السلام عليكم ورحمه الله وبركاته
خبراء قسم الفولكس
هل شداد الميزان الامامى لما بيكون بايظ وعايز يتغير يسبب اى شئ فى ثبات العربية على السرعات فوق 100 او 120
العربية جيتا 2010
ارجوا افادتى فى ذلك وشكرا
السلام عليكم ورحمه الله وبركاته
خبراء قسم الفولكس
هل شداد الميزان الامامى لما بيكون بايظ وعايز يتغير يسبب اى شئ فى ثبات العربية على السرعات فوق 100 او 120
العربية جيتا 2010
ارجوا افادتى فى ذلك وشكرا
تاثيره بيبان اكتر فى الملفات
استاذى AlGazar2 هل التاثير بيبان على السرعات وعلى طريق طويل مفتوح مثل الطرق الصحراوية وطريق شرم الشيخ ومثلها من هذة الطرق
هل ياثر فى الثبات عالسرعة فوق 100 و 120 بالرغم ان السيارة جيتا 2010 والفولكس عمتا معروفة بالثبات العالى
متابع
طبعا بأثر على الثبات لأن الميزان ده بيدي اتزان للعربيه لأنه بيربط مابين الجنب اليمين والشمال ولازم تكون شداداته مضبوطة والا كل جنب هيطلع وينزل مع نفسه تيجي في ملف تلاقي العربيه مالت على الجنب اللي عكس الملف غير التنطيط اللي العربيه هتكون فيه ونتعلم كمان فلو بايظ لازم يتغير ضروري وربنا يسترها معاك ومعانا
اكيد طبعا بيأثر
استاذى hitmangate انا كدة فهمت انة بياثر فى الملفات ودة واضح معايا فالسيارة
هل يؤثر على طريق مفتوح يعنى اللى اقصدة لو السيارة ماشية على طريق صحراوى مفتوح شداد الميزان لة عامل ان السيارة ماتكونش فيها ثبات شوية بعد سرعة 120 ومع الرياح والهواء بتاع الطرق الصحراوية المفتوحة
ارجوا الرد بالتفصيل وشكرا لكم ياخبراء نايل موتورز
اه طبعا لو ماشي في طريق طوالي وخدت مطب هوا العربيه هتعوم منك ولو فيه شويه هوا جمدين من الجنب هتعوم منك برضه ولو ماشي وخدت نقره برضه تعوم منك وعلى السرعات العاليه هتلاقيها بتعوم عمال على بطال الأفضل انه لو بايظ عندك تغيره دي عفشه يعني مش هزار انت ممكن تصبر على أي حاجه فى العربيه إلا العفشه والكوتش دي أرواح بني آدمين وربنا يسترها عليك وعلينا جميعا
اشكرك كل الشكر استاذى hitmangate على افادتك لى لك كل الشكر والتقدير وانا استفدت من معلوماتك