ازاى الواحد يفرق بين الماتور الخفيف اللى بياكل زيت وبين الزيت اللى بيحدث له تبخر ؟؟؟؟
ازاى الواحد يفرق بين الماتور الخفيف اللى بياكل زيت وبين الزيت اللى بيحدث له تبخر ؟؟؟؟
متابع باهتمام
بكل بساطة
الزيت اللى بيتبخر: يبقى لو حضرتك غيرت نوع الزيت بنوع أتقل (درجة اللزوجة) هتلاقى البخر راح
لو غيرت الزيت ولقيت برضة الزيت بيتاكل يبقى الموتور هو اللى بياكل الزيت
حاجة كمان : الموتور لو بياكل زيت هيبقى فيه دخنة بيضاء من الشكمان
اشكرك للاهتمامك
واوعدك اعمل بنصيحتك
بس فى حاجه ان الدخان الابيض مش بيبان فى الغالب الاعم
اولا بنزل الصبح بدرى جدا مش لعرف افرق بين بخار المياه او الدخان الابيض
بليل برجع متأخر جدا مش بيبان
من ناحية اداء الماتور انا حاسس انه ضعيف فى السحب (لسه مغير طقم دبرياج)
السلام عليكم ورحمة الله وبركاته
اهلا بحضرتك
طبعا دائما بنقول "لابد من معرفة نوع لزوجة الزيت الخاص بموتورك من الكاتالوج"
لا انصح ابدا بوضع زيت اتقل من الزيت الموصي به لان هذا من اسباب دمار الموتور بالبطئ
اما موضوع ان الزيت بيتبخر او الموتور بياكل زيت .......... فالحالتين تقريبا يعتبروا متقاربتين
لان فى الحالتين حضرتك محتاج تغير شوية جوانات , لانها هي مصدر تسريب الزيت او كما يسمي "بخر الزيت" وبالاخص فى السرعات العاليه والحراره المرتفعه
وبعد مراجعة الميكانيكي ومعرفة كام جوان يحتاج للتغيير وتم تغييرهم ....... يفضل عمل تنضيف باضافة "فلش" مرة واحده فقط
ثم باضافة الزيت "التصنيعي الكامل" وليس المعدني
لو عرفت تجيب زيت بلزوجة 5w-40 او 5w-30 او 5w-50 ومستوي خدمه sm او sn يكون افضل ..... وحتلاقي الكلام ده كله مكتوب علي اي علبه من الامام والخلف
وممكن نوع شل الترا او ليكوي مولي او فالفولين او موبيل1(سريع الاحتراق) او توتال كوارتز يكون افضل او اي نوع تختاره
بالتوفيق ان شاء الله
بفرض إن الموتور ما فيهوش عيوب تسريب... فالموتور اللي بياكل زيت واللي بيبخر زيت مشتركين في حاجة واحدة...
إن الزيت بيتحرق في السلندر
بس الطريقة مختلفة
في الموتور اللي بياكل زيت... بيبقى فيه تآكل في الشنابر بتاعت البساتم، وده بيخلي الزيت اللي بيزيت حركة البستم جوه السلندر ما يتمسحش كويس، وبالتالي بيفضل موجود ويتحرق مع البنزين.
إنما الموتور اللي بيبخر زيت بيبقى فيه مصدرين أساسيين لـ"استهلاك الزيت"
*طبقة الزيت اللي بتفضل على السلندر زي ما شرحنا من شوية... بس الطبقة بتبقى أقل بكتيير طبعا
*الزيت اللي بيتبخر أثناء تزييت وش السلندر، وبيطلع مع زيادة الضغط جوه البلوك من بلف الـ"pcv" ويرجع يدخل تاني مع خليط الوقود والهوا ويتحرق في السلندر
طبعا.. في الحالة التانية .. غالبا مش هتشوف دخان لإن كمية الزيت المستهلك بتبقى أقل بكتير
عشان تحل مشكلة استهلاك الزيت اعمل التالي:
* استعمل زيت تخليقي.
* قلل من سرعة دوران الموتور .. أو بمعنى أصح.. ما تحرقش كتير.
* استخدم زيت أثقل شوية أو مناسب لجو مصر.
لو عايز معلومات أكتر.. ادخل على الموضوع ده:
http://www.nilemotors.net/Nile/341680-a.html
...