غيرت عفشة امامى كاملة واليكم التفاصيل
السلام عليكم ورحمه الله وبركاته
انا النهارده حبيت اغير العفشة لأنها كانت خلاص بتحتضر وكانت بتطلع اصوات غريبة
فا روحت لكذا واحد بتاع عفشة قالولى خليك فى الاستيراد
لأن زباين كتير عندنا جابوا جديد وبعد شهرين تلاته تلاقى العفشة باظت
وخصوصا المساعدين
طب والعمل عليك وعلى الاستيراد خدت الصنايعى ونزلنا عزبة شلبى
جبنا من واحد بيتعامل معاه ما شاء الله عليه
شغله مشهور وسنتر كبير
جبت جنبين امامى كاملين عبارة عن
2 مساعدين - 2 بطاحات - 2 سوستة مساعد - 2 كوز بطاحات
2 طنبورة بتيل الفرامل - 2 مقص بالجلب
بالعافية بعد الفصال بـ 900 و 20 جنية اكرامية للصنايعية
بس ما شاء الله طلعوا حلوين جدا وشكلهم فعلا هيطلعوا افضل من الجديد
ثبات اكتر ع السرعه - الدريكسيون خفيف عن الاول
العربية فى الحفر او المطبات هاديه مش زى الاول زى المراجيح
الحمدلله يعنى
انا حبيت اقولكم عشان الاستفادة تعم الجميع
والسلام عليكم ورحمه الله وبركاته