الموضوع: ألبوم حوادث السيارات فى مصر يارب سترك

ياساتر يارب. ربنا يسرها علينا كلنا. اصعب واحده بتاعت ال 127 اللى لازقه في شجره

ربنا يسترها معانا

يا جماعه والله مش كل الحوادث سببها شباب تييييييييت زى مانتو فاكرين فى ناس بيكون ماشى على يمين الطريق 90 أو 100 زى القانون مبينص وفجأة يطلعلو واحد تيييييت ابن 60 تيييت بيقطع الطريق..... ومش حكملكم اللى بيحصل بالأضافة ان كلنا عارفين ان عربياتنا كلها كرتون وبلاستيك

لا حول ولا قوة الا بالله العلى العظيم
اللهم صبر اهالى المتوفين ده موت وخراب ديار
يا جماعة لازم نظبط عقولنا ونفسيتنا شوية ونبطل السرعات الجنونية دى
مش عشان لحظة لذه واستمتاع بالسرعة نضيع كل حاجة كده من غير منحسبها كويس ومنه لله الاعلام اللى بيثير الشباب من ناحية السرعة وانا لسه 24 سنه على فكره برده
وعلى الرغم من ان عربيتى مش جديدة إلا انى كنت بجيب اخرها وكنت بجرى جوه البلد وعالطرق ولسه بجرى بس الحمد لله بدأت اظبط واتحكم فنفسى كده واعقل لان فعلا مش لحظه اللى هتخلى الواحد يضيع كل حاجة
قارنوا او تخيلوا لحظة استمتاعك بالسرعة وبين منظر من دول
وفعلا شوية بشوية هتتخلى عن السواقة السريعة دى وهتلاقى نفسك برده بتستمتع وانت سايق على مهلك وبمزاج
اسف للإطاله وربنا يسترها عالجميع يا رب ويكفينا كلنا شر الحوادث

لا حول و لا قوة الا بالله
الله اما عافينا

انا بصراحة مش عارف ايه المتعة في السرعة
العربية بالنسبة لي وسيلة مواصلات مريحة بتنقلني من مكان لمكان في وقت أقل من المواصلات العادية
ولو كل واحد فكر المشوار اللي بيعمله بالعربية لو عمله مواصلات هياخد وقت قد إيه ولو عمله بالعربية حتى لو ماشي بطئ هياخد وقت قد إيه بيتهيألي محدش هيسوق بسرعة أبداً
اللي بندهشله إني بحس إن الناس يقى معندهاش صبر لأي حاجة ، أنا ساكن في الرماية لما بدخل على الإشارة الإلكترونية وببقى شايف إن الإشارة لسه قدامها وقت على متفتح بمور العربية وأمشي بالراحة لحد موصل ، يا اما أوصل والإشارة تفتح يا اما أوصل وأقف زي كل اللي جرى وسبقني وبستغرب قوي من العربيات التانية اللي بتندفع بسرعة ناحية الإشارة بالرغم من أنه شايفها مقفولة مش عارف بيفكر في ايه ، يا ترى بيبقى فاكر انه لما يجري بسرعة الإشارة هتفتح بسرعة مثلاً

حاجة تجنن