السلام عليكم رجالة نايل موتورز جميعا ورجالة البيجو و الـ 301 اللى حاجزها واللى اشتراها واللى بيفكر فيها خصوصا :D
بقالى فترة كنت عايز اعمل فرش للعربية وخصوصا الارضية ع الاقل ومكسل وطبعا اتشغلت في كذا حوار ، لحد ما العربية داخلة على 6000 كيلو ، فقلت لو سبتها اكتر من كدة هتتبهدل ، فكرت اعمل عند جينز كار بس بصراحة شفت شغلهم في الارضية الجلد وبصراحة ما عجبنيش اوى
يوم الخميس بالليل بالصدفة عديت على واحد عندنا في المنوفية ورانى الخامات اللى عنده وعجبتنى ، واتفقنا اجيله يوم السبت من اول النهار و ان الموضوع كله هيتكلف 400 ، طبعا اكدت عليه موضوع العتب ان العربية مفيهاش عتب واحتمال ما تظبطش ، بص عليها وقاللى ما تقلقش هنظبطها
طبعا النهاردة 25 يناير بس بما انى في اهدى مكان في العالم :D توكلت على الله ورحت غسلت العربية الصبح الاول وبعدين كنت عنده ع الساعة 1
بداية بعتذر على جودة الصور لأن لا المكان ولا الوقت ولا الموبايل سمحوا بأفضل من كدة :36_1_1[1]:
نبتدي بسم الله ما شاء الله
اول صورة طبعا بعد فك الكراسى و الكنبة
http://imagizer.imageshack.us/v2/800...0/203/2no0.jpg
وبعدين فك الكونسولة وطبعا تحت الموكيت الاصلى والكونسول طبقة محترمة من العازل مش عارف باينة في الصورة ولا لا
http://imagizer.imageshack.us/v2/800...0/839/bcka.jpg
الفك واخد المقاسات وشراء الخامات اخد حوالى ساعة
بعد كدة بدأ يفصل فيه وياخد المقاسات تانى ع الطبيعة ، وبعدين بدأ شغل الخياطة وفي الاخر طبعا التركيب والتقفيل
صورة بعد ما تقريبا ركب الارضية كلها
http://imagizer.imageshack.us/v2/800...0/707/z4ze.jpg
اهم حاجة عندى كان موضوع العتب والحمد لله اتعمل بيرفكت زي ما باين في الصورة بسم الله ما شاء الله
http://imagizer.imageshack.us/v2/800x600q90/34/itf0.jpg
http://imagizer.imageshack.us/v2/800x600q90/34/wea9.jpg
واضح كمان في الصور انه تم فك الكليبسات من الموكيت الاصلى وتركيبها تانى بعد الجلد ، وده في كل الارضية ، وفك كاوتش الباب ودخل المشمع تحته و اداله كذا غرزة مع الموكيت عشان يثبت ، طبعا مع تركيب الكليبسات وقفل الكاوتش تانى ، بقى 100 100 زي الفابريقة ما شاء الله
http://imagizer.imageshack.us/v2/800x600q90/11/nv5c.jpg
صورة اجمالية من بعيد توضح الجنبين اليمين والشمال وشكل العتب وشكل الارضيات بعد ما تم تركيب الكونسول تانى
في تعريج بسيط في الدواسة ورا بس ده راح بعد ما الفرش اتطبع والكراسى ركبت
http://imagizer.imageshack.us/v2/800x600q90/14/kafc.jpg
صور بعد تركيب كل حاجة ، طبعا انا خليته عمللى الخرمين بتوع تركيب الدواسة عشان لو جبت دواسة اصلية في يوم من الايام اعرف اركبها
http://imagizer.imageshack.us/v2/800...0/713/dei2.jpg
ما شاء الله بعد ما كل حاجة ركبت تشوفه تقول فابريقة
http://imagizer.imageshack.us/v2/800...0/607/2xqf.jpg
http://imagizer.imageshack.us/v2/800...0/812/8dtr.jpg
ودى كانت تجربتى والحمد لله راضى تماما عنها ، بالمرة طلبت من الحاج مجدي تعلية الكرسى اليمين شوية ، وفعلا قعدته اتظبطت وبقت احسن من الاول بكتير
التكلفة الاجمالية كانت 450 وما رضيتش افاصل فيها لان فعلا الشغل عجبنى وخد حوالى 4 ساعات ونص من الساعة 1 لحد المغرب
في النهاية اتمنى يكون الموضوع مفيد ، وياريت تدعولى دعوة حلوة بالله عليكم ، في امان الله :)