موضوع ممتاز ياريت تكملى و شكرا على المجهود الرائع
و بصراحة انا خسران على الورق بس اليومين دول و مش عارف أخرج
عرض للطباعة
موضوع ممتاز ياريت تكملى و شكرا على المجهود الرائع
و بصراحة انا خسران على الورق بس اليومين دول و مش عارف أخرج
انا ليا اصحاب في اسكندرية خدوها ..
بس معرفش هنا ممكن اروح فين او اسال مين ..
هيا 3 levels وممكن تمتحن على طول منغير متاخد الكورسات بس طبعا يفضل انك تاخدها ..
لو عرفت حاجة ان شاء الله هقولك ..
كل الناس اليومين دول خسرانة والله .. :no:
بس لازم تتحرك مع اسهمك .. مش هينفع تسيبها كده ..
انت اكيد عارف ان حتى لو في طلوع .. اسعار 4 شهور فاتوا مش هترجع في يوم وليلة ..
ربنا مع الكل ..
ان شاء الله تتصلح الاحوال بعد العيد ..
وهبقى اشرح برضه بصورة مبسطة ازاي ممكن تتحرك مع اسهمك الخسرانة ..
كملى ياريت كملى
فيييييين؟؟؟؟؟
شكرا ليكي Miss_Pharma على الموضوع الجميل ده
فعلا استفدت منه ومن طريقة الشرح المبسطة وأتمنى تكملي الموضوع.
شكرااااااااااااااا ليكي يا مس فارما
نصيحة لوجه الله ابعدوا عن صالة القمار اللي اسمها البورصة دي وانفد بجلدك .
.
انا اسفة جدااااا جدااااااااااااااااااااااا اااا على التأخير ..
شاشة التداول
هي الشاشة اللي بنتابع عليها اسعار الاسهم وحركة البيع والشراء وعدد الاسهم المتداول عليها .. وطبعا البيانات دي يومية ويتتغير كل يوم وقت الجلسة ..
وبتشتغل 4 ساعات في اليوم من 10.30 ل 2.30 لاسهم داخل المقصورة ومن 2.45 ل 3.15 لاسهم خارج المقصورة
والشاشة دي بتديهالك الشركة مجانا او بمبلغ شهري .. او بتعمل اشتراك فيها عند شركات تانية او فيه شاشات مجانية بس بتكون بطيئة شوية ..
بالنسبة للبيانات اللي بنشوفها على الشاشة هي واحدة في كل الشاشات بس مع اختلاف ترتيبها وشكلها ..
نشوف الشاشة دي ونقول ايه اللي فيها
http://www8.0zz0.com/2008/10/18/18/197437698.jpg
البيانات من الشمال لليمين :
1- كود السهم (كل شركة من شركات البورصة ليها كود بيعبر عنها وبيكون مختصر الاسم بالانجليزي) يعني مثلا شركة
اوراسكوم تيليكوم .. Orascom Telecom كودها ORTE
او مثلا
مصر للزيوت .. Misr Oil & Soap كودها MOSC
وهكذا ..
2 - تاني خانة اللي عليها ظرف دي معناها اخبار .. يعني لو فيه اي اخبار نازلة على السهم ..
3- السعر الاخير او LAST وده معناه اخر سعر بيتداول عليه السهم .. وده اللي بيتيغير اثناء الجلسة كل كام ثانية ..
4- خانة CH ودي معناها التغيير في قيمة السهم بين سعر الفتح وسعر الاغلاق .. سعر الفتح ده اللي هو OPEN اللي موجود عندي اخر خانة في الشاشة ..
5- بعدين CH % ودي معناها قيمة التغيير بالنسبة المئوية ..
6- بعد كده HIGH وده اعلى سعر وصل ليه السهم اثناء الجلسة .
7- وبعدين ال LOW وده اكيد هيكون اقل سعر وصله السهم اثناء الجلسة .
8- خانة ال VOLUME دي بتعبر عن حجم التداول .. يعني عدد الاسهم اللي تم التداول عليها اثناء الجلسة .
9 - اما بقى ال TURNOVER ده قيمة التداول على السهم .. وطبعا بتختلف عن العدد .. يعني لو مثلا السهم قيمته 15 جنيه ونفذ 50 سهم .. ساعتها هيبقى الفوليوم 50 انما الترن اوفر 750 جنيه .. تمام ..
10 - HIGH BID معناه اعلى طلب .. يعني اعلى واحد طالب يشتري طلبه بالسعر ده ..
11- LOW ASK معناه اقل عرض .. يعني اقل واحد عارض يبيع اسهمه عارضها على السعر ده ..
12 و 13 - TOTAL BIDS و TOTAL ASKS يعني اجمالي عدد العروض والطلبات على السهم ..
14- خانة VWAP وده متوسط الاغلاق .. يعني متوسط التنفيذات على السهم في الجلسة ..
15- OPEN ده اللي قلنا عليه سعر الفتح ..
طبعا كل رقم من دول ليه معنى وليه فايدة ..