة وايه عيوبها
المفتاح طبعا حساس اوى للرطوبه فلو حضرتك بتغسل العربيه فى بنزينه وعامل اتزاكى وطال المفتاح ميه
تبقى العربيه عطلت ومحتاجه تروح التوكيل او تلجأ لكهربائى وانت وحظك
اكيد والحاله كماناقتباس:
ده انت سعرك اعلى من النت بمراحل
موجود واقل من كده كماناقتباس:
انا كنت فاكر ان ممكن ب 100 الف اجيب سيراتو 2011 sx عامله اقل من 60 الف
بس زى ما قولتلك ( الحاله )
ما انا مجبش عربيه رخصيه الفين تلاته وابقى فرحان بسعرها
والاقيها محتاجه مصروف ودوخه
شرى العبد ولا تربيته
طب اقولك على ابسط واظرف حاجه ومحدش بياخد باله منها نهائى مع انها قلم محترم
اى عربيه هتيجى تشتريها من النت او السوق وكمان التجار هتلاقى كاوتشها منتهى وكمان مش هتلاقى فرده اخت التانيه
كل اللى بيجى يبيع عربيه دلوقتى ( الا من رحم ربى ) بيروح لأى بتاع كاوتش يحل كاوتشه الجديد يبيعه او يخزنه للعربيه الجديده ويشترى كاوتش منتهى الصلاحيه يركبه للعربيه وهو بيبعها
وطبعا محدش هيبص على كاوتش
وحتى لو بص مش هيوقف بيعه
صح كده؟
تاخد العربيه متعرفش تمشى بيها تروح تشترى ليها طقم كاوتش محترم
تلاقى نفسك متعور فى 3 او 4 آلاف جنيه ( كاوتش بس )
ده غير انه بيكون حارق الزيت وطبعا مغيرش ولا فلتر ولا حتى بوجيه من يوم ماجبها
وانت تقول ايه يعنى هعملها طقم سرفيس
وآدى كمان الفين جنيه
ومفيش حاجه بانت على العربيه ولا زادت عليها
دا انا اتكويت من اللى بيبيعوا مستعمل وبخاصه بتوع النت دول ربنا يسامحهم
ده غير اللى تتفق معاه فى التليفون وتسافرله 3 ساعات من دمياط الى القاهره
ويروح قافل التليفون وميرضش عليك
او تروحله ويقولك اتباعت
بلاش مره واحد قالى استنانى انا جايلك وبعد ما استنيتها اكتر من ساعه
قالى مش هعرف اجى اصل العربيه اتخبطت
فالمستعمل وبالزات مع غياب الضمير حاليا ( اشترى من حد تعرفه او حد ثقه حتى ولو اغلى من سعر السوق شويه )
ولا انتوا ايه رأيكوا فى الكلام ده ؟