الموضوع: مواصفات واسعار فئات مرسيدس cla لسنة 2014 + صور من المعرض

بسم الله الرحمن الرحيم, والصلاة والسلام على اشرف المرسلين, سيدنا محمد الذي ارسله الله رحمة للعالمين, صلوا عليه يا مسلمين

فإن الصلاة عليه ترفع درجات وتنفي السيئات وتقربك من شفاعته يوم القيامة الموعود بإذن الله, امان بعد ..

السلام عليكم ورحمة الله وبركاته .. عملين ايه يا شباب ؟ يا رب تكونوا في اتم صحة

دي مواصفات المرسيدس الرائعة CLA من الكاتالوج من غير زيادة او نقصان بإذن الله مع ذكر اسعارها حبيت اشاركهلكم سريعاً

نبدأ المواصفات الفنية للفئة :

محرك 4 سلندر 1.6 بقوة 122 حصان عند 5000 لفة\دقيقة للـCLA180

ومحرك بقوة 156 حصان عند 5300 لفة\دقيقة للـCLA200

عزم الدوران 200 نيوتن متر عند 1250 لفة\دقيقة للـCLA180 و250 نيوتن متر للـCLA200

التسارع من الثبات للـ100 في 9.3 ثواني والسرعة القصوى 210 كيلو متر\ساعة

والتسارع من الثبات للـ100 في 8.6 ثواني للـCLA200 والسرعة القصوى 230 كيلو متر\ساعة

فتيس اوتوماتيك 7 سرعات 7G-DCT

متوسط إستهلاك الوقود 7.4 لتر لكل 100 كيلو وسعة الخزان 50 لتر

سعة صندوق الامتعة 470 لتر ووزن السيارة فارغة 1395 ك\ج

ابعاد السيارة :





التجهيزات الاساسية :

عجلة قيادة رياضية متعددة الوظائف - 3 برامج تعشيق متاحة للإختيار

فرملة ركن كهربائية - وحدة عرض ملونة فائقة الوضوح مقاس 5.8 بوصة

وحدة ازرار هاتف مدمجة مع خاصية Bluetooth للتحدث الحر

مقابض تعشيق بالمقود - مخارج تكييف هواء بتصميم رياضي

مساعد منع التصادمات - مساعد تنبيه السائق - مقاعد خلفية قابلة للطي ثلث\ثلثين

تثبيت مقاعد الاطفال ISOFIX - عجلات رياضية مصنوعة من معدن خفيف

زر تشغيل وايقاف المحرك - مقاعد رياضية - عناصر كروم خارجية

التجهيزات الخاصة بالـCLA180 :

مقبس AUX و USB - بلوتوث - ذراع وسطي للتحكم بشاشة العرض

فرش قماش كواري اسود - عجلات 16 بوصة مقاس 55\205 إطارات رن فلات

مصابيح هالوجين - شبكة سوداء ذات شريحة فضية

الفئة الـCLA180 Urban تذيد عن الفئة السابقة بـ :

عجلة قيادة من الجلد الطبيعي - فرش قماش كورمبا اسود

ومتوفر بلون اسود\برتقالي وبلون كريستالي - جنوط 17 مقاس 45\255

مخارج عادم ثنائية - مساعد صف السيارة الفعال او كما يُسمى بـ أوتو بارك او بارك اسيست

باقة Ubran Line - شبكة ماسية سوداء بشريحة فضية

الفئة الـCLA200 Urban تذيد عن الفئات السابقة بـ :

مسند اذرع خلفي - مرايات خارجية قابلة للطي كهربائياً

مرايات داخلية وخارجية بخاصية إمتصاص الإضاءة العالية

فرش جلد ارتيكو اسود ومتوفر بلون صحراوي ورمادي كريستالي

سقف بانوراما متحرك - زجاج خلفي معتم - مصابيح زينون - ليدات امامية وخلفية

الفئة الـCLA200 AMG تذيد عن الفئات السابقة بـ :

مقعد السائق متعدد الوظائف قابل للتعديل كهربائياً

نظام الصوتيات المجسم Harman Kardon

فرش جلد ارتيكو طبيعي اسود - عناصر الومونيوم داخلية

جنوط 18 بوصة مقاس 40\225 - باقة AMG Line والباقة الليلية

شبكة ماسية فضية

تذيد الفئة الـCLA200 Exclusive بـ :

