أنا فعلا مهتم بمعرفة عروض الإنترنت الخاصة بالجيل التالت المقدمة من موبينيل
فى إنتظار الأسعار و العروض و السرعة
عرض للطباعة
أنا فعلا مهتم بمعرفة عروض الإنترنت الخاصة بالجيل التالت المقدمة من موبينيل
فى إنتظار الأسعار و العروض و السرعة
اهلا بيك معانا يا استاذي الفاضل و نورت المنتدي
طبعاً انا معيش موبينيل
بس انا ولدي معاه موبينيل من سنة 99 و الخط بتاعه 01222
و كان ثمن الخط حوالي 1200 جنيه في الوقت دا و مازال ولدي محتفظ بالخط دا و شغال بيه و مقتنع تماماً بالشبكة
و مره تانية نورت المنتدي
و كل سنة و حضرتك طيب
والله انا عندى شكوى من الشبكة في الأسكندرية
يعني السنة اللي فاتت كانت كويسة بس السنة دي
حاجة وحشة جدا ، كل شوية التليفون يدي الشبكة
مش موجودة ويادوب شرطه او اتنين سيجنال
حاجة تانية اني بسافر كل سنة خارج مصر
لأني مقيم بالكويت ، ومعايا خط الو سمعت
ان فية خدمة لمنع قطع الخط خلال 6 شهور او
سنة وبيتخصم مبلغ من الرصيد مقابلها
هل الكلام صحيح وايه التفاصيل لو سمحت
يا جماعة انا في قمة الاحباط والله لأن بعد ما رديت رد طويل اوي على كل حاجة الجهاز هنج :011:
الأخ sharky
بالنسبة لخدمات الانترنت دا يعتمد على استخدامك ليه
بمعنى هل هتستخدم الخدمة دي كتير ولا لا
هل متنقل ولا ثابت
لو استخدام قليل او عادي
ممكن ببساطة تستخدم الشريحة العادية بتاعتك في دخول الانترنت عن طريق الكمبيوتر بالسعر العادي
اول خمسة ميجا بايت في اليوم بجنيه
واي ميجابايت زيادة بخمسة جنيه ( بعد ما كانت ب 15 جنيه )
لو عندك جهاز موبايل زي N70 او اي جهاز موبايل عموما بيدعم الجيل الثالث بتقدر توصله بالكمبيوتر كمودم عن طريق كابل يو اس بي وتدخل على الانترنت بالأسعار اللي قلتهالك ولو مش عندك فكرة ازي توصله بالكمبيوتر انا ممكن اشرح لك او عن طريق استخدام اي مودم يو اس بي ودا هتكلم عنه في النقطة الجاية
بالنسبة للاستخدام المستمر
ممكن تشترك في باقة اسمها 3 جيجا
دي عبارة عن اشتراك شهري بتدفعه 150 جنيه في مقابل انك بتاخد تلاتة جيجا كل شهر من تصفح وداونلود
وأي ميجا بايت زيادة هتبقي بربع جنيه ( بدل خمسة جنيه )
بتحتاج برضو انك تشتري جهاز يو اس بي
في انواع كتير
انا برشح لك جهاز اسمه
'HTC' Bandluxe C120
http://www.mobinil.com/aboutmobinil/...120_Dongle.gif
دا جهاز زي ما انت شايف خفيف وصغير جدا عامل زي الفلاشة بس امكانيات جبارة
يعني بتقدر تستفيد من السرعات العالية للجيل الثالث بتوصل ل 7.2 ميجا بايت
3.5 G
HSDPA
دا تمنه 600 جنيه في مراكر خدمة عملاء موبينيل
وممكن لو مفيش تغطية للجيل التالت في المنطقة اللي انت فيها يعتمد على تقنيه GPRS القديمة بس مش هتكون طبعا بالسرعة دي
ومش محتاج توصفه على الويندوز مجرد ما بتوصله بالكمبيوتر بيتعرف عليه اوتوماتك
وفي طبعا اجهزة تانية تعتمد على تقنية
3.75 G
HSUPA
دا اسمه
Huawei’ E270 USB Modem
http://www.mobinil.com/aboutmobinil/...0USB_Modem.gif
الميزة اللي فيه ان سرعة ال upload افضل يعني لو بترفع حاجة على الانترنت
السرعة فيه بتوصل ل 2 ميجا بايت
