شكرا ليك واتمنى اكون عند حسن ظنك
عرض للطباعة
نبذة عن موبينيل
Mobinil 012, 018 , 017
تاريخ بدء الخدمة في مصر : 21 مايو 1998
الشبكة الأولى في مصر من حيث تاريخ بدء الخدمة
عدد العملاء في الوقت الحالي: أكثر من 17 مليون عميل
فازت الشركة المصرية لخدمات التليفون المحمول (موبينيل) بجائزة أفضل موقع الكتروني لشركة مصرية علي شبكة المعلومات الدولية (الانترنت) كما حصلت علي المركز الثاني لأفضل تقرير سنوي للمساهمين لشركة مصرية في عام 2006.
3405 موقعاً
29 سنترال (سويتش)
25 محطة إرسال واستقبال قاعدية Mobile BTSs مزودة بـ :
وحدات مبيتة لإلغاء الصدى على كافة أجهزة الوصل والتحويل (السويتشات).
جهاز تعزيز الصوت لأقصى درجة EFR لزيادة وضوح الصوت.
هوائيات على أعلى مستوى من التقدم.
كانت موبينيل أول مشغل للنظام العالمى للهاتف المحمول GSM فى مصر يمد خدمات شبكته إلى:
محطات مترو الأنفاق حيث قامت موبينيل بتركيب 17 محطة إرسال واستقبال قاعدية متناهية الصغر Micro BTSs لتغطية محطات بالقاهرة.
ونفق الأزهر.
ترتبط موبينيل باتفاقيات دولية بشأن التجوال مع 348 مشغل فى 135 دولة
وكانت موبينيل أول شركة اتصالات عن بعد فى مصر والشرق الأوسط تفوز بشهادة منظمة المعايير الدولية (الأيزو) . ISO 14001 كذلك حصلت موبينيل على تجديد رسمى لشهادة الأيزو 14001 لرابع سنة على التوالى
مقتبس من الموقع الرسمي للشركة
http://www.mobinil.com/images/mobinil_logo_new.jpg
والله يا أستاذ دريم بجد أنت قمة ذوق واضح جدا ,,
بجد أنا متشكر ليك
أه فعلا أتصالات كانت عامله الخدمه دي بس للأسف انا كنت خارج مصر ملحقتهاش ,,
طيب أنا حبعت لحضرتك الرقم عالخاص بإذن الله ,,
أسف جدا أني حتعب حضرتك معايا ,, في ميزان حسناتك ..
اهلا بيك فى المنتدى
لى استفسار انا عايز اعمل الخط بتاعى رومنج لانى مسافر الصين
فهل انتم ليكم تغطيه فى الصين ولو ليكم اشترك ازاى
شكرا مقدما ليك
اهلا بيك نورت بيتك التاني
أهلا بيك معانا فى المنتدى
اهلا و سهلا بحضرتك في المنتدي معانا
و احيي في حضرتك روح التعاون و حب المساعدة دي من الاول
طبعا المنتدي كسب شخص زي حضرتك
و ان شاء الله تفيدنا و تستفيد منا
احب اقولك اني من مشتركي موبينيل من سنة 98
كان سني ساعتها 12 سنة تقريبا:laugh6::laugh6:
و الخط فعلا كان بحوالي 2000 جنية زي ما الاستاذ هايما قال
و لحد النهاردة هو هو نفس الرقم و مش ناوية اغيره
لاني بصراحه مش برتاح غير مع موبينيل
هو بس موبينيل ينقصها خدمة الانترنت زي فودافون و اتصالات
انهم مثلا يعملو خدمة الاشتراك اليومي و كده
بجد هيفيدو ناس كتير اوي
كنت عاوزة اسال حضرتك لاني مش عارفه
هل موبينيل ليها USB ؟
لاني بصراحه مسمعتش عنه
بس كنت عاوزة اتاكد
و اهلا بيك معانا مرة تانية
بوســـــــي
السلام عليكم
شكرا مرة تانية على الترحيب وانا هجاوب على بعض الاسألة لكن في سؤالين محددين اسمحولي اتأخر فيهم عشان اقدر اجيب الاجابة الدقيقة بتاعتهم خصوصا انها من خارج نطاق خدمة العملاء
استاذ محمد انا حقيقي مش عارف اشكرك ازاي حقيقي كلك ذوق
طبعا سؤالك من ضمن السؤالين وان شاء الله حكلم صديق ليا في شركة فودافون بالليل اتأكد منه من الموضوع دا
analyzer
شكرا على ترحيبك طبعا بس حلو موضوع سفر الصين دا :cowboy:
بالنسبة للرومينج الحقيقة هو غير متاح لخطوط الكرت ( ألو ) لكن متاح لعملاء ستار
