طيب الصح ايه يا زعيم
عرض للطباعة
ربنا معاك
حد يقول نجيب الاصلى منين و بكام ؟
متاااااابع
الف مبرووك مقدمآ و ربنا يباركلك فيهم و ياريت تكتب تعليقك عليهم بعد 1000 كم مثلأ
حرام عليك الفلوس اللى اتصرفت
انا مش هكون عارف معلومة وهقولك مبروك وكدة
يا جماعة الخير.. إبعدوا عن أجزاء العفشة إستيراد.. لإنها والله العظيم بتكون قطع غيار إستهلاكية.. يعنى ليها عمر إفتراضى معين وبتترمى..واللى بيتشرى استيراد مبيعرفش القطعة دى بتكون أستهلكت أد إيه.. وملهاش دعوة بشكلها حلو ولا مش حلو.. الجنبين اللى حضرتك إشتريتهم ب 920 جنيه دول أنا كنت جايبهم ب300 جنيه وأخدت منهم بس الطنابير والكالبيرات ورميت الباقى.. حضرتك لوكنت حسبتها صح كنت اشتريت جوز مساعدين مونرو فى حدود 420 جنيه وبيبقة معاهم ضمان سنة بحالها... إنما الإستيراد دا ملهوش أى ضمان... والعُمر مش بعزقة
أرجو إنك متكونش زعلت بكلامى الصريح
طب ماهو يا جماعه الجديد بيجيى مضروب وساعتها الفلوس بتروح ع الفاضى
عايز اقول لسيادتك حاجة احنا بنتناقش فا الكلام مايزعلش المهم المصلحة لينا
بس هاقولك حاجة على نقطة ان انت بتقول الضمان سنة
جار ليا معاه لانوس وجاب الجديد اللى حضرتك بتقول عليه بالضمان
بعد ما اتركب لقى المساعد بينزل ما يطلعش ورجع للبائع قاله
بلو واشربه مفيش ضمان يا باشا انا بتجيلى كراتين مقفوله مبصنعهاش فى بيتى
واحد تانى جاب مساعدين يابانى بـ 480 وبعد 3 شهور بالظبط العفشة معاه باظت
باختصار انا ملتجئتش للاستيراد كـ بخل او استخسار فلوس
انا لجئت للاستيراد لحاجتين اولا عشان لو طلعوا بعد كام شهور بايظين زى الجداد ماكونش خسرت كتير
ثانيا الاستيراد مهما كان نوعه مش هيبقى اسوأ من الموجود جديد فى مصر
انا قبل ما اشترى روحت لكذا واحد بتاع قطع غيار اصدقاء والدى وقالولى الاصلى زى المضروب
بيبقى مكتوب عليه كورى واصلى وبيطلع صينى مضرب
محدش بيقدر يفرق بينهم غير بعد التركيب وطالما الحاجة اتركبت لو طلعت مضروبة
انسى انها ترجع - والسبب فى كل اللى احنا فيه انعدام الضمير عند الناس
وبعدين عايز اقول لسيادتك حاجة جنبين بـ 300 جنيه اكيد مستهلكين
ثانيا انا مكنتش بغير مساعدين بس انا كنت بغير عفشة امامى كاملة
اولا تشترى اللى انت محتاجة فقط... يعنى عايز جوز مساعدين تشترى جوز مساعدين... عايز جوز مقصات تشترى جوز مقصات و هكذا انما تشترى جنب كامل مكامل ملوش اى لزمة
ثانين تشترى قطع الغيار الاصلية او حاجة احسن من الاصلى... قطع الغيار المضروبة مش هتعمل و ممكن تتلف حاجات تانية معاها
تشترى من حد ثقة و سمعتة كويسة عشان ميضحكش عليك و يديك حاجة مضروبة على اساس انها اصلى او يقنعك بمنتج تعبان و يقولك انه احسن من الاصلى
تركب عند حد متخصص و فاهم و عندة خبرة... التركيب 50% من الصيانة الصحيحة
MMamdouh