انا بقترح نعمل اختبارات سلامة لينا احنا والخليج بس علشان نعرف العربيات
اللي ممكن نسمح بدخولها مصر على شرط أن يتم تجربتها عن طريق
الناس اللي ربنا نجاهم من الحوادث اللي في الصور ولسه مااتعلموش الدرس
وربنا يرحم امواتنا جميعا وياريت اللي عايز يجري يجري لما يكون هو في العربية بس علشان ربنا لما ياخدو ياخدو هو بس ومايظلمش معاه ناس تانيين ويحرمهم من الحياة او يسببلهم إعاقات دائمة لاقدر الله
فكرني بواحد صاحبي بيحب أوي يطلع الدائري ويحيب معاه 190 كيلو ويصورها بrenault clio تخيلوا؟؟
ولما بقولو إن عربيتك ماتستحملش السرعة ديه وأن في عربيات فئاتها كتير أعلى من عربيتك خطر عليها برده السرعة ديه بيزعل ويتضايق ويحسسني أني بعايره إن عربيته قليلة ولقيته في مرة بيرد يقولي خليك أنت بسواقة الفرافير بتاعتك ديه علشان مابحاولش أعدي 120 على الدائري
أنا نفسي صاحبي ده ياخد درس شديد شوية بس في العربية وهو مايحصلوش حاجة يارب بس يتعلم
وأنا متـــأسف جدا لأني طولت عليكو
المفضلات