ومبدأيا سهل جدا ومتاح انك تحول لستار والتحويل مجاني وكمان هتلاقيه اوفر من الكرت لو بتتكلم اكتر من30 جنيه شهريا
وممكن ترجع لنظام ألو مرة تانية بعد اربع شهور لو عايز
المهم انت قبل ما تسافر حول الخط لنظام ستار في اي مركز من مراكز خدمة العملاء
ومتنساش تاخد معاك البطاقة الشخصية وحاجة من الاربع حاجات دول
رخصة قيادة خاصة ( طبعا احنا في موقع نايل موتورز حاجة تطمن يعني :laugh6: )
او جواز سفر ( وطبعا انت مسافر الصين سهلة اوي برضو :laugh6: )
او وصل نور حديث بإسمك او بإسم الوالد
او وصل تليفون حديث برضو
يعني البطاقة ومعاها اي حاجة من الاربعة دول
مجرد ما بتحول الخط لستار بتطلب برضو منهم تشغيل خدمة الرومينج على الخط
هيطلب منك مبلغ 1500 جنيه متتخضش:batman:
دا تأمين لان طبعا دا نظام فاتورة مفتوح وكمان هيكون دولي وتجوال
أول ما تيجي مصر تقدر تسترد المبلغ دا
يعني هو تأمين مش مصاريف
دي تقريبا كل المعلومات المطلوبة ولو في حاجة تانية انا تحت امرك
وابقي قولي هل في عربيات اسبرانزا وشيري هناك بجد ولا دي بتيجي عندنا بس:3gears:
استاذ شريف خليفة
بداية الامر بشكرك على توضيح النقطة دي وبجد انا استفدت جدا من مشاركات الاعضاء واضافتهم ليا
انا عموما كنت اقصد سرعات الانترنت العالية بالنسبة للمودم اليو اس بي بتاع شبكات المحمول لكن موضوع XDSL دا جميل فعلا لو انتشر
شكرا مرة تانية على اضافتك
http://www.mobinil.com/images/mobinil_logo_new.jpg
الاخوة badblood واحمد عبد الله اشكركم من قلبي على الترحيب
الاستاذة bosyfadl
طبعا انا بشكرك جدا على ترحيب وانا االلي كسبت فعلا بانضمامي للمنتدى وانا فعلا استفدت كتير من هنا سواء في الموضوع دا او فيما يتعلق بمجال السيارات عموما
أما بقه موضوع الاشتراك في سنة 2008 وسعر الخط ب 2000 جنيه دا بيثير جوايا خواطر كتير لما بتعامل مع بعض العملاء
لما العميل يجي يتهمنا بالمغالاة في سعر تمن الخط وازاي يعني الخط عندكم في التوكيل يوصل ل 20 جنيه ببقي نفسي اقوله حرام عليك :ph34r:
انا الخط بتاعي القديم كلفني على ما اتذكر700 جنيه وسعر الدقيقة وقتها كان بمبلغ وقدره وكان في ضرايب ومصاريف ادارية والذي منه
بالنسبة لخدمة الانترنت مين قالك ان الخدمة دي مش موجودة غير في اتصالات وفودافون ؟ بالعكس
اديلك نبذة كمان
موبينيل دخلت في مصر خدمة الايدج وهي انترنت فائق السرعة اسرع من GPRS العادي اللي كان موجود في مصر ساعتها
ولكن بعد فترة من نزول الخدمة دي تم ايقافها من قبل الحكومة عشان اعتبروها ضمن نطاق الجيل الثالث ودا مش مصرح بيه
وكمان موبينيل عملت عروض من فترات كدة بخصوص الانترنت اللي كان فعلا ببلاش في شهر من شهور الصيف مرة من المرات
وعموما دلوقتي موبينيل نزلت خدمة الجيل الثالث
صحيح هو بعد فودافون واتصالات بفترة بس دا لاسباب كتيرة
وبالنسبة لموضوع ال USB
هو دا جهاز مستقل يعني عن الخدمة بس هو طبعا متوفر في مراكز خدمة عملاء موبينيل بأنواع مختلفة
شكرا جدا لمساهمتك وسؤالك وفي انتظار استفسارك القادم
بالمناسبة يا جماعة ارجو انكم تقرأوا الموضوع اللي هعمله بخصوص عقود الاشتراك في شركات المحمول لأنه حقيقي مهم بس هحطه في موضوع منفصل عشان عدد اكبر من اعضاء المنتدى ينتبهوا ليه
تحياتي للجميع
http://www.mobinil.com/images/mobinil_logo_new.jpg