الموضوع: تجربة غريبة وعجيبة جداااااااااااااااا مع الباركنج سنسور

رحت توكيل نيسان إسكندرية الهندسية للسيارات عشان أركب حساسات ركن إستلموا العربية ودخلت الورشة بعد شوية قالولي قربت تخلص فدخلت الورشة عشان أشوف إيه إللي بيحصل وأستلم كانوا بيقفلوا وكانوا رشوا الحساسات لون العربية جربنا العربية جوا الورشة أنا ومهندس الإستقبال شغالة تمااااااااااااام والشاشة بتقرأ ب سم أخدنا العربية وخرجنا بره عشان نركن في الباركنج ونحاسب بقى فوجئنا بالجهاز بإستمرار أثناء الرجوع للخلف بيصفر وقاري حاجة على بعد 50 سم مع إن المساحة كبيرة فاضية جربنا كذا مرة ورجعنا لمهندس التركيب وهنا كانت المفاجأة إننا أول ما دخلنا تاني الورشة إشتغلت مظبوطة خرجنا بره نفس الكلام إللي فات المهندس بقى هيتجنن وقعد يفكهم واحد واحد عشان يشوف العيب فين ملقاش فيها حاجة فمشكورا قاللي خلاص هنجيب طقم تاني نوع تاني عشان ده كان واير لس وأول مرة نركبه هنجيب النوع أبو سلك إللي مركبين منه أكتر من 50 مرة وجبنا النوع التاني ورشناه وركبناه وكانت نفس القصة بالحرف جوه وبره المهندس بقى هيتجنن وركب العربية وقعد يجرب ويغير المكان ولا حياة لمن تنادي
وفي النهاية طبعا مرضيتش أدفع فلوس في حاجة ملهاش لازمة بقيت الأزمة الإكصدام إللي إتخرم والناس المحترمين مرضيوش يخرجوني بالإكصدام معيوب فجابولي حساسات قديمة ورشوها بلون العربية وركبوها وبقت العربية كأنها مركبة حساسات وأهو منظر حتي السايس بتاع الجراج لما شافها مبقاش يقف معايا وأنا بركن ولا بيتحرك من مكانه ههههههههههههه

آسف للإطالة

المشاركة الأصلية كتبت بواسطة mohsunny2009

ممكن يكون دهان الحساسات اثر على ادائهم لانهم المفروض مايترشوش علشان الدوكو مايدخلش جوا الحساس نفسه

والله يا باشا أنا شكيت في كده بردو بس هم قالولي إنهم بيرشوا كل الحساسات حتى كان في حد من الزملاء هنا في المنتدي مركبها في أوتو إيجيبت وقال بردو إنهم رشوها له وشغالة كويس