العربيه بتزأزأ --- ومكتومه

**SALAH ELDIN** · 28-01-2014 12:15 PM

السلام عليكم
كيف احوالكم يا شباب
معايا بومه 2013 المهم يا جماعه العربيه كويسه وتمام بس عندى ملاحظتين
الاوله ان فى صوت زقزقه جاى من القايم الشمال من داخل العربيه وطبع جربت كل حاجه من ازاز للبتاعه بتاع حزام الامان بس انا سامع الصوت جاى من داخل القايم خلف البلاستيكه
الموضوع التانى
حاسس العربيه مكتومه ومش بتسحب منى و ال rbm بيعلى فجأه مع صوت موتور
العربيه عامله 15000 بس يعنى لسه طازه
ده من ايه يا جماعه
فى ناس بتقولى دة فلتر الهواء عاوز يتغير - علما انا شغال فى مصنع كله اسمنت و اتربه ومواد فعلا ممكن تأثر على الفلتر --- الرجاء النصحيه

**moe gawad** · 28-01-2014 01:14 PM

بص يا سيدى الفاضل , ده يا اما فلتر الهواء مكتوم , او البوابه عايزه تتنظف , او حساس الأيديال فيه مشكله . ممكن تكلمنى لو تحب وانا اساعدك

**salah_86** · 29-01-2014 03:03 AM

بالنسبة للزأزأه دى بتبقى من جريدة السقف ياما خارجة من الكليبس بتاعها ياما جواها تراب كتير
حلها انك تغسل العربية غسلة محترمة وبعدين تشوف الجريدة خارجة من الكليبس ولا ايه نظامها وبعدين تجيب علبة w4d وبالانبوبة بتاعتها تنضف بين الجريدة والزجاج

**muhmado_furp** · 30-01-2014 01:26 PM

المشاركة الأصلية كتبت بواسطة salah_86

بالنسبة للزأزأه دى بتبقى من جريدة السقف ياما خارجة من الكليبس بتاعها ياما جواها تراب كتير
حلها انك تغسل العربية غسلة محترمة وبعدين تشوف الجريدة خارجة من الكليبس ولا ايه نظامها وبعدين تجيب علبة w4d وبالانبوبة بتاعتها تنضف بين الجريدة والزجاج

معلش يا استاذ صلاح توضح اكتر
الي اعرفه اني جريده السقف من فوق علي السقف فازاي الصوت هيدخل ويبان من جوة
ولا انا الي مش فاهم

**SALAH ELDIN** · 30-01-2014 03:49 PM

الصوت جاى من داخل العربيه -- موضوع الجريده ده انا عارفه بس الصوت التانى ده من جوه العربيه فى القائم الفاصل من بين البابين الشمال من الجزء الى هو بتاع حزام الامان بس من الداخل يعنى ورا البلاستيك حد بقى عارف ده ايه ----------------بالنسبه لموضوع حساس الايديال و البوابه -- العربيه تعتبر لسه جديده ده 15 الف ممكن فعلا يكونوا هما السبب