مقعد الراكب الامامي متعدد الوظائف قابل للتعديل كهربائياً

إضاءة داخلية خافتة - لوحة اجهزة القياس والتابلوه مكسوة بالجلد

مكيف هواء اوتوماتيكي - فرش جلد اسود - عناصر الومونيوم داخلية

كاميرا خلفية

شكل الجنوط لكل الفئات بالترتيب من الاصغر للأكبر :

اول فئة CLA180


ثاني فئة CLA180 Urban


ثالث فئة CLA200 Urban


الفئة الرابعة CLA200 AMG


اعلى فئة CLA200 Exclusive


الألوان المتاحة للسيارة :

أحمر جوبيتر - ابيض زيروس - اسود حالك - اسود كوزموس - فضي قطبي

ازرق كوني - احمر باتاجونيا ميتاليك - بنفسجي قطبي - رمادي جبلي

بعض الصور من المعارض :



























بالنسبة للأسعار فهي كالتالي :

CLA180 : 285.000
CLA180 Urban : 318.000
CLA200 Urban : 372.000
CLA200 AMG : 399.000
CLA200 Exc : 438.000

بالنسبة لرأيي في العربية طبعاً مش محتاج حد يعرفه لإن العربية ممتازة واوبشنز ممتاز وانا شايف ان الفئة الـCLA200 Urban مناسبة وسعر مناسب

لا تنسونا من صالح دعائكم عافاكم الله وهداكم .. في امان الله ورعايته

المشاركة الأصلية كتبت بواسطة Mohab555

بسم الله ماشاء الله ... تحفه و هتعمل مبيعات خرافيه و هتتعب ال bmw كتير فى مبيعات الفئة الثالثة .. بصراحة مرسيدس لعبتها حلوه

انا شايف كدا بردو .... بس الـ3 ليها ناسها بردو

تسلم يا باشا ع المرور

المشاركة الأصلية كتبت بواسطة eng.ghost

يا بلاش

بالنسبة لأسعارنا الجهنمية فعلاً يا بلاش اهو على الاقل السعر على ماركة من اكتر الماركات المحترمة عالمياً واللي يضايق انك تلاقي الـV40 والـS60 معاها في الفئة حاجة تجنن

المشاركة الأصلية كتبت بواسطة Maghraby1987

انا شفت واحده في الزمالك امبارح لسه معلقه نمر تجارية
بسم الله ماشاء الله تحفه
و شكلها مش اصغر من السي كلاس زي ما كنت فاكر بالعكس نفس الحجم و ممكن اكبر كمان

هي الابعاد اللي بتثبت كدا انا بصراحة متطلعتش على ابعاد الـC قبل كدا

المشاركة الأصلية كتبت بواسطة Maghraby1987

بس اكيد الناس هتطلع فيها القطط الفاطسه
اللي هيقلك جر امامي و ال180 موتورها ضعيف و الذي منه مش هتسلم من الكلام يعني :)

لا لأ دلوقتي مفيش حد بيمشي ورا الكلام دا .. بص كدا على المقارنات في القسم المخصص تلاقيهم بيفضلو العربية الاضعف بمجرد ان شنططها اكبر او شكلها اجمل شوية

والعربية دي شكلها بيقول انا متسبش يا معلم

المشاركة الأصلية كتبت بواسطة BuNsH_FoX

ماشاء الله ,, حاجة تفتــــــح النفس!
وتسلم ايدك على التقرير المتميز دة .

الله يباركلك يا برنس منور

المشاركة الأصلية كتبت بواسطة M.Elwan

العربية دى مستوردة من المانيا ولا متصنعة فى مصر ؟

قصدي متجمعة في مصر ؟ احتمال كبير وإلا كان سعرها ضرب جامد زي الـbmw 4 series ومفش حاجة بتتصنع في مصر يا برنس

المشاركة الأصلية كتبت بواسطة wael30003

هى دى العربيات اللى تتركالحمد على نعمة السيارة
مهما كان نوعها

منور الموضوع يا زعيم