الموضوع: قذاره المرور

المشاركة الأصلية كتبت بواسطة mohab.nabil

طيب يا جماعة انا كنت شارى عربية و سلمت النمر بتاعتها فى المرور عشان كانت المحافظة مختلفة و ركبت النمر الجديدة و بعدين الاقى بعدها بـ 3 سنين على النمر القديمة مخالفة بـ الف جنيه بعد ما سلمت النمر بـ 5 شهور يعنى النمر موجودة فى المخزن بتاع المرور و ادونى عليها مخالفة .. ازاى الله اعلم و الراجل اللى واقف على باب المكتب بتاع وكيل النيابة يقولى انت كده كده هتدفع اقوله افهم بس ادفع على نمر عندكوا فى المرور يقولى انت عملتها اه لحد ما كنت فعلا هشتمه لأنه مش راضى حتى يفكر فى الكلام اللى يتقاله بس للامانه لما دخلت وكيل النيابة طلع بيفهم و فى الاخر المخالفة اتشالت بس بعد 5 مشاوير ما بين مدينة نصر و فيصل و بهدلة طبعا

دلوقتى بقى التظلم انك بتجيب ورقه ب 5 جنيه و تجيب بيان صرف لوحات من مبنى جنبهم وتكتب اللى انت عاوزه فى التظلم لأ بتقابل حد ولا بتكلم حد بص الصراحه تانى يوم نزلوا المخالفات 300 جنيه

المشاركة الأصلية كتبت بواسطة ah-elgendy

دلوقتى بقى التظلم انك بتجيب ورقه ب 5 جنيه و تجيب بيان صرف لوحات من مبنى جنبهم وتكتب اللى انت عاوزه فى التظلم لأ بتقابل حد ولا بتكلم حد بص الصراحه تانى يوم نزلوا المخالفات 300 جنيه

لا ما انا كان موضوعى مختلف شوية عشان النمر القديمة كانت فى مرور مدينة نصر و النمر بتاعتى فى مرور فيصل و مرور مدينة نصر مكانش شغال وقت احداث رابعة فكانوا ناقلين النيابة فى مرور الدراسة و كان موضوع بهدلة على الاخر .. الحمد لله انها اتشالت لأن حرام بصراحة ادفع الف جنيه على مخالفة انا معلمتهاش .. يعنى انا مش فاهم بصراحة ازاى يدونى مخالفة على نمر موجودة فى المخزن عندهم بقالها 5 شهور و اللى يضحك اكتر انى بعد 3 سنين رحت اشوف النمر لقيتها لسه موجودة فى المخزن برضه محدش جديد اخدها يعنى النمر بتطلع تمشى لوحدها بليل و تعمل مخالفات !!

المشاركة الأصلية كتبت بواسطة ah-elgendy

دلوقتى بقى التظلم انك بتجيب ورقه ب 5 جنيه و تجيب بيان صرف لوحات من مبنى جنبهم وتكتب اللى انت عاوزه فى التظلم لأ بتقابل حد ولا بتكلم حد بص الصراحه تانى يوم نزلوا المخالفات 300 جنيه

الحمد لله انك عرفت تاخد حقك,وفيدنى لو تسمح بصيغة التظلم لاننى عندى نفس المخالفتين.ركن فى الممنوع وتعطيل حركة المرور.ونازلة فى شهر 6 مع اننى مرخص شهر 11.

المشاركة الأصلية كتبت بواسطة ayman-ahmed

الحمد لله انك عرفت تاخد حقك,وفيدنى لو تسمح بصيغة التظلم لاننى عندى نفس المخالفتين.ركن فى الممنوع وتعطيل حركة المرور.ونازلة فى شهر 6 مع اننى مرخص شهر 11.

الورقه اللى بتجبها ب5 جنيه مكتوب فيها شويه كلام فى النصف اللى فوق انت بتملى فيه البيانات رقم العربيه وقيمه المخالفات وبعد كده بيقوالك اسباب التظلم
هو بياخد صوره الرخصه مع الورق وتقول يوجد مخالفه بتاريخ كذا وتم تجديد السياره بتاريخ فى تاريخ كذا
وانا لم اكن موجود فى هذا المكان

المشاركة الأصلية كتبت بواسطة ah-elgendy

الورقه اللى بتجبها ب5 جنيه مكتوب فيها شويه كلام فى النصف اللى فوق انت بتملى فيه البيانات رقم العربيه وقيمه المخالفات وبعد كده بيقوالك اسباب التظلم
هو بياخد صوره الرخصه مع الورق وتقول يوجد مخالفه بتاريخ كذا وتم تجديد السياره بتاريخ فى تاريخ كذا
وانا لم اكن موجود فى هذا المكان

الله يباركلك.والف شكر لتعبك.

بس بصراحه انا حاسس ان بقى فى تطور فى المرور والاجراءات اسرع