وطبعا سرعة الداونلود 7.2 ميجا بايت
وفيه طبعا امكانيات الجهاز الاول بس لو مش هيفرق معاك ال upload خليك في الجهاز الاول
دا تمنه 925 جنيه
وفي جهاز وخدمة مع بعض اسمهم فلاي بوكس
دا لو حابب تعمل شبكة داخلية يعني توصل لأربع اجهزة كمبيوتر
ودي ليها باقات مختلفة ولو تهمك انا ممكن برضو اشرحهالك
دا تقريبا شرح مختصر لخدمات الانترنت ولو في استسفار عن اللي انا قلته او اي حاجة عموما انا هكون سعيد بكدة
تحياتي
http://www.mobinil.com/images/mobinil_logo_new.jpg
اخي الفاضل momenhamdy
انا بشكرك جدا على المشاركة وقول لوالدك زين ما اخترت :thumbsup:
تحياتي ليك
************
العزيز boty50
بالنسبة لمشكلة الشبكة
فعلا في بعض المناطق اللي قد تكون فيها تغطية الشبكة ضعيفة
وارجو منك الاتى
انك تتصل بخدمة عملاء موبينيل 110 في اي وقت تديهم معلومات دقيقة عن المكان اللي فيه المشكلة
يعني اسم الشارع والمنطقة والحي ورقم العمارة
الموظف بياخد منك المعلومات دي وبيحولها لقسم الشبكات وبعد 48 ساعة بيتصل بيك حد من المسئولين في قسم الشبكات بيراجع معاك بيانات المنطقة وبيشوفوا انسب حل للموضوع دا
بالنسبة لسفرك للخارج
طبعا هو خط ألو العادي لازم تعمل مكالمة كل تلات شهور على الاقل
لكن لو حابب انك تسيب الخط مثلا فترة طويلة وتحافظ على الرقم ممكن تشتري صلاحية
validity
وفعلا زي ما قلت الست شهور بعشرة جنيه
والسنة بعشرين جنيه
بترجع لخدمة العملاء قبل ما تسافر وطبعا تتأكد ان خطك فيه رصيد مناسب
يعني فوق العشرة جنيه لو ست شهور او 20 حنيه لو سنة
طبعا اول ما بتشغل الخدمة دي متعملش اي مكالمة او شحن بعدها عشان تحافظ على استمرار الخدمة
اتمنى اني اكون افدت حضرتك بالاجابة دي
ولو في استفسار اتفضل في اي وقت
http://www.mobinil.com/images/mobinil_logo_new.jpg
عزيزي دريم286
شكرا لردك الكريم
لي ملاحظه وهي اني اتصلت بخدمة العملاء اكثر من 15
مرة من تليفوني وتليفونات اخري ولكن لم يتم الأتصال بيقطع
قبل الوصول الي خدمة العملاء
النقطة الأخري ارجو انك توضح لي أكثر معني ماقلت
"طبعا اول ما بتشغل الخدمة دي متعملش اي مكالمة او شحن بعدها عشان تحافظ على استمرار الخدمة"
اللي اعرفه اني بافعل الخدمة من التليفون وبيخصم ال20
جنية من الرصيد وخلاص علي كدة اتكلم او اقفل الخط
بدون مشاكل لاحقة ، ولا فيه حاجه مش فاهمها.
شكرا لك لتعاونك معنا ،،،
اهلا بيك يا اخ دريم معانا في نايل موتورز:)
انا كمان معايا موبنيل من اول ما قالوا يا خطوط آلو :)
كان الخط ب 1200 جنيه
يالا ايام بقي ;)
ايوا الله يكرمك وضحلنا الحته دياقتباس:
النقطة الأخري ارجو انك توضح لي أكثر معني ماقلت
"طبعا اول ما بتشغل الخدمة دي متعملش اي مكالمة او شحن بعدها عشان تحافظ على استمرار الخدمة"
اللي اعرفه اني بافعل الخدمة من التليفون وبيخصم ال20
جنية من الرصيد وخلاص علي كدة اتكلم او اقفل الخط
بدون مشاكل لاحقة ، ولا فيه حاجه مش فاهمها.
لأني من أسبوعين بالظبط أرسلت مع والدي خط وكنت قبلها ب 5 أيام أشتريت صلاحيه وخلال ال5 أيام شحنت تاني وأتكلمت بيه إلى ميعاد السفر وأخذ الخط معاه ,,,